КР Өкмөтүнүн 2011-жылдын 11-январындагы № 9 «Кыргыз Республикасынын»Экономикалык иштин түрлөрү«мамлекеттик классификаторун бекитүү жөнүндө» токтому
КЫРГЫЗ РЕСПУБЛИКАСЫНЫН ӨКМӨТҮ
ТОКТОМ
2011-жылдын 11-январы № 9
Кыргыз Республикасынын "Экономикалык иштин түрлөрү" мамлекеттик классификаторун бекитүү жөнүндө
"Мамлекеттик статистика жөнүндө" Кыргыз Республикасынын Мыйзамына ылайык Кыргыз Республикасынын Өкмөтү
ТОКТОМ КЫЛАТ:
1. Тиркелген: Кыргыз Республикасынын "Экономикалык иштин түрлөрү" мамлекеттик классификатору (ЭИТМК, 3-версия) бекитилсин.
2. Министрликтер, мамлекеттик комитеттер, администрациялык ведомстволор, жергиликтүү мамлекеттик администрациялар, жергиликтүү өз алдынча башкаруу органдары, чарбакер субъекттер:
- практикалык иште Кыргыз Республикасынын "Экономикалык иштин түрлөрү" мамлекеттик классификаторун пайдаланышсын;
- өзүнүн чечимдерин Кыргыз Республикасынын "Экономикалык иштин түрлөрү" мамлекеттик классификаторунун жаңы редакциясына ылайык келтиришсин.
3. Кыргыз Республикасынын Өкмөтүнүн 1999-жылдын 25-ноябрындагы № 640 "Кыргыз Республикасынын "Экономикалык ишмердиктин түрлөрү" мамлекеттик классификатору жөнүндө" токтому күчүн жоготту деп табылсын.
4. Бул токтом расмий жарыяланган күндөн баштап күчүнө кирет.
Премьер-министр | А.Атамбаев |