КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2011-жылдын 13-июну № 304

Апостиль коюу үчүн жыйымдардын өлчөмү жөнүндө

(Кыргыз Республикасынын Өкмөтүнүн 2017-жылдын 17-октябрындагы № 674, Кыргыз Республикасынын Министрлер Кабинетинин 2023-жылдын 21-декабрындагы № 686 токтомдорунун редакцияларына ылайык)

Кыргыз Республикасынын "Бейсалык төлөмдөр жөнүндө" Мыйзамынын 12-3-беренесине жана Кыргыз Республикасынын Убактылуу Өкмөтүнүн 2010-жылдын 10-июнундагы № 75 "Чет элдик расмий документтерди легалдаштыруу талабын алып салуучу Конвенциянын жоболорун ишке ашыруу боюнча чаралар жөнүндө" токтомуна ылайык Кыргыз Республикасынын Өкмөтү токтом кылат:

1. Апостиль коюу үчүн жыйымдардын өлчөмдөрү төмөнкүдөй белгиленсин:

1) 2 жумуш күндүн ичинде - 1340 сом;

2) 1 жумуш күндүн ичинде - 3760 сом;

3) 3 сааттын ичинде - 8460 сом.

(Кыргыз Республикасынын Министрлер Кабинетинин 2023-жылдын 21-декабрындагы № 686 токтомунун редакциясына ылайык)

2. Ушул токтомдун 1-пунктунда көрсөтүлгөн республикалык бюджетке түшүүчү жыйымдар апостилди коюу боюнча ыйгарым укукка ээ мамлекеттик органдардын материалдык-техникалык базасын камсыздоого жумшалаары белгиленсин.

3. Бул токтом жалпыга маалымдоо каражаттарына жарыялансын.