КР Убактылуу Өкмөтүнүн 2010-жылдын 7-июнундагы УӨ №68 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2009-жылдын 10-июлу №447

Кыргыз Республикасынын Өкмөтүнүн 2009-жылдын 7-апрелиндеги № 221 "Кыргыз Республикасына кант ташып кирүүгө квота белгилөө жөнүндө" токтомуна өзгөртүүлөрдү киргизүү тууралуу

Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 2009-жылдын 7-апрелиндеги №221 "Кыргыз Республикасына кант ташып кирүүгө квота белгилөө жөнүндө" токтомуна төмөнкүдөй өзгөртүүлөр киргизилсин:

- 1-пункттагы "80 миң тонна" деген цифралар жана сөздөр "89 миң 540 тонна" деген цифралар жана сөздөр менен алмаштырылсын;

- 2 жана 3-пункттар төмөнкүдөй редакцияда берилсин:

"2. Кант кызылчасын кайра иштетүүчү ишканалар жана кант өндүрүүдө ак кантты колдонгон ишканалар үчүн бул токтомдун 1-пунктунда көрсөтүлгөн Кыргыз Республикасына ак кантты ташып кирүүгө квота тиркемеге ылайык көлөмдө бекитилсин.

3. Кыргыз Республикасынын Экономикалык өнүгүү жана соода министрлиги:

- бул токтомдо каралган иш-чаралардын Кыргыз Республикасындагы кант рыногу коньюнктурасына таасиринин мониторингин жүргүзсүн жана зарыл болгон учурда ички кант рыногундагы жагдайды оңдоп-түзөөгө багытталган чараларды көрүү жөнүндө сунуш киргизсин;

- бул токтомдо каралган тышкы соода ишинин чаралары жөнүндө Дүйнөлүк соода уюмунун Коргоо чаралары боюнча комитетине жана ЕврАзЭСтин Интеграциялык комитетинин секретариатына маалымдасын.";

- көрсөтүлгөн токтомдун тиркемеси бул токтомдун тиркемесине ылайык редакцияда берилсин.

2. Бул токтом расмий жарыяланган күндөн тартып күчүнө кирет.

Кант кызылчасын кайра иштетүүчү ишканалар жана кант өндүрүүдө ак кантты колдонгон ишканалар үчүн Кыргыз Республикасына ак кантты ташып кирүүгө КВОТА