КЫРГЫЗ РЕСПУБЛИКАСЫНЫН ѲКМѲТY

ТОКТОМ

2015-жылдын 4-июну № 341

Кыргыз Республикасынын жергиликтγγ ѳз алдынча башкаруу органдарына муниципалдык менчигине автотранспорт каражаттарын өткөрүп берүү жөнүндө

(КР Ѳкмѳтγнγн 2016-жылдын 18-январы № 17 токтомдун редакциясына ылайык)

"Мүлккө муниципалдык менчик жөнүндө" Кыргыз республикасынын Мыйзамына ылайык Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнө караштуу Мамлекеттик мүлктү башкаруу боюнча фонд, Кыргыз Республикасынын Өкмөтүнө караштуу Архитектура, курулуш жана турак жай-коммуналдык чарба мамлекеттик агенттиги менен бирге автотранспорт каражаттарын айыл өкмөттөрүнүн муниципалдык менчигине белгиленген тартипте тиркемеге ылайык өткөрүп берсин.

2. Аталган токтомдун тиркемесинде көрсөтүлгөн айыл өкмөттөрүнө белгиленген тартипте төмөнкүлөр сунушталсын:

- ушул токтомдун тиркемесинде көрсөтүлгөн автотранспорт каражаттарын муниципалдык менчикке кабыл алуу;

- Кыргыз Республикасынын мыйзамдарына ылайык автотранспорт каражаттарын кайра каттоону жүргүзүү;

- автотранспорт каражаттарын суу менен камсыздоо жана булганыч сууну чыгаруу системаларын техникалык жактан тейлөө үчүн максаттуу арналышы боюнча пайдалануу.

3. Ушул токтомдун аткарылышын контролдоо, Кыргыз Республикасынын Өкмөтүнүн Аппаратынын региондук өнүктүрүү, транспорт, курулуш жана коммуникациялар бөлүмүнө жүктөлсүн.

4. Ушул токтом расмий жарыяланган күндөн он күн өткөндөн кийин күчүнө кирет.

Тиркеме

Айыл өкмөттөрүнүн муниципалдык менчигине берилүүчү автотранспорт каражаттарынын ТИЗМЕГИ

(КР Ѳкмѳтγнγн 2016-жылдын 18-январы № 17 токтомдун редакциясына ылайык)