КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2011-жылдын 26-октябры №678

Кыргыз Республикасынын чет мамлекеттердеги соода өкүлчүлүктөрүн жоюу тууралуу

Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын чет мамлекеттердеги соода өкүлчүлүктөрү, алардын функцияларын жана мүлкүн Кыргыз Республикасынын тийиштүү чет өлкөдөгү мекемелерине өткөрүп берүү менен жоюлсун.

2. Кыргыз Республикасынын Экономикалык жөнгө салуу министрлиги Кыргыз Республикасынын Тышкы иштер министрлиги менен бирдикте:

- өзүнүн приказдарын жана буйруктарын бул токтомго ылайык келтиришсин;

- бул мамлекеттердеги Кыргыз Республикасынын соода өкүлчүлүктөрүнүн жоюлгандыгы тууралуу чет мамлекеттердин компетенттүү органдарына билдиришсин.

3. Кыргыз Республикасынын Өкмөтүнүн 2009-жылдын 4-декабрындагы № 727 "Кыргыз Республикасынын Экономикалык тескөө министрлиги жөнүндө" токтомуна төмөнкү өзгөртүүлөр киргизилсин:

- жогоруда аталган токтом менен бекитилген, Кыргыз Республикасынын Экономикалык тескөө министрлиги жөнүндө жободо:

6-пункттун кырк алтынчы абзацы, 7-пункттун бешинчи абзацы жана 11-пункттун он тогузунчу абзацы күчүн жоготту деп табылсын;

18-пункттун тогузунчу абзацындагы "соода өкүлчүлүктөрү жана" деген сөздөр алып салынсын;

- жогоруда аталган токтом менен бекитилген, Кыргыз Республикасынын Экономикалык тескөө министрлигинин башкаруу схемасында:

"Чет өлкөлөрдөгү өкүлчүлүктөр жана соода өкүлдөрү" позициясындагы "соода өкүлчүлүктөрү жана" деген сөздөр алып салынсын.

4. Төмөнкүлөр күчүн жоготту деп табылсын:

- Кыргыз Республикасынын Өкмөтүнүн 1996-жылдын 23-августундагы № 400 "Кыргыз Республикасынын Россия Федерациясында Соода өкүлчүлүгүн түзүү жөнүндө" токтому;

- Кыргыз Республикасынын Өкмөтүнүн 2002-жылдын 19-июнундагы № 378 "Кыргыз Республикасынын Афганистан Ислам Мамлекетиндеги Соода өкүлчүлүгүн уюштуруу жөнүндө" токтому;

- Кыргыз Республикасынын Өкмөтүнүн 2003-жылдын 10-апрелиндеги № 197 "Кыргыз Республикасынын Германия Федеративдүү Республикасындагы соода өкүлчүлүгүн ачуу жөнүндө" токтому;

- Кыргыз Республикасынын Өкмөтүнүн 2005-жылдын 13-сентябрындагы № 426 "Кыргыз Республикасынын Өзбекстан Республикасындагы Соода өкүлчүлүгүн түзүү жөнүндө" токтому;

- Кыргыз Республикасынын Өкмөтүнүн 2006-жылдын 12-январындагы № 13 "Кыргыз Республикасынын чет мамлекеттердеги соода өкүлчүлүктөрүнүн ишин тартипке салуу жөнүндө" токтому;

- Кыргыз Республикасынын Өкмөтүнүн 2006-жылдын 5-апрелиндеги № 242 "Казакстан Республикасында Кыргыз Республикасынын Соода өкүлчүлүгүн ачуу жөнүндө" токтому;

- Кыргыз Республикасынын Өкмөтүнүн 2007-жылдын 23-июлундагы № 284 "Кыргыз Республикасынын чет мамлекеттердеги соода өкүлчүлүктөрүнүн ишин тартипке салуу жөнүндө" Кыргыз Республикасынын Өкмөтүнүн 2006-жылдын 12-январындагы № 13 токтомуна өзгөртүүлөрдү киргизүү тууралуу" токтому;

- Кыргыз Республикасынын Өкмөтүнүн 2007-жылдын 23-ноябрындагы № 558 "Кыргыз Республикасынын чет мамлекеттердеги соода өкүлчүлүктөрүнүн ишин тартипке салуу жөнүндө" Кыргыз Республикасынын Өкмөтүнүн 2006-жылдын 12-январындагы № 13 токтомуна өзгөртүүлөрдү жана толуктоолорду киргизүү тууралуу" токтому.

5. Бул токтом расмий жарыяланган күндөн тартып күчүнө кирет.

"Эркин Тоо" газетасынын 2011-жылдын 1-ноябрында № 92 жарыяланды

6. Бул токтомдун аткарылышын контролдоо Кыргыз Республикасынын Өкмөтүнүн Аппаратынын тышкы саясат бөлүмүнө жүктөлсүн.