КР Өкмөтү менен КР Улуттук банкынын 2011.23.08. № 493/35/9 токтомуна ылайык күчүн жоготкон

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2010-жылдын 29-июлу №144

2002-жылдын 21-июнундагы № Д-3-2/659 Кыргыз Республикасынын Өкмөтү менен Кыргыз Республикасынын Улуттук банкынын ортосунда финансылык мамилелерди жөнгө салуу жөнүндө Башкы макулдашууга карата Кошумча макулдашуунун долбоору тууралуу

Кыргыз Республикасынын Финансы министрлигинин Борбордук Казыначылыгынын эсептерин башкаруу тутумун өркүндөтүү максатында Кыргыз Республикасынын Өкмөтү менен Кыргыз Республикасынын Улуттук банкы

ТОКТОМ КЫЛАТ:

1. 2002-жылдын 21-июнундагы № Д-3-2/659 Кыргыз Республикасынын Өкмөтү менен Кыргыз Республикасынын Улуттук банкынын ортосунда финансылык мамилелерди жөнгө салуу жөнүндө Башкы макулдашууга карата Кошумча макулдашуунун тиркелген долбоору жактырылсын.

2. Ушул токтомдун 1-пунктунда көрсөтүлгөн Кошумча макулдашууга Кыргыз Республикасынын Өкмөтүнүн атынан кол коюуга Кыргыз Республикасынын финансы министри Ч.И.Имашевге ыйгарым укук берилсин.

3. Ушул токтомдун аткарылышын контролдоо Кыргыз Республикасынын Финансы министрлигине жана Кыргыз Республикасынын Улуттук банкына жүктөлсүн.

Долбоор

2002-жылдын 21-июнундагы № Д-3-2/659 Кыргыз Республикасынын Өкмөтү менен Кыргыз Республикасынын Улуттук банкынын ортосунда финансылык мамилелерди жөнгө салуу тууралуу Башкы макулдашууга карата КОШУМЧА МАКУЛДАШУУ

2010-жылдын "____" _________________ № ____ Кыргыз Республикасынын Өкмөтү менен Кыргыз Республикасынын Улуттук банкынын биргелешкен токтомун аткаруу үчүн,

Биргелешип аталууда мындан ары "Тараптар" деп аталуучу Кыргыз Республикасынын Өкмөтү мындан ары "КРФМ" деп аталуучу Кыргыз Республикасынын финансы министри Ч.И.Имашевтин атынан жана "Кыргыз Республикасынын Улуттук банкы жөнүндө" Кыргыз Республикасынын Мыйзамынын негизинде иштөөчү, мындан ары "КРУБ" деп аталуучу Кыргыз Республикасынын Улуттук банкынын Башкармалыгынын төрагасынын милдетин аткаруучу Б.Ж.Жеенбаеванын атынан 2002-жылдын 21-июнундагы № Д-3-2/659 Кыргыз Республикасынын Өкмөтү менен Кыргыз Республикасынын Улуттук банкынын ортосунда финансылык мамилелерди жөнгө салуу жөнүндө Башкы макулдашуунун (мындан ары текст боюнча - "Башкы макулдашуу") 4.7. пунктуна ылайык Кыргыз Республикасынын Финансы министрлигинин Борбордук Казыначылыгынын эсептерин башкаруу тутумун өркүндөтүү максатында төмөнкүлөр жөнүндө Башкы макулдашууга карата ушул Кошумча макулдашууну түздү:

1. Тараптар Башкы макулдашууга төмөнкү өзгөртүүнү киргизүүгө макулдашты:

- 4.2. пункт төмөнкү редакцияда баяндалсын:

"4.2. КРУБдагы Өкмөттүн депозиттерине кошуп эсептелүүчү пайыздар, ошондой эле КРУБдун пайдасынын бюджетке которулууга тийиш болгон бөлүгү КТЭге чегерилет. КТЭге чегерилген каражаттар ушул Макулдашуу менен аныкталган Кыргыз Республикасынын Өкмөтүнүн карызын тындыруу максаттары үчүн пайдаланылат. Кыргыз Республикасынын Өкмөтүнүн КРУБдун алдындагы ар бир кварталдык чыгымдарын жаап туруу үчүн КРФМ зарыл сумманы КТЭде кармап турат.

Ар бир кварталдык чыгымдарды жабуу үчүн керектүү суммадан ашкан каражат Кыргыз Республикасынын ички жана тышкы мамлекеттик карыздарын мөөнөтүнөн мурда тындырууга пайдаланылышы мүмкүн".

2. Ушул Кошумча макулдашуу Башкы макулдашуунун ажырагыс бөлүгү болуп саналат.

3. Ушул Кошумча макулдашуу кол коюлган күндөн тартып күчүнө кирет.

4. Ушул Кошумча макулдашуу мамлекеттик жана расмий тилдерде бирдей юридикалык күчкө ээ болгон үч нускада түзүлгөн.