КР Өкмөтүнүн 2021-жылдын 10-мартындагы № 85 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2015-жылдын 9-июлу № 469

Кыргыз Республикасынын Өкмөтүнүн 2012-жылдын 20-февралындагы № 114 "Кыргыз Республикасынын Финансы министрлигинин маселелери жөнүндө" токтомуна толуктоолорду киргизүү тууралуу

Көз карандысыз Мамлекеттер Шериктештигинин органдарынын жана Кыргыз Республикасы мүчө болгон башка эл аралык уюмдардын бирдиктүү бюджетинен бюджеттик каражаттарды алуучулардын финансы-чарбалык ишин контролдоо жана ревизиялоо боюнча комиссиялардагы Кыргыз Республикасынын Финансы министрлигинин өкүлдөрүнүн катышуусу тууралуу ыйгарым укуктарды жөнгө салуу максатында, "Кыргыз Республикасынын Өкмөтү женүнде" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкметү

ТОКТОМ КЫЛАТ:

1. Кыргыз Республикасынын Өкмөтүнүн 2012-жылдын 20-февралындагы № 114 "Кыргыз Республикасынын Финансы министрлигинин маселелери жөнүндө" токтомуна төмөнкүдөй толуктоолор киргизилсин:

жогоруда аталган токтом менен бекитилген Кыргыз Республикасынын Финансы министрлиги женүндө жободо:

- 8-пунктунда:

1-пунктчасы төмөнкүдөй мазмундагы отуз биринчи абзац менен толукталсын:

"- Кыргыз Республикасынын банк аралык төлөм системаларына, ошондой эле корпоративдик төлөм карталарынын эмитенти катары Борбордук казыналыктын катышуусун уюштурат;";

3-пунктчасы төмөнкүдөй мазмундагы абзац менен толукталсын:

"- Көз карандысыз Мамлекеттер Шериктештигинин интеграциялык бирикмелеринин жана Кыргыз Республикасы мүчө болгон жана мүчөлүк төгүмдөрдү бюджетке төлөгөн эл аралык уюмдардын бюджетинин каражаттарын пайдаланууну ревизиялоону (контролдоону) ишке ашыруу процессине тийиштүү эл аралык актыларда белгиленген тартипте катышат.".

2. Ушул токтом расмий жарыяланган күндөн он беш күн өткөндөн кийин күчүнө кирет.