КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2001-жылдын 19-сентябры № 571

Көз карандысыз Мамлекеттер Шериктештигине катышуучу

мамлекеттердин аймактарында санитардык коргоо

тармагында кызматташтык жөнүндө

Макулдашууну бекитүү

тууралуу

Көз карандысыз Мамлекеттер Шериктештигине катышуучу мамлекеттердин аймактарында санитардык коргоо тармагында кызматташтык жөнүндө 2001-жылдын 31-майында Минск шаарында кол коюлган Макулдашуунун 10-статьясына ылайык мамлекеттик ички процедураларды аткаруу максатында жана "Кыргыз Республикасынын эл аралык келишимдери жөнүндө" жана "Кыргыз Республикасынын нормативдик-укуктук актылары жөнүндө" Кыргыз Республикасынын мыйзамдарынын негизинде Кыргыз Республикасынын Өкмөтү

ТОКТОМ КЫЛАТ:

1. Көз карандысыз Мамлекеттер Шериктештигине катышуучу мамлекеттердин аймактарында санитардык коргоо тармагында кызматташтык жөнүндө тиркелген Макулдашуу бекитилсин.

2. Бул Макулдашуудан келип чыгуучу милдеттенмелердин аткарылышына жоопкерчилик Кыргыз Республикасынын Саламаттык сактоо министрлигинин Мамлекеттик санитардык-эпидемиологиялык көзөмөл департаментине жана Кыргыз Республикасынын Финансы министрлигине караштуу Мамлекеттик бажы инспекциясына жүктөлсүн.

3. Кыргыз Республикасынын Тышкы иштер министрлиги:

- бул Макулдашуунун күчүнө кириши үчүн зарыл болгон мамлекеттик ички процедураларды Кыргыз Республикасынын аткаргандыгы тууралуу Көз карандысыз Мамлекеттер Шериктештигинин Аткаруу комитетине билдирсин;

- бул токтомдун аткарылышын контролдукка алсын.

4. Токтом жалпыга маалымдоо каражаттарында жарыялансын.