ТоктомКүчүндө

КР Өкмөтүнүн 2010-жылдын 7-октябрындагы №230 «Кыргыз Республикасынын Убактылуу Өкмөтүнүн 2010-жылдын 13-июлундагы № 129 «2010-жылдын 6-7-апрелинде курман болгондордун жана жабыркагандардын туугандарын социалдык колдоону координациялоо боюнча мамлекеттик комиссиянын курамын жана жобосун бекитүү жөнүндө» токтомуна өзгөртүүлөрдү киргизүү тууралуу» токтому

Редакция07.10.2010 редакциясы
Жүктөө .docx
Бул документ орус тилинде да барОрусча
Кыргыз Республикасынын Мамлекеттик герби

ПРАВИТЕЛЬСТВО КЫРГЫЗСКОЙ РЕСПУБЛИКИ

ПОСТАНОВЛЕНИЕ

2010-жылдын 7-октябры № 230

Кыргыз Республикасынын Убактылуу Өкмөтүнүн 2010-жылдын 13-июлундагы № 129 «2010-жылдын 6-7-апрелинде курман болгондордун жана жабыркагандардын туугандарын социалдык колдоону координациялоо боюнча мамлекеттик комиссиянын курамын жана жобосун бекитүү жөнүндө» токтомуна өзгөртүүлөрдү киргизүү тууралуу

1. Кыргыз Республикасынын Убактылуу Өкмөтүнүн 2010-жылдын 13-июлундагы № 129 «2010-жылдын 6-7-апрелинде курман болгондордун жана жабыркагандардын туугандарын социалдык колдоону координациялоо боюнча мамлекеттик комиссиянын курамын жана жобосун бекитүү жөнүндө» токтомуна төмөнкүдөй өзгөртүүлөр киргизилсин:

1) жогоруда аталган токтом менен бекитилген 2010-жылдын 6-7-апрелинде курман болгондордун жана жабыркагандардын туугандарын социалдык колдоону координациялоо боюнча мамлекеттик комиссиянын курамында:

- А.Сагындыков курамынан чыгарылсын;

- А.Бектуров - курман болгондун бир тууганы (макулдашуу боюнча) курамына киргизилсин;

2) жогоруда аталган токтом менен бекитилген 2010-жылдын 6-7-апрелинде курман болгондордун жана жабыркагандардын туугандарын социалдык колдоону координациялоо боюнча мамлекеттик комиссия жөнүндө жободо:

- 8-пунктундагы «Убактылуу Өкмөтүнүн декреттери жана токтомдору» деген сөздөр «Өкмөтүнүн чечимдери» деген сөздөргө алмаштырылсын;

- 11-пункттун биринчи абзацы төмөнкүдөй редакцияда баяндалсын:

«Атайын эсептен каражаттарды бөлүү жөнүндөгү чечим билдирмелерди кароонун натыйжасы боюнча кабыл алынат:

- 50000 сомго чейинки өлчөмдө - Комиссия тараптан;

- 50000 сомдон жогору өлчөмдө - Комиссиянын сунушу боюнча Кыргыз Республикасынын Өкмөтү тараптан.»;

- 12-пунктундагы «Убактылуу Өкмөтүнүн чечиминин» деген сөздөр «Өкмөтүнүн же Комиссиянын чечимдеринин» деген сөздөргө алмаштырылсын;

- 16-пунктунун биринчи абзацындагы биринчи сүйлөм төмөнкүдөй редакцияда баяндалсын:

«Кыргыз Республикасынын Президентинин Администрациясынын жетекчиси Комиссиянын төрагасы болуп саналат.»;

- бүткүл текст боюнча:

ар кандай жөндөмөдөгү «Убактылуу Өкмөтүнүн Аппараты» деген сөздөр тиешелүү жөндөмөдө «Президентинин Администрациясы» деген сөздөргө алмаштырылсын;

«Убактылуу» деген сөз алып салынсын.

2. Кыргыз Республикасынын Убактылуу Өкмөтүнүн 2010-жылдын 3-июнундагы № 426 тескемесинин 1-пунктунун төртүнчү - алтынчы абзацтары 2010-жылдын 13-июлунан тартып күчүн жоготту деп табылсын.

3. Бул токтом расмий жарыяланган күндөн баштап күчүнө кирет.

 

Кыргыз Республикасынын

Президенти

 

Р. Отунбаева