КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2011-жылдын 6-июну № 289

Кыргыз Республикасынын Өкмөтүнүн 2001-жылдын 27-июлундагы № 376 «Айрым коркунучтуу химиялык заттардын жана пестициддердин жагымсыз таасиринен курчап турган чөйрөнү жана калктын ден соолугун коргоо боюнча чаралар жөнүндө» токтомуна толуктоолорду жана өзгөртүүлөрдү киргизүү тууралуу

Айрым коркунучтуу өнөр жайлык химиялык заттардын жана пестициддик курамдардын зыяндуу таасиринен калктын ден соолугун жана курчап турган чөйрөнү коргоо, алардын соодада мыйзамсыз жүгүртүлүшүн четтетүү, ошондой эле Эл аралык соодада айрым коркунучтуу химиялык заттар жана пестициддер жагынан алдын ала негизделген макулдашуунун жол-жобосу жөнүндө БУУнун Роттердам конвенциясынын жана Туруктуу органикалык булгоочу заттар жөнүндө Стокгольм конвенциясынын милдеттенмелерин аткаруу максатында Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 2001-жылдын 27-июлундагы № 376 «Айрым коркунучтуу химиялык заттардын жана пестициддердин жагымсыз таасиринен курчап турган чөйрөнү жана калктын ден соолугун коргоо боюнча чаралар жөнүндө» токтомуна төмөнкүдөй өзгөртүүлөр жана толуктоолор киргизилсин:

- преамбула «Роттердам конвенциясынын» деген сөздөрдөн кийин «жана «Туруктуу органикалык булгоочу заттар жөнүндө Стокгольм конвенциясынын» деген сөздөр менен толукталсын;

- 1-пункт «тыюу салынган» деген сөздөрдөн кийин «же катуу чектелген» деген сөздөр менен толукталсын;

- 2-пункт күчүн жоготту деп табылсын;

- 3-пункттагы «2000-2004» деген цифралар «2010-2014» деген цифралар менен алмаштырылсын;

- 4-пункт төмөнкүдөй редакцияда берилсин:

«4. Кыргыз Республикасынын ыйгарым укуктуу мамлекеттик бажы органы ушул токтом менен бекитилген Тизмеге ылайык химиялык заттарды жана пестициддерди мыйзамсыз ташуунун фактысы жөнүндө маалыматты Кыргыз Республикасынын курчап турган чөйрөнү коргоонун ыйгарым укуктуу мамлекеттик органына өз убагында берип турсун.».

- аталган токтом менен бекитилген Колдонууга тыюу салынган химиялык заттардын жана пестициддердин тизмесинде:

Тизменин аталышы «тыюу салынган» деген сөздөрдөн кийин «же катуу чектелген» деген сөздөр менен толукталсын;

төмөнкүдөй мазмундагы 26-46-пункттар менен толукталсын:

«

»;

төмөнкүдөй мазмундагы эскертүү менен толукталсын:

«Эскертүү:

* - колдонууга катуу чектелген заттар»,

- аталган токтомго тиркереме күчүн жоготту деп табылсын.

2. Бул токтом расмий жарыяланган күндөн баштап күчүнө кирет.