КР Өкмөтүнүн 2016-жылдын 14-декабрындагы № 674 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2013-жылдын 27-майы № 286

Кыргыз Республикасынын мамлекеттик кызматынын айрым маселелери жөнүндө

"Мамлекеттик кызмат жөнүндө" Кыргыз Республикасынын Мыйзамынын жоболорун ишке ашырууну натыйжалуу камсыздоо максатында Кыргыз Республикасынын Өкмөтү

ТОКТОМ КЫЛАТ:

1. Тиркелгендер бекитилсин:

- Кыргыз Республикасынын мамлекеттик органдарында мамлекеттик кызмат чөйрөсүндөгү мыйзамдардын сакталышына мониторинг жүргүзүүнүн тартиби жөнүндө убактылуу жобо;

- Кыргыз Республикасынын мамлекеттик органдарында кызматтык териштирүүнү уюштуруу жана жүргүзүү тартиби жөнүндө убактылуу жобо.

2. Кыргыз Республикасынын Мамлекеттик кадр кызматы мамлекеттик кызмат жөнүндө мыйзамдарды өркүндөтүүгө багытталган мыйзам долбоорун 2013-жылдын 31-декабрына чейинки мөөнөттө белгиленген тартипте киргизсин, ошондой эле ушул токтомдон келип чыккан башка чараларды көрсүн.

3. Бул токтом расмий жарыяланган күндөн тартып күчүнө кирет.