КЫРГЫЗ РЕСПУБЛИКАСЫНЫН ЖОГОРКУ КЕҢЕШИ

ТОКТОМ

2021-жылдын 19-майы № 4572-VI

"Кыргыз Республикасынын 2021-жылга республикалык бюджети жана 2022-2023-жылдарга болжолу жөнүндө" Кыргыз Республикасынын Мыйзамынын долбоорун биринчи окууда кабыл алуу тууралуу" Кыргыз Республикасынын Жогорку Кеңешинин 2020-жылдын 25-ноябрындагы № 4177-VI токтомуна өзгөртүү киргизүү жөнүндө

Бажы иши чөйрөсүндө ЕАЭБ мыйзамдарынын жана Кыргыз Республикасынын мыйзамдарынын ортосундагы ар түрдү чечмелөөлөрдү алып салуу жана шайкеш эместиктерди жоюу, ошондой эле бажынын айланасындагы кызмат көрсөтүүлөрдүн рыногун өнүктүрүү үчүн бирдей, ачык жана атаандаштык шарттарды камсыз кылуу максатында Кыргыз Республикасынын Жогорку Кеңеши токтом кылат:

1. "Кыргыз Республикасынын 2021-жылга республикалык бюджети жана 2022-2023-жылдарга болжолу жөнүндө" Кыргыз Республикасынын Мыйзамынын долбоорун биринчи окууда кабыл алуу тууралуу" Кыргыз Республикасынын Жогорку Кеңешинин 2020-жылдын 25-ноябрындагы № 4177-VI токтомуна төмөнкүдөй өзгөртүү киргизилсин:

2-пунктунун он үчүнчү абзацы күчүн жоготту деп таанылсын.

2. Ушул токтом кабыл алынган күндөн тартып күчүнө кирет.