КР Өкмөтүнүн 2010-жылдын 30-сентябрындагы №225 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2004-жылдын 4-декабры №889

Кыргыз Республикасынын Баңгизаттарды контролдоо боюнча агентствосунун кызматкерлерине азык-түлүк үлүштүн нормалары жана азык-түлүк үлүштүн ордуна акчалай компенсация жөнүндө

"Кыргыз Республикасынын Баңгизаттарды контролдоо боюнча органы жөнүндө" Кыргыз Республикасынын Мыйзамынын 15-статьясына ылайык, Кыргыз Республикасынын Баңгизаттарды контролдоо боюнча агентствосунун кызматкерлерин материалдык жактан колдоо максатында Кыргыз Республикасынын Өкмөтү

ТОКТОМ КЫЛАТ:

1. 2004-жылдын 1-ноябрынан баштап Кыргыз Республикасынын Баңгизаттарды контролдоо боюнча агентствосунун кызматкерлерин азык-түлүк үлүштөр менен камсыздоо Кыргыз Республикасынын мыйзамында Кыргыз Республикасынын Куралдуу Күчтөрүнүн аскер кызматчылары үчүн белгиленген нормалар боюнча колдонулсун.

2. Кыргыз Республикасынын Баңгизаттарды контролдоо боюнча агентствосунун кызматкерлерин азык-түлүк үлүштүн ордуна акчалай компенсациялоонун нормалары төмөнкүдөй белгиленсин:

- 2004-жылдын 1-ноябрынан баштап - суткасына 25 сом өлчөмдө;

- 2005-жылдын 1-январынан баштап - суткасына 34 сом өлчөмдө.

3. Кыргыз Республикасынын Финансы министрлиги азык-түлүк үлүштүн ордуна компенсация төлөөнүн каржыланышын камсыздасын.

4. Бул токтомдун аткарылышын контролдоо Кыргыз Республикасынын Премьер-министринин Аппаратынын коргонуу жана укук коргоо органдарынын иштери боюнча бөлүмүнө жүктөлсүн.