КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2009-жылдын 22-декабры № 799

Бишкек шаарында 2009-жылдын 3-декабрында кол коюлган Кыргыз Республикасы менен Эл аралык өнүктүрүү ассоциациясынын ортосундагы Каржылоо жөнүндө макулдашууну (Улуттук жол тармагын (Ош-Баткен-Исфана) реабилитациялоо долбоору) ратификациялоо тууралуу» Кыргыз Республикасынын Мыйзам долбоору жөнүндө

Мамлекет ичиндеги жол-жоболорду аткаруу максатында жана «Кыргыз Республикасынын эл аралык келишимдери жөнүндө» жана «Кыргыз Республикасынын нормативдик укуктук актылары жөнүндө» Кыргыз Республикасынын мыйзамдарынын негизинде Кыргыз Республикасынын Өкмөтү токтом кылат:

1. «Бишкек шаарында 2009-жылдын 3-декабрында кол коюлган Кыргыз Республикасы менен Эл аралык өнүктүрүү ассоциациясынын ортосундагы Каржылоо жөнүндө макулдашууну (Улуттук жол тармагын (Ош-Баткен-Исфана) реабилитациялоо долбоору) ратификациялоо тууралуу» Кыргыз Республикасынын Мыйзам долбоору жактырылсын.

2. Аталган мыйзам долбоору Кыргыз Республикасынын Жогорку Кеңешинин кароосуна жиберилсин жана Кыргыз Республикасынын Конституциясынын 65-беренесинин 2-пунктуна ылайык Кыргыз Республикасынын Жогорку Кеңешинен мыйзам долбоорун кечиктирилгис катары кезексиз тартипте кароо суралсын.

3. Кыргыз Республикасыныи транспорт жана коммуникациялар министри аталган мыйзам долбоорун Кыргыз Республикасынын Жогорку Кеңеши караган учурда Кыргыз Республикасынын Өкмөтүнүн расмий өкүлү болуп дайындалсын.

Долбоор

Кыргыз Республикасынын

Мыйзамы

«Бишкек шаарында 2009-жылдын 3-декабрында кол коюлган Кыргыз Республикасы менен Эл аралык өнүктүрүү ассоциациясынын ортосундагы Каржылоо жөнүндө макулдашууну (Улуттук жол тармагын (Ош-Баткен-Исфана) реабилитациялоо долбоору) ратификациялоо тууралуу»

1-берене. «Бишкек шаарында 2009-жылдын 3-декабрында кол коюлган Кыргыз Республикасы менен Эл аралык өнүктүрүү ассоциациясынын ортосундагы Каржылоо жөнүндө макулдашуу (Улуттук жол тармагын (Ош-Баткен-Исфана) реабилитациялоо долбоорун) ратификациялансын.

2-берене. Кыргыз Республикасынын Өкмөтү белгиленген тартипте жогоруда аталган Макулдашуу күчүнө кириши үчүн зарыл болгон мамлекет ичиндеги жол-жоболорду аткаргандыгы жөнүндө Эл аралык өнүктүрүү ассоциациясына билдирсин.

3-берене. Бул Мыйзам кол коюлган күндөн тартып күчүнө кирет.