КР Өкмөтүнүн 2020-жылдын 30-апрелиндеги № 227 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2009-жылдын 14-августу № 521

"Кыргыз Республикасынын Саламаттык сактоо министрлигине караштуу Дарылык камсыздоо жана медициналык техника департаментин түзүү жөнүндө" Кыргыз Республикасынын Өкмөтүнүн 1997-жылдын 26-сентябрындагы №556 токтомуна өзгөртүүлөрдү жана толуктоолорду киргизүү тууралуу

"Дары-дармек каражаттары жөнүндө" Кыргыз Республикасынын Мыйзамына ылайык Кыргыз Республикасынын Өкмөтү

ТОКТОМ КЫЛАТ:

1. "Кыргыз Республикасынын Саламаттык сактоо министрлигине караштуу Дарылык камсыздоо жана медициналык техника департаментин түзүү жөнүндө" Кыргыз Республикасынын Өкмөтүнүн 1997-жылдын 26-сентябрындагы №556 токтомуна өзгөртүүлөр жана толуктоолор киргизилсин:

- 2-пунктта:

"жана анын башкаруу схемасы" деген сөздөр алып салынсын;

- аталган токтом менен бекитилген Дарылык камсыздоо жана медициналык техника департаментинин башкаруу схемасы алып салынсын;

- аталган токтом менен бекитилген Кыргыз Республикасынын Саламаттык сактоо министрлигине караштуу Дарылык камсыздоо жана медициналык техника департаменти жөнүндө жободо:

- 6-пунктта:

экинчи абзац төмөнкүдөй редакцияда берилсин:

"- дарылык каражаттар жана медициналык техника жаатында программаларды иштеп чыгат;";

он үчүнчү абзац төмөнкүдөй редакцияда берилсин:

"- республикада чыгарылган жана импорт боюнча алынган дарылык каражаттарды стандартташтыруу, сапатын мамлекеттик контролдоо боюнча иштерди уюштурат, ошондой эле коопсуздук шайкештигине гуманитардык жардамдын линиясы боюнча иштерди аткарат;";

жыйырма биринчи абзацтагы "сертификаттоо" деген сөз "дарылык каражаттарды коопсуздук шайкештигине тастыктоо" деген сөздөргө алмаштырылсын;

төмөнкүдөй мазмундагы абзацтар менен толукталсын:

"- тиешелүү техникалык регламент чыкканга чейин республикада чыгарылган жана импорт боюнча алынган дарылык каражаттарды коопсуздук шайкештигине тастыктоо боюнча иштерди аткарат;";

"- ишкердик субъекттерге текшерүү жүргүзүү жөнүндө мыйзамдарга ылайык дарылык каражаттарды чыгарган ишкердик субъекттерге текшерүү жүргүзөт;";

7-пункт күчүн жоготту деп табылсын;

8-пункт төмөнкүдөй мазмундагы абзац менен толукталсын:

"- Департаменттин түзүмү Кыргыз Республикасынын Саламаттык сактоо министрлиги тарабынан бекитилет.";

10-пунктта:

төртүнчү абзац алып салынсын;

жетинчи абзацтагы ", анын ичинде чарбалык эсеп жүргүзүүнүн негизинде каржылануучу республиканын региондорунда" деген сөздөргө алмаштырылсын.

2. Кыргыз Республикасынын Саламаттык сактоо министрлиги:

- өзүнүн чечимдерин ушул токтомго ылайык келтирсин;

- бир айлык мөөнөттө Кыргыз Республикасынын Саламаттык сактоо министрлигине караштуу Дарылык камсыздоо жана медициналык техника департаментинин түзүмүн бекитсин.

3. Бул токтомдун аткарылышын контролдоо Кыргыз Республикасынын Өкмөтүнүн Аппаратынын социалдык өнүктүрүү бөлүмүнө жүктөлсүн.