КЫРГЫЗ РЕСПУБЛИКАСЫНЫН ѲКМѲТY

ТОКТОМ

2015-жылдын 6-февралы № 41

"Кыргыз Республикасынын Салык кодексине ѳзгөртүүлѳрдү киргизүү жөнүндө" Кыргыз Республикасынын Мыйзамынын долбоору тууралуу

Кыргыз Республикасынын Конституциясынын 79-беренесине ылайык Кыргыз Республикасынын Өкмөтү

ТОКТОМ КЫЛАТ:

1. "Кыргыз Республикасынын Салык кодексине өзгөртүүлөрду киргизүү жөнүндө" Кыргыз Республикасынын Мыйзамынын долбоору жактырылсын.

2. Аталган мыйзамдын долбоору Кыргыз Республикасынын Жогорку Кеңешинин кароосуна киргизилсин.

3. Кыргыз Республикасынын Экономика министри бул мыйзамдын долбоору Кыргыз Республикасынын Жогорку Кеңешинде каралганда Кыргыз Республикасынын Өкмөтүнүн расмий өкүлү болуп дайындалсын.

Долбоор

КЫРГЫЗ РЕСПУБЛИКАСЫНЫН МЫ Й ЗАМЫ

Кыргыз Республикасынын Салык кодексине өзгөртүүлөрдү киргизүү жөнүндө

1-берене

Кыргыз Республикасынын Салык кодексине (Кыргыз Республикасынын Жогорку Кеңешинин Жарчысы, 2008-ж., № 8, 922-бер.) төмөнкүдөй ѳзгѳртүүлѳр киргизилсин:

1. 189-беренесинин 2-пункту төмөнкү редакцияда баяндалсын:

"2) уюмдун Кыргыз Республикасынын Өкмөтүнүн же жергиликтүү өз алдынча башкаруу органдарынын чечими менен анын жеке өндүрγштүк базасын өнүктүрүү боюнча капиталдык салымдарга акысыз алган негизги каражаттарынын жана акча каражаттарынын наркы, ошондой эле аталган объекттердин баллы боюнча (мындан ары ушул бөлүмдө - социалдык-маданий багыттагы акысыз негизде алынган объекттер) пайдаланууну жана эксплуатациялоону ишке ашырган Кыргыз Республикасынын же жергиликтγү өз алдынча башкаруу органдарынын менчиги болуп саналган катышуунун мамлекеттик үлүшү менен чарбалык коомдордун жана/же адистештирилген уюмдардын менчигине акысыз негизде алынган объекттердин (социалдык-маданий, турак жай-коммунаддык-тиричилик багытындагы объекттердин, жолдордун, электр тармактарынын, подстанциялардын, от казандардын жана жылуулук тармактарынын, газ тармактарынын, гидроэлектр станцияларынын, жылуулук электр станцияларынын объекттеринин, гидротехникалык курулмалардын, суу алгыч курулмалардын, кен-шахталык жабдуулардын, жарандык коргонуу объекттеринин, ошондой эле жер участокторун пайдалануу укугунун) наркы. Ушул берененин 2-пунктунда аталган адистештирилген уюмдардын тизмегин Кыргыз Республикасынын Өкмөтү бекитет;".

2. 253-берене төмөнкүдөй редакцияда баяндалсын:

"253-берене. Акысыз негиздеги беримдер

1. Кыргыз Республикасынын же жергиликтүү өз алдынча башкаруу органдарынын менчиги болуп саналган, аталган объекттердин багыты боюнча пайдаланууну жана эксплуатациялоону ишке ашырган, катышуунун мамлекеттик үлүшү менен чарбалык коомдордун жана/же адистештирилген уюмдардын менчигине социалдык-маданий, турак жай-коммуналдык-тиричилик багытындагы объекттерди.  жолдорду, электр тармактарын, подстанцияларды, от казандарды жана жылуулук тармактарын, газ тармактарын, гидроэлектр станцияларынын, жылуулук электр станцияларынын объекттерин, гидротехникалык курулмаларды, суу алгыч курулмаларды, кен-шахталык жабдууларды, жарандык коргонуу объекттерин акысыз негизде өткөрүп берүү КНС төлөөдөн бошотулган берим болуп саналат.

2. Кыргыз Республикасынын Өкмөтүнүн же жергиликтүү өз алдынча башкаруу органдарынын чечими боюнча уюмдун менчигине негизги каражаттарды акысыз негизде өткөрүп берүү КНС төлөөдөн бошотулган берим болуп саналат.

3. Турак-жай объекттеринин турмуш-тиричилигин камсыздоочу инженер дик тармактарды акысыз негизде объектти

 эксплуатациялоого кабыл алуу актысынын негизинде аларды эксплуатациялоону жүзөгө ашыруучу уюмдарга өткөруп берүү Кыргыз Республикасынын Өкмөтү аныктаган тартипте ишке ашырылат жана КНС төлөөдөн бошотулган берим болуп саналат.

4. Ушул берененин 1-бөлугүндө аталган адистештирилген уюмдардын тизмегин Кыргыз Республикасынын Өкмөтү бекитет.".

2-берене

Ушул Мыйзам расмий жарыяланган күндөн он беш кун өткөндөн кийин кучүнө кирет.

Кыргыз Республикасынын Өкмөтү үч айлык мѳѳнѳттѳ ѳзүнүн чечимдерин ушул Мыйзамга ылайык келтирсин.

Кыргыз Республикасынын

           Президенти