КЫРГЫЗ РЕСПУБЛИКАСЫНЫН ѲКМѲТY

ТОКТОМ

2015-жылдын 24-июну № 406

Кыргыз Республикасынын Эмгек, социалдык камсыздоо жана миграция министрлигине караштуу "Балдар үчүн ишеним телефону" борбору" мамлекеттик мекемеси жөнүндө

(КР Өкмөтүнүн 2015-жылдын 28-декабрындагы № 888, КР Министрлер Кабинетинин 2021-жылдын 15-ноябрындагы № 264, 2021-жылдын 17-декабрындагы № 318 токтомдорунун редакцияларына ылайык)

Балдардын укуктарын бузуу фактысына ыкчам таасир этүү, балдарга карата кризистик кырдаалды болтурбоо, ырайымсыз мамилени жана зомбулуктун алдын алуу боюнча чараларды көрүү максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Эмгек, социалдык камсыздоо жана миграция министрлигине караштуу "Балдар үчүн ишеним телефону" борбору" мамлекеттик мекемеси түзүлсүн.

КРМинистрлер Кабинетинин 2021-жылдын 17-декабрындагы № 318 токтомдорунун редакцияларына ылайык)

2. Кыргыз Республикасынын Эмгек, социалдык камсыздоо жана миграция министрлигине караштуу "Балдар үчүн ишеним телефону" борбору" мамлекеттик мекемеси жөнүндө жобо 1-тиркемеге ылайык бекитилсин.

(КР Өкмөтүнүн 2015-жылдын 28-декабрындагы № 888  жана Министрлер Кабинетинин 2021-жылдын 17-декабрындагы № 318 токтомдорунун редакциясына ылайык)

3. (КР Министрлер Кабинетинин 2021-жылдын 15-ноябрындагы № 264 токтомуна ылайык күчүн жоготту)

4. Кыргыз Республикасынын Өкмөтүнүн 2011-жылдын 6-октябрындагы № 618 "Бирдиктүү шыр байланыш" туруктуу иштөөчү кызматы жөнүндө жобону, Кыргыз Республикасынын экстрендик оперативдик кызматтарынын тизмесин бекитүү жана 2011-2014-жылдарда Кыргыз Республикасынын Өзгөчө кырдаалдар министрлигинин алдындагы Өрт коопсуздугу боюнча агенттиктин бөлүктөрүнүн базасындагы 112-бирдиктүү мамлекеттик нөөмөттүк-диспетчердик оперативдүү кызматты чакырууну камсыздоо системасын түзүү концепциясын жактыруу жөнүндө" токтомуна төмөнкүдөй толуктоолор жана өзгөртүү киргизилсин:

жогоруда аталган токтом менен бекитилген "Бирдиктүү шыр байланыш" туруктуу иштеген кызмат жөнүндө жободо:

- 4-пункту төмөнкүдөй мазмундагы абзац менен толукталсын:

" - оор турмуштук кырдаалда турган балдардын укуктарын жана кызыкчылыктарын коргоо, балдардын өмүрүнө жана ден соолугуна коркунуч келтирилгендиги, анын ичинде балдарга карата ырайымсыз мамиледен жана зомбулуктан коргоо зарылдыгы тууралуу кайрылуулары";

жогоруда аталган токтом менен бекитилген 112-бирдиктүү мамлекеттик нөөмөттүк-диспетчердик кызматтын экстрендик кызматтарды чакырууну камсыздоо системасына кирген Кыргыз Республикасынын оперативдүү кызматтарынын тизмесинде:

- 4-1-пунктундагы "4-1" деген цифра "4-2" деген цифра менен алмаштырылсын;

- төмөнкүдөй мазмундагы 4-1-пункт менен толукталсын:

"

".

5. (КР Өкмөтүнүн 2015-жылдын 28-декабрындагы № 888 токтомуна ылайык күчүн жоготту)

- жогоруда аталган токтом менен бекитилген Кыргыз Республикасынын Социалдык өнүгүү министрлиги жөнүндө жободо:

7-пунктунда:

б) пунктчасы төмөнкүдөй мазмундагы он төртүнчү абзац менен толукталсын:

"- балдар үчүн "ишеним телефону" аркылуу консультациялык жардам көрсөтөт;";

д) пунктчасынын төртүнчү абзацы төмөнкүдөй редакцияда баяндалсын:

"- кызыкдар тараптар менен бирдикте оор турмуштук кырдаалда турган балдарды коргоо, жашы жете электердин арасындагы укук бузуулардын жана кылмыштуулуктун алдын алуу маселелери боюнча программаларды ишке ашырат;";

- жогоруда аталган токтом менен бекитилген Кыргыз Республикасынын Социалдык өнүгүү министрлигинин башкаруу схемасы ушул токтомдун 2-тиркемесине ылайык редакцияда баяндалсын.

6. Кыргыз Республикасынын Өкмөтүнүн 2015-жылдын 6-апрелиндеги № 197 "Мамлекеттик кызматчылардын категориясына кирбеген жана мамлекеттик мекемелерде, анын ичинде аткаруучу бийликтин мамлекеттик органдарынын карамагындагы мекемелерде иштеген кызматкерлердин эмгегине акы төлөөнүн шарттары жөнүндө" токтомуна төмөндөгүдөй өзгөртүү жана толуктоо киргизилсин:

жогоруда аталган токтомдун 7-тиркемесинде:

- аталышы төмөнкүдөй редакцияда баяндалсын:

"Кыргыз Республикасынын Социалдык өнүгүү министрлигинин алдындагы Республикалык медициналык-социалдык экспертиза борборунун, Кыргыз Республикасынын Социалдык өнүгүү министрлигинин алдындагы Ден соолугунун мүмкүнчүлүгү чектелген адамдарды реабилитациялоо борборунун жана Кыргыз Республикасынын Социалдык өнүгүү министрлигинин алдындагы "Балдар үчүн ишеним телефону" борбору" мамлекеттик мекемесинин кызматкерлеринин кызматтык маяналарынын өлчөмдөрү";

- төмөнкүдөй мазмундагы 3-бап менен толукталсын:

"

".

7. Кыргыз Республикасынын Өкмөтүнө караштуу Мамлекеттик байланыш агенттиги Кыргыз Республикасынын Социалдык өнүгүү министрлигинин алдындагы "Балдар үчүн ишеним телефону" борбору" мамлекеттик мекемесинин ишин уюштуруу үчүн Кыргыз Республикасынын Социалдык өнүгүү министрлигине "111" телефондук номерин бөлүп берсин.

8. Кыргыз Республикасынын Социалдык өнүгүү министрлиги:

- ушул токтомдон келип чыгуучу зарыл чараларды көрсүн;

- Кыргыз Республикасынын Социалдык өнүгүү министрлигинин алдындагы "Балдар үчүн ишеним телефону" борбору" мамлекеттик мекемесин ушул жылы каржылоону 2015-жылга республикалык бюджеттен Кыргыз Республикасынын Социалдык өнүгүү министрлигине каралган каражаттын чегинде жүзөгө ашырсын.

9. Ушул токтомдун аткарылышын контролдоо Кыргыз Республикасынын Өкмөтүнүн Аппаратынын социалдык өнүктүрүү бөлүмүнө жүктөлсүн.

10. Ушул токтом расмий жарыяланууга тийиш жана 2015-жылдын 1-августунан тартып күчүнө кирет.

"2-тиркеме

"Кыргыз Республикасынын Социалдык өнүгүү министрлигинин башкаруу СХЕМАСЫ