КЫРГЫЗ РЕСПУБЛИКАСЫНЫН ѲКМѲТY

ТОКТОМ

2015-жылдын 26-майы № 322

"Кыргыз Республикасында жарандардын саламаттыгын сактоо жөнүндө" Кыргыз Республикасынын Мыйзамына толуктоолорду киргизүү тууралуу" Кыргыз Республикасынын Мыйзамынын долбооруна Кыргыз Республикасынын Өкмөтүнүн корутундусу жөнүндө

"Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 31-беренесине ылайык Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Жогорку Кеңешинин депутаттары Бакир уулу Т. жана Мадалиев Н.А. тарабынан демилгеленген "Кыргыз Республикасында жарандардын саламаттыгын сактоо жөнүндө" Кыргыз Республикасынын Мыйзамына толуктоолорду киргизүү тууралуу" Кыргыз Республикасынын Мыйзамынын долбооруна Кыргыз Республикасынын Өкмөтүнүн тиркелген корутундусу жактырылсын.

2. Ушул токтом Кыргыз Республикасынын Жогорку Кеңешине жиберилсин.

"Кыргыз Республикасында жарандардын саламаттыгын сактоо жөнүндө" Кыргыз Республикасынын Мыйзамына толуктоолорду киргизүү тууралуу" Кыргыз Республикасынын Мыйзамынын долбооруна Кыргыз Республикасынын Өкмөтүнүн КОРУТУНДУСУ

Кыргыз Республикасынын Өкмөтү "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 31-беренесине ылайык Кыргыз Республикасынын Жогорку Кеңешинин депутаттары Бакир уулу Т. жана Мадалиев Н.А. тарабынан демилгеленген "Кыргыз Республикасында жарандардын саламаттыгын сактоо жөнүндө" Кыргыз Республикасынын Мыйзамына толуктоолорду киргизүү тууралуу" Кыргыз Республикасынын Мыйзамынын долбоорун (мындан ары - мыйзамдын долбоору) карап чыгып, төмөнкүдөй корутундуга келди.

Мыйзамдын долбоору менен "Кыргыз Республикасында жарандардын саламаттыгын сактоо жөнүндө" Кыргыз Республикасынын Мыйзамына толуктоо киргизүү каралууда, атап айтканда, саламаттык сактоо уюмдарында паллиативдик медициналык жардам көрсөтүүнү караштырган ченемдерди киргизүү сунушталууда.

Алсак, мыйзамдын долбооруна ылайык паллиативдик медициналык жардам айыккыс дарт менен ооруган жарандардын жашоо сапатын жакшыртуу максатында, ооруудан арылтуу жана оорунун башка оор көрүнүштөрүн жеңилдетүүгө багытталган медициналык кийлигишүүлөрдүн комплекси болуп саналат.

Негиздеме-маалымкатта айтылган маалыматка ылайык, паллиативдик жардамдын көп түрлөрү бар жана аларды эки негизги топко бөлүштүрсө болот - үйдөн жана стационардан жардам берүү. Стационардык жардам паллиативдик жардамдын стационардык мекемелери тарабынан жүргүзүлөт, үйдөгү жардам - көчмө кызматтар тарабынан көрсөтүлөт. Бейтапты комплекстүү кароо үчүн эки учурда тең медициналык жана медициналык эмес кесиптеги кандай адистерди тартуу керек. Мында мыйзамдын долбоорунун жоболорун ишке ашыруу үчүн мамлекеттик бюджеттен каржылоону бөлүп берүү талап кылынат.

Кыргыз Республикасынын Конституциясынын 80-беренесине ылайык мамлекеттик бюджеттин эсебинен жабылуучу чыгымдарды көбөйтүүнү караган мыйзамдардын долбоорлору Кыргыз Республикасынын Өкмөтү тарабынан каржылоо булагы аныкталгандан кийин Кыргыз Республикасынын Жогорку Кеңеши тарабынан кабыл алынышы мүмкүн.

Ошону менен бирге, сунушталган документтер жогоруда аталган иш-чараларды ишке ашыруу үчүн талап кылынган финансы каражаттары жөнүндө маалыматты камтыбагандыгын эске алсак, андай каражаттардын бар болушу жана аларды бөлүп берүү мүмкүндүгү жөнүндө корутунду берүүгө мүмкүн болбой турат.

Өз кезегинде, "Кыргыз Республикасындагы бюджеттик укуктун негизги принциптери жөнүндө" Кыргыз Республикасынын Мыйзамынын 15-беренесине ылайык бюджетти аткаруу процессинде колдонулган бюджеттин чыгымдары Кыргыз Республикасынын Жогорку Кеңеши, айылдык жана шаардык кеңештер бекиткен бюджеттерде каралган өлчөмдүн чегинен ашпоого тийиш.

Жогоруда айтылганды, ошондой эле бюджеттин чектелүү мүмкүнчүлүгүн эске алып, мыйзамдын долбоорун каржылоону тиешелүү жылга республикалык бюджет жөнүндө мыйзам менен каралган каражаттардын чегинде жүргүзүүнү максатка ылайык деп эсептейбиз.

Мындан тышкары, мыйзамдын долбоорунун 2-беренесинин 2-бөлүгүнүн төртүнчү абзацын алып салууну сунуштайбыз, анткени Кыргыз Республикасынын Конституциясынын жогоруда аталган беренесине жана "Кыргыз Республикасынын ченемдик укуктук актылары жөнүндө" Кыргыз Республикасынын Мыйзамынын 26-беренесине ылайык каржылоо булагын аныктоо ченемдик укуктук актыны кабыл алганга чейин жүргүзүлөт.