КЫРГЫЗ РЕСПУБЛИКАСЫНЫН ПРЕЗИДЕНТИНИН

ЖАРЛЫГЫ

2018-жылдын 9-февралы ПЖ № 21

Кыргыз Республикасынын Президентинин 2017-жылдын 31-январындагы "Кыргыз Республикасынын Мамлекеттик жана муниципалдык кызмат орундарынын реестрин бекитүү жөнүндө" Жарлыгына өзгөртүү жана толуктоо киргизүү тууралуу

Кыргыз Республикасынын Конституциясынын 65-беренесине ылайык

ТОКТОМ КЫЛАМ:

1. Кыргыз Республикасынын Президентинин 2017-жылдын 31-январындагы № 17 "Кыргыз Республикасынын Мамлекеттик жана муниципалдык кызмат орундарынын реестрин бекитүү жөнүндө" Жарлыгына төмөнкүдөй өзгөртүү жана толуктоо киргизилсин:

- жогоруда аталган Жарлык менен бекитилген Кыргыз Республикасынын Мамлекеттик жана муниципалдык кызмат орундарынын реестринин "Административдик мамлекеттик кызмат орундары" деген 4-главасында:

- 4.1-пунктунун "Президенттин Аппараты" графасындагы "Жогорку кызмат орду" тобунун "Ж-Б" категориясы төмөнкүдөй редакцияда берилсин:

"Коопсуздук кеңешинин катчысынын орун басары

Президенттин Жогорку Кеңештеги ыйгарым укуктуу өкүлү

Президенттин Жогорку соттун Конституциялык палатасындагы туруктуу өкүлү

Бөлүм башчысы

Президенттин басма-сөз катчысы

Бөлүм башчысынын орун басары

Комиссиянын жооптуу катчысы

Сектор башчысы

Кызматтын жетекчиси";

- 4.3-пунктунун "Президенттин архиви" графасындагы "Башкы кызмат орду" тобунун "Б-Б" категориясы төмөнкүдөй мазмундагы экинчи абзац менен толукталсын:

"Бөлүм башчысы".

2. Бул Жарлык расмий жарыяланган күндөн баштап күчүнө кирет.