ТоктомКүчүн жоготту

Кыргыз Республикасынын Өкмөтүнүн 2012-жылдын 18-октябрындагы № 724 "Кыргыз Республикасынын 2012-жылга республикалык бюджети жана 2013-2014-жылдарга болжолу жөнүндө" Кыргыз Республикасынын Мыйзамына өзгөртүүлөрдү киргизүү тууралуу" Кыргыз Республикасынын Мыйзам долбоору жөнүндө" токтому

Номер: № 724
Кабыл алынган дата: 18 октября 2012 года
Реестрге киргизилген: 31 октября 2012 года
Чыгарган: Кыргыз Республикасынын Өкмөтү
Документтин коду: 93972

Бул документ жөнүндө суроо

Минюсттун расмий барагы

КР Министрлер Кабинетинин 2022-жылдын 25-мартындагы № 166 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮНҮН

ТОКТОМУ

2012-жылдын 18-октябры № 724

"Кыргыз Республикасынын 2012-жылга республикалык бюджети жана 2013-2014-жылдарга болжолу жөнүндө" Кыргыз Республикасынын Мыйзамына өзгөртүүлөрдү киргизүү тууралуу" Кыргыз Республикасынын Мыйзам долбоору жөнүндө

Кыргыз Республикасынын Конституциясынын 79-беренесине ылайык Кыргыз Республикасынын Өкмөтү

ТОКТОМ КЫЛАТ:

1. "Кыргыз Республикасынын 2012-жылга республикалык бюджети жана 2013-2014-жылдарга болжолу жөнүндө" Кыргыз Республикасынын Мыйзамына өзгөртүүлөрдү киргизүү тууралуу" Кыргыз Республикасынын Мыйзам долбоору жактырылсын.

2. Аталган мыйзам долбоору Кыргыз Республикасынын Жогорку Кеңешинин кароосуна киргизилсин.

3. Кыргыз Республикасынын Жогорку Кеңешинен бул мыйзам долбоорун Кыргыз Республикасынын Конституциясынын 80-беренесинин 2-бөлүгүнө ылайык кечиктирилгис катары кезексиз тартипте кароо суралсын.

4. Кыргыз Республикасынын финансы министри бул мыйзам долбоору Кыргыз Республикасынын Жогорку Кеңешинде каралган учурда Кыргыз Республикасынын Өкмөтүнүн расмий өкүлү болуп дайындалсын.

Премьер-министри

Ж. Сатыбалдиев

Долбоор

"Кыргыз Республикасынын 2012-жылга республикалык бюджети жана 2013-2014-жылдарга болжолу жөнүндө" Кыргыз Республикасынын Мыйзамына өзгөртүүлөрдү киргизүү тууралуу

1-берене.

"Кыргыз Республикасынын 2012-жылга республикалык бюджети жана 2013-2014-жылдарга болжолу жөнүндө" Кыргыз Республикасынын Мыйзамына ("Эркин Тоо" газетасы, 2012-жылдын 1-майы, № 39) төмөнкүдөй өзгөртүүлөр киргизилсин:

1. 1-беренеде:

1-бөлүктө "81627040,3", "104729374,1" жана "6314322,3" деген цифралар тиешелүү түрдө "79598488,2", "101317617,9" жана "5272930,0" деген цифралар менен алмаштырылсын:

2-бөлүктө "23102333,8" деген цифралар "21719129,7" деген цифралар менен алмаштырылсын;

3-бөлүктө "23102333,8" деген цифралар "21719129,7" деген цифралар менен алмаштырылсын.

2. 5-берененин 2-бөлүгүндө:

1-пунктта "3830872,4" деген цифралар "3316422,4" деген цифралар менен алмаштырылсын;

2-пунктта "17565093,8" деген цифралар "16095093,6" деген цифралар менен алмаштырылсын.

3. 10-беренеде "192642,7" деген цифралар "186472,1" деген цифралар менен алмаштырылсын.

4. 13-берененин 1-бөлүгүндө "10760000,0" деген цифралар "11214763,9" деген цифралар менен алмаштырылсын.

5. 14-берененин 4-бөлүгүндө "159400,0" деген цифралар "509400,0" деген цифралар алмаштырылсын.

6. 1, 1-1, 1-2, 1-3, 2, 2-1, 3, 4, 5-тиркемелер ушул Мыйзамдын 1, 1-1, 1-2, 1-3, 2, 2-1, 3, 4, 5-тиркемелерине ылайык редакцияда берилсин.

2-берене.

Бул Мыйзам расмий жарыяланган күндөн баштап күчүнө кирет.

Кыргыз Республикасынын Президенти

"Кыргыз Республикасынын 2012-жылга республикалык бюджети жана 2013-2014-жылдарга болжолу жөнүндө" Кыргыз Республикасынын Мыйзамына өзгөртүүлөрдү киргизүү жөнүндө" Кыргыз Республикасынын Мыйзамынын долбоору жөнүндө" Кыргыз Республикасынын Өкмөтүнүн токтомунун долбооруна карата

НЕГИЗДЕМЕ-МААЛЫМ КАТ

Кыргыз Республикасынын Өкмөтү "Кыргыз Республикасында бюджеттик укуктун негизги принциптери тууралуу" Кыргыз Республикасынын Мыйзамынын 15-статьясына ылайык "Кыргыз Республикасынын 2012-жылга республикалык бюджети жана 2013-2014-жылдарга болжолу жөнүндө" Кыргыз Республикасынын Мыйзамына өзгөртүүлөрдү киргизет.

Акыркы болжолдорго ылайык 2012-жылга күтүлгөн макроэкономикалык көрсөткүчтөр өзгөрүүсүз калат.

Республикалык бюджеттин киреше бөлүгү боюнча өзгөртүүлөр

2012-жылга бюджеттин киреше бөлүгүнүн көрсөткүчтөрүнө оңдоолорду киргизүү боюнча сунушталып жаткан долбоордо мамлекеттик бюджетин МИП гранттарын эсепке алганда жалпы кирешелердин түшүүсү 89260,0 млн.сом өлчөмүндө болжолдонууда, же такталган көрсөткүчтөрдөн 2043,2 млн.сомго аз.

Мамлекеттик бюджеттин МИП гранттарын эсепке алуу менен жалпы кирешелеринин азаюусу 2539,8 млн.сомго эл аралык донорлордон алынган гранттарынын азаюусу менен байланыштуу болду, атап айтканда:

- "Секторалдык саясатты, социалдык коргоону жана УГФны колдоо Кыргызстан 2010" программасы боюнча ЕС грантынын 5,7 млн. АКШ доллары суммасында түшүүсү каралууда;

- SWAp гранты 90,2 млн. АКШ долларына көбөйүү жагына оңдолду;

- "Инвестициялык климатты жакшыртуу" программасы боюнча АӨБ грантынын 20,0 млн. АКШ доллары суммасында түшүүсү алдын ала 2013-жылга которулган;

- Такталган бюджетте салынган 6 млн. АКШ доллары суммасында Түркиянын грантынын түшүүсү, ошондой эле "Колдоо жагында саясатты колдоо аткарымы" программасы Дүйнөлүк банктын гранты 13,5 млн. АКШ доллары суммасында грант каралган жок;

- МИП гранттары 1041,1 млн.сом суммасына азаюу жагына оңдолду.

Мамлекеттик бюджеттин салыктык кирешелеринин көлөмү 2012-жылдын такталган көрсөткүчтөрүнүн деңгээлинде, же 66191 млн.сом өлчөмүндө болжолдонот. Мында, учурдагы аткарууну жана ЖӨБ органдарынын сунуштарынын негизинде сатуудан салык боюнча болжолдуу көрсөткүчтү 382,1 млн.сомго азайтуу менен ушул суммага башка салыктар боюнча болжолду ушул суммага көбөйтүү менен, анын ичинде пайдага салык боюнча 224,7 млн.сом, киреше салыгы боюнча 101,7 млн.сом жана башка жергиликтүү салыктар боюнча 55 млн.сом. Ошондой эле сатуудан салык боюнча болжолдун азайышынын себептеринин бири болуп коммерциялык ишканалар үчүн электр энергиясын, жылуулук энергиясын жана жаратылыш газын сатуу боюнча сатуудан салык боюнча салыктык жеңилдиктерди алып салуу бөлүгүндө салыктык мыйзамдарга өзгөртүүлөрдү кабыл алуунун узарып кеткен процессине байланыштуу болду.

Мамлекеттик бюджеттин салыктык эмес кирешелеринин түшүүлөрү 16964,1 млн.сом көлөмүндө болжолдонууда, же 2012-жылга такталган көрсөткүчтөрдөн 496,6 млн.сом суммасына көп, негизинен берилген бюджеттик ссудалар жана кредиттердин пайыздарынын эсебинен 109 млн.сомго жана 360,7 млн.сом суммасында атайын каражаттардын курамына ФОМС кош төлөм каражаттарын кошуу, казыналык системасына бюджеттик фонддордун эсептерин интеграциялоо алкагында болду.

МИП гранттарын эсепке алуу менен республикалык бюджеттин жалпы кирешелери 79598,5 млн.сомду түзөт жана такталган бюджетке салыштырмалуу 2028,6 млн.сомго азаят. Республикалык бюджеттин салыктын түшүүлөрүнүн көлөмү 150 млн.сомго көбөйүү менен 58001,6 млн.сомду түзөт. Республикалык бюджеттин салыктык эмес кирешелери 15492 млн.сом өлчөмүндө 361,3 млн.сомго көбөйүү болжолдонууда.

Мамлекеттик бюджеттин ресурстук бөлүгүндө төмөндөгүдөн оңдоолор жүргүзүлдү:

"Ала-Too Финанс" микрокредиттик агенттигинин 100 млн.сом өлчөмүндө каражаттары каралды;

Түркиянын 10,0 млн. АКШ доллары өлчөмүндө кредити каралды;

"Колдоо жагында саясатты колдоо аткарымы" программасы боюнча Дүйнөлүк банктын 16,5 млн.сом суммасында түшүүлөр каралган жок;

SWAp кредити 1895 миң АКШ доллары суммасына жана МИП кредиттери 1399,5 млн.сом төмөндөтүлгөн.

Ошондой эле 163,6 млн.сомго бюджеттик ссудалар жана чет өлкөлүк кредиттер боюнча негизги сумманы тындыруу боюнча түшүүлөрдү көбөйтүү сунушталат. Бюджеттик ссудалар жана чет өлкөлүк кредиттер боюнча негизги сумманы жана пайыздарды тындыруу боюнча түшүүлөр субъекттердин мөөнөтү өтүп кеткен карызын мажбурлап өндүрүү боюнча иш чаралар эсебинен, ошондой эле учурдагы жылы берилген заемдук каражаттар боюнча пайыздардын түшүүсүнүн эсебинен көбөйтүлөт.

2012-жылга мамлекеттик бюджеттин чыгашасы 110979,2 млн.сом деңгээлинде (ИДПга карата 36,3%) каралууда же бекитилген бюджетке карата 3426,4 млн.сомго аз. Республикалык бюджеттик каражаттардын эсебинен чыгашалар 101317,6 млн.сомду (ИДПга карата 33,2%) түзөт бул бекитилген бюджетке карата 3411,8 млн.сомго аз, анын ичинде бюджеттик каражаттар 72392,8 млн.сомду, 1132,5 млн.сомго азаюу менен түзөт, МИП каражаттары 21921,7 млн.сом, 2531,4 млн.сомго азаюу менен, атайын каражаттар бекитилген бюджетке карата 252,2 млн.сомго көбөйүү менен 7003,2 млн.сомду түзөт.

Бюджеттин тартыштыгы

2012-жылга республикалык бюджеттин тартыштыгы 21719,1 млн.сомду түзөт, бул ИДПга карата 7,1%ды түзөт же бекитилген көрсөткүчтөн 1383,2 млн.сомго аз.

2012-жылы бюджеттин тартыштыгын жабууга 21719,1 млн.сом суммасында каржылоо булактары каралган.

Бюджеттин тартыштыгын каржылоонун ички булактары боюнча 5710,5 млн.сом өлчөмүндө оң сальдо каралган.

Ички булактардан түшүүлөр төмөндөгүлөрдөн түзүлөт:

- МБК сатуудан түшүүлөр - 6955,9 млн.сом;

- КРӨ эсеп-чотторунда калдыктар - 3656,5 млн.сом;

Тындыруу - 7650,0 млн.сомду түзөт.

Тышкы булактар боюнча 16008,6 млн.сом суммасында оң сальдо долбоорлонууда.

- Тышкы программалык зайымдардан түшүүлөр 1856,7 млн.сомду;

- МИПке тышкы зайымдардан түшүүлөр 16095,1 млн.сомду түзөт.

Тышкы карыздын негизги суммасын тындыруу 1943,2 млн.сом өлчөмүндө болжолдонууда.

Финансы министри

О.Лаврова

"Кыргыз Республикасынын 2012-жылга

республикалык бюджети жана

2013-2014-жылдарга болжолу жөнүндө"

Кыргыз Республикасынын Мыйзамына

өзгөртүүлөрдү киргизүү тууралуу" Кыргыз Республикасынын Мыйзамына

1-тиркеме

Кыргыз Республикасынын консолидирленген бюджет

БОЛЖОЛУ

┌───────────────────────────────────────┬─────────┬─────────┬─────────┐

│ │ 2012 │ 2013 │ 2014 │

├───────────────────────────────────────┼─────────┼─────────┼─────────┤

│Кирешелер жана гранттар бардыгы │ 108186 │ 116548 │ 123501 │

│ИДПга карата пайыздарда │ 35,4│ 32,9│ 30,2│

│Учурдагы кирешелер │ 101762 │ 108416 │ 117234 │

│ИДПга карата пайыздарда │ 33,3│ 30,6│ 28,7│

│Салыктык кирешелер │ 84797 │ 92599 │ 103864 │

│ИДПга карата пайыздарда │ 27,8│ 26,1│ 25,4│

│СФ кирешелери (РБдан түшүүлөрсүз) │ 18606 │ 18599 │ 19864 │

│ИДПга карата пайыздарда │ 6,1│ 5,2│ 4,9│

│Салыктык эмес кирешелер │ 16964 │ 15818 │ 13370 │

│ИДПга карата пайыздарда │ 5,6│ 4,5│ 3,3│

│Гранттар бардыгы │ 6105 │ 7935 │ 6070 │

│ИДПга карата пайыздарда │ 2,0│ 2,2│ 1,5│

│Чыгашалар бардыгы │ 129860 │ 135039 │ 141699 │

│ИДПга карата пайыздарда │ 42,5│ 38,1│ 34,7│

│Учурдагы чыгашалар │ 104955 │ 109863 │ 115520 │

│ИДПга карата пайыздарда │ 34,4│ 31,0│ 28,3│

│СФ чыгашалары │ 33629 │ 36682 │ 41160 │

│ИДПга карата пайыздарда │ 11,0│ 10,3│ 10,1│

│Пайыздар │ 3051 │ 3588 │ 3551 │

│ИДПга карата пайыздарда │ 1,0│ 1,0│ 0,9│

│Капиталдык чыгашалар (МИПти кошкондо) │ 24904 │ 25176 │ 26139 │

│ИДПга карата пайыздарда │ 8,2│ 7,1│ 6,4│

│Ички булактардан капиталдык салымдар │ 3536 │ 3002 │ 7092 │

│ИДПга карата пайыздарда │ 1,2│ 0,8│ 1,7│

│Тышкы булактардан капиталдык салымдар │ 21368 │ 22174 │ 19047 │

│ИДПга карата пайыздарда │ 7,0│ 6,3│ 4,7│

│Дефицит │ -21674 │ -18491 │ -18198 │

│ИДПга карата пайыздарда │ -7,1│ -5,2│ -4,5│

│ИДП │ 305487 │ 354420 │ 408490 │

└───────────────────────────────────────┴─────────┴─────────┴─────────┘

"Кыргыз Республикасынын 2012-жылга

республикалык бюджети жана

2013-2014-жылдарга болжолу жөнүндө"

Кыргыз Республикасынын Мыйзамына

өзгөртүүлөрдү киргизүү тууралуу" Кыргыз Республикасынын Мыйзам долбооруна 1-1-тиркеме

2012-жылга

РЕСПУБЛИКАЛЫК БЮДЖЕТ

(Функциялык классификация боюнча жалпы кирешелер жана чыгашалар)

┌───────────────────────────────────────────┬────────────┬────────────┐

│ │ Бекитилген │ Такталган │

│ │ бюджет 2012│бюджет 2012 │

├───────────────────────────────────────────┼────────────┼────────────┤

│1. Жалпы кирешелер жана расмий трансферттер│ 81627040,3 │ 79598488,2 │

│Салыктык кирешелер │ 57851610,0 │ 58001610,0 │

│Алынган расмий трансферттер │ 8644743,1 │ 6104924,0 │

│Салыктык эмес кирешелер │ 15130687,2 │ 15491954,2 │

│ЖАЛПЫ ЧЫГАШАЛАР │104729374,1 │101317617,9 │