КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2009-жылдын 27-июну №422

Кыргыз Республикасынын Өкмөтүнүн 2009-жылдын 10-февралындагы №100 "Кыргыз Республикасында техникалык шарттарды берүүнүн жана инженердик-техникалык камсыздоо тармактарына кошуу тартибинин эрежесин бекитүү жөнүндө" токтомуна өзгөртүү киргизүү тууралуу

Кыргыз Республикасынын Өкмөтүнүн 2008-жылдын 31-декабрындагы № 752 "Ишкердик ишти мамлекеттик жөнгө салууну жөнөкөйлөтүү боюнча чараларды жүзөгө ашыруу жөнүндө" жана 2008-жылдын 5-декабрындагы № 676 "Дүйнөлүк банктын "Бизнес жүргүзүү - 2010" отчету боюнча Кыргыз Республикасынын эл аралык кадыр-баркынын индикаторлорун жакшыртууга багытталган Кыргыз Республикасынын Өкмөтүнүн иш-аракеттер планы жөнүндө" токтомдоруна ылайык Кыргыз Республикасынын Өкмөтү токтом кылат:

1. Кыргыз Республикасынын Өкмөтүнүн 2009-жылдын 10-февралындагы № 100 "Кыргыз Республикасында техникалык шарттарды берүүнүн жана инженердик-техникалык камсыздоо тармактарына кошуу тартибинин эрежесин бекитүү жөнүндө" токтому менен бекитилген Кыргыз Республикасында техникалык шарттарды берүүнүн жана инженердик-техникалык камсыздоо тармактарына кошуу тартибинин эрежесине төмөнкүдөй толуктоо киргизилсин:

- 23-пункт төмөнкүдөй мазмундагы алтынчы абзац менен толукталсын:

"Курулуш (реконструкциялоо, кайрадан профилдөө, кайрадан пландоо) объекттерин телефондук байланышка кошуу жөнүндө арызга техникалык шарттарды тиркөө талап кылынбайт.".

2. Бул токтом расмий жарыяланган күндөн тартып күчүн кирет.