ПорядокКүчүн жоготту

Катталуучу (кайра катталуучу) юридикалык жактардын, филиалдардын (өкүлчүлүктөрдүн) аталышын алдын ала текшерүүнүн Тартиби (Кыргыз Республикасынын Өкмөтүнүн 2011-жылдын 3-августундагы №442 токтому менен бекитилген)

Номер: —
Кабыл алынган дата: 3 августа 2011 года
Расмий жарыялоо: № 15-16 · 29 августа 2011 года
Жрыялоо булагы: журнал "Нормативные акты Правительства КР"
Редакциялар: 2
Документтин коду: 92695

КР Министрлер Кабинетинин 2023-жылдын 15-майындагы № 250 токтомуна ылайык КҮЧҮН ЖОГОТТУ

Кыргыз Республикасынын Өкмөтүнүн 2011-жылдын 3-августундагы №442 токтому менен бекитилген

Катталуучу (кайра катталуучу) юридикалык жактардын, филиалдардын (өкүлчүлүктөрдүн) аталышын алдын ала текшерүүнүн ТАРТИБИ

1. Бул Тартип Кыргыз Республикасынын Граждандык кодексине, "Юридикалык жактарды, филиалдарды (өкүлчүлүктөрдү) мамлекеттик каттоо жөнүндө" Кыргыз Республикасынын Мыйзамына ылайык иштелип чыккан жана юридикалык жакты, филиалды (өкүлчүлүктү) мамлекеттик каттоодо же аталышы өзгөргөндүгүнө байланыштуу мамлекеттик кайра каттоодо колдонулат.

Бул Тартип каттоо органынын каттоодон өтө турган юридикалык жактардын, филиалдардын (өкүлчүлүктөрдүн) аталыштарын алдын-ала текшерүү боюнча ишин регламенттештирүү максатында иштелип чыккан.

2. Аталышын алдын-ала текшерүүгө арыз берүү укугуна бардык жеке жана (же) юридикалык жактар (мындан ары - арыз берүүчү) ээ болот.

3. Аталышын алдын-ала текшерүүгө арыз каттоо органына түздөн-түз арыз берүүчү тарабынан берилет.

4. Каттоо органы юридикалык жактардын, филиалдардын (өкүлчүлүктөрдүн) аталыштарын алдын-ала текшерүү жүргүзгөн жооптуу адамды (адамдарды) өзүнүн буйругу аркылуу аныктайт.

5. Аталышты алдын-ала текшерүү ыктыярдуу болуп эсептелет.

6. Аталышын алдын-ала текшерүүгө арызда бир гана аталыш көрсөтүлөт.

7. Аталышын алдын-ала текшерүүгө арыз өзүнө төмөнкүлөрдү камтууга тийиш:

- текшериле турган аталыш Кыргыз Республикасынын мамлекеттик жана расмий тилдеринде;

- арыз берүүчүнүн аты-жөнү;

- арыз берилген күнү жана убактысы.

Эгерде юридикалык жактын, филиалдын (өкүлчүлүктүн) аталышы арызда чет тилинде көрсөтүлсө, анда аталышын алдын-ала текшерүүгө арызда кыргызча же орусча транслитерациясы көрсөтүлөт.

8. Аталышын алдын-ала текшерүүгө арыз 1-тиркемеге ылайык берилет. Аталышын алдын-ала текшерүүгө арыз басма тамгалары менен толтурулат жана арыз берүүчүнүн кол коюлат.

9. Арыздар жумуш күндөрүндө саат 14.00дөн 17.00гө чейин кабыл алынат.

10. Жооптуу адам журнал толтурат, анда аталышты алдын-ала текшерүүгө арыздын келип түшкөн күнү жана убактысы, текшерүүгө сунушталган аталыш, алдын-ала текшерүүнүн жыйынтыгы боюнча кабыл алынган корутунду көрсөтүлөт.

11. Арызда көрсөтүлгөн аталыш каттоо органы тарабынан жактырылгандан кийин аталышты алдын-ала текшерүүгө берилген арызда көрсөтүлгөн аталышка оңдоолорду киргизүүгө жол берилбейт.

12. Аталышты алдын-ала текшерүү аталышты алдын-ала текшерүүгө арыз келип түшкөндөн кийин эки жумушчу саат ичинде жүргүзүлөт.

13. Каттоо органы алдын-ала текшерүүнүн жыйынтыгы боюнча төмөнкүдөй корутундуларды кабыл алат:

- 2-тиркемеге ылайык аталышты жактыруу жана резервдөө;

- 3-тиркемеге ылайык аталышты пайдаланууну четке кагуу.

14. Аталышты жактыруу жана резервдөө жөнүндө корутундуга жооптуу адам кол коет жана сунушталган аталыш ушул корутунду кабыл алынган күндөн тарта 30 календардык күн ичинде резервделет жана көрсөтүлгөн мөөнөттө Кыргыз Республикасынын бүткүл аймагында колдонулат.

Көрсөтүлгөн мөөнөт ичинде каттоо органы тарабынан төмөнкүлөрдү кабыл алууга жол берилбейт:

- резервделген аталышка окшош аталыштарды жактыруу жана резервдөө жөнүндө корутундуну;

- резервделген аталышка окшош аталыштагы юридикалык жактын, филиалдын (өкүлчүлүктүн) мамлекеттик каттоо үчүн каттоо арызын кароого;

- резервделген аталышка окшош аталышы өзгөргөндүгүнө байланыштуу юридикалык жакты, филиалды (өкүлчүлүктү) мамлекеттик кайра каттоо үчүн каттоо арызын кароого.

15. Бул Тартиптин 14-пунктунда көрсөтүлгөн мөөнөт бүткөндөн кийин аталыш башка арыз берүүчүгө резервделиши мүмкүн.

Бул Тартиптин 14-пунктунда көрсөтүлгөн мөөнөт бүткөн учурда өзүнө аталыш бекитилген арыз берүүчү аталышты алдын-ала текшерүүгө кайрадан арыз берүүгө укуктуу.

16. Бир каттоо органы тарабынан аталышты жактыруу жана резервдөө жөнүндө корутунду кабыл алынган учурда жооптуу адам эки сааттын ичинде маалыматтык-коммуникациялык технологиялар аркылуу резервделген аталыш жөнүндө маалымат камтылган билдирүүнү (4-тиркеме) маалымат үчүн каттоо органдарынын аймактык органдарына жөнөтүүгө милдеттүү.

17. Мамлекеттик каттоо (кайра каттоо) үчүн каттоо арызы келип түшкөндө арыз берүүчүдө аталышты жактыруу жана резервдөө жөнүндө корутунду жок учурда каттоо органы келип түшкөн каттоо арызы жөнүндө тиешелүү маалымат камтылган электрондук түрүндөгү билдирүүнү (5-тиркеме) маалыматтык-коммуникациялык технологиялар аркылуу эки сааттын ичинде башка каттоо органдарына маалымат үчүн билдирүүгө милдеттүү.

18. Бир каттоо органы тарабынан башка каттоо органына билдирүүнү маалыматтык-коммуникациялык технологиялар аркылуу жөнөтүү мүмкүнчүлүгү болбогон учурда маалымат берүү телефон байланышы же башка жол менен (факс, е-mail ж.б.) резервдештирилген аталыш, корутундунун кабыл алынган күнү жана убактысы жөнүндө маалыматтын же каттоо арызында көрсөтүлгөн аталыш жана каттоо документтери келип түшкөн күн жөнүндө маалыматтын негизинде жүргүзүлөт.

19. Аталышты пайдаланууну четке кагуу жөнүндө корутунду төмөнкү учурларда кабыл алынат:

- Юридикалык жактардын, филиалдардын (өкүлчүлүктөрдүн) бирдиктүү мамлекеттик реестринде ушундай аталыштагы юридикалык жак, филиал (өкүлчүлүк) катталган (кайра катталган) болсо. Сунушталган аталыш катталган башка юридикалык жактын, филиалдын жана өкүлчүлүктүн аталышына бардык элементтери боюнча (символдорду, тыныш белгилерин, сандарды албаганда) туура келсе, ал окшош деп табылат;

- Кыргыз Республикасынын мыйзамдарына ылайык пайдаланууга чектөө бар болсо.

20. Аталышты алдын-ала текшерүүдө каттоо органы төмөнкү маалыматтарды пайдаланат:

- юридикалык жактардын, филиалдардын (өкүлчүлүктөрдүн) маалыматтарынын электрондук базасын;

- башка каттоо органдарынан алынган маалыматтарды;

- коргоо жана фирмалык аталыштарды каттоо функцияларын аткарган мамлекеттик органдардан алынган маалыматтарды.

21. Юридикалык жактар мамлекеттик кайра катталууда өзүнүн аталышын пайдалануу укугун сактап калат.

22. Арыз берүүчү менен каттоо органынын ортосундагы аталышты алдын-ала текшерүү менен байланышкан талаш-тартыштар Кыргыз Республикасынын мыйзамдарына ылайык каралат.

Катталуучу (кайра катталуучу) юридикалык жактардын, филиалдардын (өкүлчүлүктөрдүн) аталышын алдын ала текшерүүнүн тартибине 1-тиркеме

Аталыштарды алдын-ала текшерүү АРЫЗЫ

(басма тамгалар менен толтурулат)

┌─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┐

Фамилиясы └─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┘

┌─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┐

Аты └─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┘

┌─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┐

Атасынын └─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┘

аты_______________________________________________________________________ алдын-ала текшерүүгө төмөнкү аталышты көрсөтөт:

Мамлекеттик тилде толук аталышы:

┌─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┬─┐

└─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┴─┘

Расмий тилде толук аталышы:

Колу: _______________________ Датасы ___________________

Убактысы жана датасы _____________________ (жооптуу адам толтурат)

-----------------------------------------------------------------------

Аталыштарды алдын-ала текшерүү арызына айырма талону

Мамлекеттик тилде толук аталышы:

Расмий тилде толук аталышы:

Аталыштарды алдын-ала текшерүү арызын алдым.

Жоопту адамдын аты-жөнү

Колу: ____________________ Датасы _______________________

Убактысы _____________________

Катталуучу (кайра катталуучу) юридикалык жактардын, филиалдардын (өкүлчүлүктөрдүн) аталышын алдын ала текшерүүнүн тартибине 2-тиркеме

Аталышты жактыруу жана резервдөө жөнүндө КОРУТУНДУ

Каттоочу органдын аталышы:

төмөнкү аталышты пайдаланууну жактырат жана аны 30 календардык күнгө резервдейт:

Мамлекеттик тилде толук аталышы:

Расмий тилде толук аталышы:

Текшерүүнү жүргүзгөн адамдын аты-жөнү:

Колу: ____________________ Датасы _______________________

Убактысы _____________________

Катталуучу (кайра катталуучу) юридикалык жактардын, филиалдардын (өкүлчүлүктөрдүн) аталышын алдын ала текшерүүнүн тартибине 3-тиркеме

Аталышты пайдаланууну четке кагуу жөнүндө КОРУТУНДУ

Каттоочу органдын аталышы:

төмөнкү аталышты пайдаланууну четке кагуу жөнүндө корутунду кабыл алды:

Мамлекеттик тилде толук аталышы:

Расмий тилде толук аталышы:

Четке кагуунун негизи:

_________________________________________________________________

______________________________________________________________________

Текшерүүнү жүргүзгөн адамдын аты-жөнү:

Колу: ____________________ Датасы _______________________

Убактысы _____________________

Катталуучу (кайра катталуучу) юридикалык жактардын, филиалдардын (өкүлчүлүктөрдүн) аталышын алдын ала текшерүүнүн тартибине 4-тиркеме

Аталышты резервдөө жөнүндө БИЛДИРҮҮ

Каттоочу органдын аталышы:

төмөнкү аталышты жактыруу жана резервдөө жөнүндө корутунду кабыл алгандыгы тууралуу билдирет:

Мамлекеттик тилде толук аталышы:

Расмий тилде толук аталышы:

Жооптуу адамдын аты-жөнү

Колу: ____________________ Датасы _______________________

Убактысы _____________________

Катталуучу (кайра катталуучу) юридикалык жактардын, филиалдардын (өкүлчүлүктөрдүн) аталышын алдын ала текшерүүнүн тартибине 5-тиркеме

Келип түшкөн каттоо арызы жөнүндө БИЛДИРҮҮ

Каттоочу органдын аталышы:

төмөнкү аталышты каттоо арызын кабыл алгандыгы тууралуу билдирет:

Мамлекеттик тилде толук аталышы:

Расмий тилде толук аталышы:

Жооптуу адамдын аты-жөнү:

Колу: ____________________ Датасы _______________________

Убактысы _____________________