КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2010-жылдын 14-июну УӨ №83

Кыргыз Республикасынын Өкмөтүнүн 2008-жылдын 29-июлундагы № 406 "Кыргыз Республикасынын Ысык-Көл облусундагы Ысык-Көл районунун Тамчы айылдык округунун аймагында жайгашкан жерлерди которуу жөнүндө" токтомуна өзгөртүүлөрдү киргизүү тууралуу

Ысык-Көл облусунун Ысык-Көл районундагы Тамчы айыл округунун Чырпыкты айылынын тургундарынын социалдык маселелерин чечүү максатында Кыргыз Республикасынын Убактылуу Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 2008-жылдын 29-июлундагы №406 "Кыргыз Республикасынын Ысык-Көл облусундагы Ысык-Көл районунун Тамчы айыл округунун аймагында жайгашкан жерлерди которуу жөнүндө" токтомуна төмөнкүдөй өзгөртүүлөр киргизилсин:

- 1-пункттун экинчи абзацындагы "Өзгөчө корголуучу жаратылыш аймактарынын жерлери" деген сөздөр "Калктуу конуштардын жерлери" деген сөздөргө алмаштырылсын;

- 2-пункта:

төртүнчү абзац алып салынсын;

бешинчи абзац төмөнкүдөй редакцияда баяндалсын:

"Кыргыз Республикасынын курулуш нормаларына жана эрежелерине жана колдонулуудагы ченемдик укуктук актыларына ылайык которулуучу жерлердин шаар куруу документтерин иштеп чыгууну жана бекитүүнү.".