КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2013-жылдын 18-февралы № 83

Мамлекет жѳнгѳ салуучу чарбакер субъекттердин товарларына (жумуштарына, кызмат көрсөтүүлөрүнө) бааларды (тарифтерди) аныктоонун тартиби жөнүндө жобону бекитүү тууралуу

(КР Ѳкмѳтγнγн 2015-жылдын 16-марты № 124 токтомдун редакциясына ылайык)

Мамлекет жөнгө салуучу чарбакер субъекттердин товарларына (жумуштарына, кызмат көрсөтүүлөрүнө) бааларды (тарифтерди) аныктоонун тууралыгына мамлекеттик контролдун натыйжалуулугун жогорулатуу максатында Кыргыз Республикасынын Өкмөтү

ТОКТОМ КЫЛАТ:

1. Мамлекет жѳнгѳ салуучу чарбакер субъекттердин товарларына (жумуштарына, кызмат көрсөтүүлөрүнө) бааларды (тарифтерди) аныктоонун тартиби жөнүндө тиркелген жобо бекитилсин.

(КР Ѳкмѳтγнγн 2015-жылдын 16-марты № 124 токтомдун редакциясына ылайык)

2. Төмөнкүлөр күчүн жоготту деп табылсын:

- Кыргыз Республикасынын Өкмөтүнүн 2003-жылдын 17-июлундагы № 445 "Мамлекет башкаруучу чарбакер субъекттердин товарларына (жумуштарына, көрсөтүүчү кызматтарына) бааларды (тарифтерди) аныктоонун тартиби жөнүндө жобону бекитүү тууралуу" токтому;

- "Кыргыз Республикасынын Өкмөтүнүн 2003-жылдын 17-июлундагы № 445 "Мамлекет башкаруучу чарбакер субъекттердин товарларына (жумуштарына, көрсөтүүчү кызматтарына) бааларды (тарифтерди) аныктоонун тартиби жөнүндө жобону бекитүү тууралуу" токтомуна өзгөртүүлөрдү жана толуктоолорду киргизүү жөнүндө" Кыргыз Республикасынын Өкмөтүнүн 2008-жылдын 21-октябрындагы № 590 токтому.

3. Бул токтомдун аткарылышын контролдоо Кыргыз Республикасынын мамлекеттик монополияга каршы органына жүктөлсүн.

4. Бул токтом расмий жарыялангандан 15 күн өткөндөн кийин күчүнө кирет.