КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2014-жылдын 3-июну № 294

“Сейсмикалык коопсуздук жөнүндө”

Кыргыз Республикасынын Мыйзамынын долбоорун

кайра сурап алуу тууралуу

Архитектура жана курулуш жаатында укуктук базаны оптималдаштыруу максатында, “Кыргыз Республикасынын Өкмөтү жөнүндө” Кыргыз Республикасынын конституциялык Мыйзамынын 31-беренесине ылайык Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 2009-жылдын 3-ноябрындагы № 676 “Сейсмикалык коопсуздук жөнүндө” Кыргыз Республикасынын Мыйзамынын долбоору тууралуу” токтому менен жактырылган “Сейсмикалык коопсуздук жөнүндө” Кыргыз Республикасынын Мыйзамынын долбоору Кыргыз Республикасынын Жогорку Кеңешинен кайра сурап алынсын.

2. Кыргыз Республикасынын Өкмөтүнүн 2009-жылдын 3-ноябрындагы № 676 “Сейсмикалык коопсуздук жөнүндө” Кыргыз Республикасынын Мыйзамынын долбоору тууралуу” токтому күчүн жоготту деп таанылсын.

3. Бул токтом Кыргыз Республикасынын Жогорку Кеңешине жиберилсин.

4. Бул токтом расмий жарыяланган күндөн тартып күчүнө кирет.