КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2012-жылдын 29-февралы № 157

Социалдык кызматкер жөнүндө жобону бекитүү тууралуу

Социалдык кызматкерлердин статусун жогорулатуу жана жашоо-тиричиликтин оор кырдаалына кабылган үй-бүлөлөргө жана балдарга социалдык кызмат көрсөтүүнү өнүктүрүү, ошондой эле туруктуу социалдык көзөмөлгө, алардын турак-жайларына социалдык кызматкерлер дайыма барып турушуна, зарыл социалдык жана материалдык-турмуш-тиричилик жардам көрсөтүүгө муктаж болгон жарандарга, үй-бүлөлөргө жана балдарга социалдык патронажды жүзөгө ашыруу максатында Кыргыз Республикасынын Өкмөтү

ТОКТОМ КЫЛАТ:

1. Социалдык кызматкер жөнүндө тиркелген жобо бекитилсин.

2. Кыргыз Республикасынын Социалдык өнүктүрүү министрлиги өз чечимдерин ушул токтомго ылайык келтирсин.

3. Бул токтом расмий жарыяланган күндөн тартып күчүнө кирет.