КЫРГЫЗ РЕСПУБЛИКАСЫНЫН ѲКМѲТY

ТОКТОМ

2015-жылдын 31-июлу № 548

Кыргыз Республикасынын Өкмөтүнүн 2013-жылдын

22-майындагы № 278 «Мамлекеттик социалдык камсыздандыруу боюнча камсыздандыруу төгүмдөрүн эсептөөнүн жана төлөөнүн тартиби жөнүндө нускаманы бекитүү тууралуу» токтомуна толуктоолорду жана өзгөртүүлөрдү киргизүү жөнүндө

«Мамлекеттик социалдык камсыздандыруу боюнча камсыздандыруу төгүмдөрүнүн тарифтери жөнүндө» Кыргыз Республикасынын Мыйзамына «Кыргыз Республикасынын Өкмөтү жөнүндө» Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 2013-жылдын 22-майындагы №278 «Мамлекеттик социалдык камсыздандыруу боюнча камсыздандыруу төгүмдөрүн эсептөөнүн жана төлөөнүн тартиби жөнүндө нускаманы бекитүү тууралуу» токтомуна төмөнкүдөй толуктоолор жана өзгөртүүлөр киргизилсин:

жогоруда аталган токтом менен бекитилген Мамлекеттик социалдык камсыздандыруу боюнча камсыздандыруу төгүмдөрүн эсептөөнүн жана төлөөнүн тартиби жөнүндө нускамада:

- 3-пункт төмөнкүдөй мазмундагы 35-пунктча менен толукталсын:

«35) камсыздандыруу полиси - жеке жак тарабынан белгилүү өлчөмдө жана белгилүү мезгил үчүн камсыздандыруу төгүмдөрүн төлөгөндүгү жөнүндө документ.»;

- 19 жана 20-пункттар төмөнкүдөй редакцияда баяндалсын:

«19. Юридикалык жакты түзбөгөн дыйкан (фермердик) чарбаларынын башчылары жана мүчөлөрү жана жер участогуна (жер үлүшүнө) ээ жеке жактар төмөнкүдөй өлчөмдө камсыздандыруу төгүмдөрүн төлөшөт:

а) 2 га чейинки жер үлүшүнө ээ болгондор - 2024-жылга карата этап менен тариф коюмун 4 пайыз деңгээлге жеткирүү менен өткөн календардык жыл үчүн республиканын райондорунда жана шаарларында түзүлгөн орточоайлык эмгек акынын өлчөмүнөн эсептелген ай сайын 0,5 пайыз өлчөмүндө:

- 2015-жылдын 1-январынан тартып 2016-жылдын 31-декабрына чейин –орточо айлык эмгек акынын өлчөмүнөн 0,5 пайыз;

- 2017-жылдын 1-январынан тартып 2018-жылдын 31-декабрына чейин - орточо айлык эмгек акынын өлчөмүнөн 1 пайыз;

- 2019-жылдын 1-январынан тартып 2020-жылдын 31-декабрына чейин - орточо айлык эмгек акынын өлчөмүнөн 1,5 пайыз;

- 2021-жылдын 1-январынан тартып 2021-жылдын 31-декабрына чейин - орточо айлык эмгек акынын өлчөмүнөн 2 пайыз;

- 2022-жылдын 1-январынан тартып 2022-жылдын 31-декабрына чейин - орточо айлык эмгек акынын өлчөмүнөн 2,5 пайыз;

- 2023-жылдын 1-январынан тартып 2023-жылдын 31-декабрына чейин - орточо айлык эмгек акынын өлчөмүнөн 3 пайыз;

- 2024-жылдын 1-январынан тартып жана андан ары - орточо айлык эмгек акынын өлчөмүнөн 4 пайыз;

б) 2ден 10 га чейинки жер үлүшүнө ээ болгондор - 2019-жылга карата этап менен тариф коюмун 4 пайыз деңгээлге жеткирүү менен өткөн календардык жыл үчүн республиканын райондорунда жана шаарларында түзүлгөн орточо айлык эмгек акынын өлчөмүнөн эсептелген ай сайын 1 пайыз өлчөмүндө:

- 2015-жылдын 1-январынан тартып 2015-жылдын 31-декабрына чейин –орточо айлык эмгек акынын өлчөмүнөн 1 пайыз;

- 2016-жылдын 1-январынан тартып 2016-жылдын 31-декабрына чейин - орточо айлык эмгек акынын өлчөмүнөн 1,5 пайыз;

- 2017-жылдын 1-январынан тартып 2017-жылдын 31-декабрына чейин -орточо айлык эмгек акынын өлчөмүнөн 2 пайыз;

- 2018-жылдын 1-январынан тартып 2018-жылдын 31-декабрына чейин - орточо айлык эмгек акынын өлчөмүнөн 3 пайыз;

- 2019-жылдын 1-январынан тартып жана андан ары – орточо айлык эмгек акынын өлчөмүнөн 4 пайыз;

в) 10 га жана андан көп жер үлүшүнө ээ болгондор - 2017-жылга карата этап менен тариф коюмун 4 пайыз деңгээлге жеткирүү менен өткөн календардык жыл үчүн республиканын райондорунда жана шаарларында түзүлгөн орточо айлык эмгек акынын өлчөмүнөн эсептелген ай сайын 2 пайыз өлчөмүндө:

- 2015-жылдын 1-январынан тартып 2015-жылдын 31-декабрына чейин - орточо айлык эмгек акынын өлчөмүнөн 2 пайыз;

- 2016-жылдын 1-январынан тартып 2016-жылдын 31-декабрына чейин -орточо айлык эмгек акынын өлчөмүнөн 3 пайыз;

- 2017-жылдын 1-январынан тартып жана андан ары - орточо айлык эмгек акынын өлчөмүнөн 4 пайыз.

Юридикалык жакты түзбөгөн дыйкан (фермердик) чарбаларынын башчылары жана мүчөлөрү тарабынан төлөнгөн камсыздандыруу төгүмдөрү фонддор боюнча төмөнкүдөй өлчөмдөрдө бөлүштүрүлөт:

Пенсиялык фондго - 90 пайыз;

Милдеттүү медициналык камсыздандыруу фондуна - 10 пайыз.

Жер мамилелери чөйрөсүндөгү ченемдик укуктук актылар менен жөнгө салынган жер үлүшүнө укукту белгилөөчү документтер юридикалык жакты түзбөгөн дыйкан (фермердик) чарбаларына жана жер участогуна (жер үлүшүнө) ээ жеке жактарга камсыздандыруу төгүмдөрүн чегерүү жана төлөө үчүн негиз болуп эсептелет.

Мисал. Жерге укук белгилөөчү документтерге ылайык Нургазиевдердин дыйкан чарбасы болгону 1,95 га жер үлүшүнө ээ, анын ичинде: сугат айдоо жери - 1,0 га, кайрак жер - 05, га, чөп аянттары - 0,45 га. Үй-бүлө үч адамдан турат: башчы- Нургазиев Максат, дыйкан (фермердик) чарбанын мүчөлөрү: жубайы - Нургазиева Миргүл, уулу – Нургазиев Кайрат.

Жердин жалпы аянты 2,0 га чейин болгондуктан, камсыздандыруу төгүмдөрүн төлөө ушул Нускаманын 19-пунктунун «а» пунктчасына ылайык Нургазиевдердин үй-бүлөсүнүн ар бир мүчөсүнө  камсыздандыруу төгүмдөрүн төлөөнүн эсебинен жүргүзүлөт:

20. Юридикалык жакты түзбөгөн дыйкан (фермердик) чарбаларынын башчылары жана мүчөлөрү жана жер үлүшүнө ээ жеке жактар камсыздандыруу төгүмдөрүн I жарым жылдык үчүнушул жылдын15-июлуна чейин жана II жарым жылдык үчүн кийинки жылдын 15-январына чейин төлөшөт.

Камсыздандыруу төгүмдөрүнүн суммалары ушул Нускаманын 2-тиркемесине ылайык камсыздандыруу төгүмдөрүн төлөгөндүгү тууралуу квитанцияны берүү менен, ар биринин жекече камсыздандыруу эсебине киргизилет.»;

- 21-пункттагы «бул дыйкан (фермер) чарбасынын мүчөлөрүнүн жалпы чогулушунун чечими менен пенсионердин жекече камсыздандыруу эсебине бөлүштүрүлөт» деген сөздөр «анын жекече камсыздандыруу эсебине киргизилет» деген сөздөр менен алмаштырылсын;

- 22-пункттун үчүнчү абзацы төмөнкүдөй редакцияда баяндалсын:

«Юридикалык жакты түзбөгөн дыйкан (фермер) чарбасы 11,5 га жерге ээ. Табигый кырсыктан (суу ташкыны, сел жүрүү, жер титирөө, жер көчкү, мөндүр уруу, кургакчылык, үшүк) улам 10,8 га жер жабыр тарткан. Комиссиялык акты түзгөндөн жана аны кылдат изилдегенден кийин камсыздоочу дыйкан (фермердик) чарбасын камсыздандыруу төгүмдөрүн төлөөдөн бошотулган жердин аянтына пропорционалдуу бошотуу жөнүндө чечим кабыл алат.

Эгерде I жарым жылдыкта орточо айлык эмгек акы 8764 сомду түзсө,  камсыздандыруу төгүмдөрү айына = 8764 сом х 2 % = 175,3 сомду,  Iжарым жылдыкта = 175,3 сом х 6 ай = 1051,7 сомду түзөт. II жарым жылдыкта орточо айлык эмгек акы = 8920 сом, камсыздандыруу төгүмдөрү  айына = 8920 сом х 2 % = 178,4 сомду, II жарым жылдык үчүн = 178,4 сом х 6 ай = 1070,4 сом, эсептелген камсыздандыруу төгүмдөрүнүн жылдык суммасы = 1051,8 сом + 1070,4 сом = 2122,1 сом. Табигый кырсыктан жабыр тарткан жер = 10,8 га: 11,5 га х 100 %=93,9%. Демек, камсыздандыруу төгүмдөрүнүн эсептелген суммасынын  93,9 % бошотууга жатат:2122,1 сом х 93,9 % = 1992,7 сом бошотууга жатат.»;

- 23 жана 25-пункттар күчүн жоготту деп таанылсын;

- 26-пункт төмөнкүдөй мазмундагы «в» пунктчасы менен толукталсын:

«в) I жана II топтогу майып кызматкерлер (Улуу Ата Мекендик согуштун майыптарынан жана аларга теңештирилген адамдардан сырткары) каржылоо булактарына карабастан, алардынпайдасынаэсептелгенбардыктөлөмдөрдүнтүрлөрүнөн ай сайын Пенсиялык фондго 2 пайыз өлчөмүндө.»;

- 34 жана 35-пункттар төмөнкүдөй редакцияда баяндалсын:

«34. Бирдиктүү салыктын же салык контрагынын негизинде салык салуунун жөнөкөйлөштүрүлгөн тутуму боюнча милдеттүү патентти сатып алуу жолу менен жалпы салык режиминин жана/же атайын салык режиминин негизинде салык төлөөчү жеке ишкерлер камсыздандыруу төгүмдөрүн орточо айлык эмгек акынын өлчөмүнөн 10 пайыз өлчөмүндө төлөшөт, анын ичинен:

Пенсиялык фондго - 9 пайыз;

Милдеттүү медициналык камсыздандыруу фондуна - 1 пайыз.

35. Ыктыярдуу патент сатып алуу жолу менен атайын салык режиминин негизинде салык төлөөчү (кыймылсыз жана кыймылдуу мүлктөрдү ижарага берүүдөн киреше алуучу жеке ишкерлерди кошпогондо), ошондой эле контейнерлерде, павильондордо, күркөлөрдө товар сатуу жолу менен рыноктордо иштеген жеке ишкерлер камсыздандыруу төгүмдөрүн өткөн календардык жыл үчүн республиканын райондорунда жана шаарларында түзүлгөн орточо айлык эмгек акынын өлчөмүнөн эсептелген 2018-жылга этап менен тариф коюмун орточоайлык эмгек акынын өлчөмүнөн 10 пайыздык деңгээлге жеткирүү менен ай сайын 4 пайыз өлчөмүндө төлөшөт:

- 2015-жылдын 1-январынан тартып 2015-жылдын 31-декабрына чейин - орточо айлык эмгек акынын өлчөмүнөн 4 пайыз;

- 2016-жылдын 1-январынан тартып 2016-жылдын 31-декабрына чейин - орточо айлык эмгек акынын өлчөмүнөн 6 пайыз;

- 2017-жылдын 1-январынан тартып 2017-жылдын 31-декабрына чейин- орточоайлык эмгек акынын өлчөмүнөн 8 пайыз;

- 2018-жылдын 1-январынан тартып жана андан ары - орточо айлык эмгек акынын өлчөмүнөн 10 пайыз.»;

- төмөнкүдөй мазмундагы 35¹-35⁴-пункттар менен толукталсын:

«35¹. Лотоктордо, соода орундарында товар сатуу жолу менен рыноктордо ишкердикти жүзөгө ашыруучу жеке ишкерлер камсыздандыруу төгүмдөрүн өткөн календардык жыл үчүн республиканын райондорунда жана шаарларында түзүлгөн орточо айлык эмгек акынын өлчөмүнөн эсептелген 2018-жылга карата этап менен тариф коюмун орточо айлык эмгек акынын өлчөмүнөн 5 пайыздык деңгээлге жеткирүү менен ай сайын 2 пайыз өлчөмүндө төлөшөт:

- 2015-жылдын 1-январынан тартып 2015-жылдын 31-декабрына чейин - орточо айлык эмгек акынын өлчөмүнөн 2 пайыз;

- 2016-жылдын 1-январынан тартып 2016-жылдын 31-декабрына чейин - орточо айлык эмгек акынын өлчөмүнөн 3 пайыз;

- 2017-жылдын 1-январынан тартып 2017-жылдын 31-декабрына чейин - орточо айлык эмгек акынын өлчөмүнөн 4 пайыз;

- 2018-жылдын 1-январынан тартып жана андан ары - орточо айлык эмгек акынын өлчөмүнөн 5 пайыз.

35². Ушул Нускаманын 35 жана 35¹-пункттарында аталган төлөөчүлөрдөн түшкөн камсыздандыруу төгүмдөрүнүн суммалары фонддор боюнча төмөнкүдөй өлчөмдөрдө бөлүштүрүлөт:

Пенсиялык фондго - 90 пайыз;

Милдеттүү медициналык камсыздандыруу фондуна - 10 пайыз.

35³. Жеке ишкердик менен алектенген, анын ичинде рыноктордо иштеген Кыргыз Республикасында убактылуу жүргөн чет өлкөлүк жарандар жана жарандыгы жок адамдар камсыздандыруу төгүмдөрүн орточо айлык эмгек акынын өлчөмүнөн ай сайын 3 пайыз өлчөмүндө Пенсиялык фонддун тилектештик бөлүгүнө төлөшөт.

35⁴. Ушул Нускаманын 34, 35, 35¹ жана 35³-пункттарында аталган төлөөчүлөр камсыздандыруу төгүмдөрүн камсыздандыруу полистерин сатып алуу жолу менен төлөшөт.»;

-  36-пунктта:

биринчи абзацтагы «алган кирешесинин 9,25 пайызынын өлчөмүндө, ай сайын ал мүлктү күтүүгө кеткен чыгымдарды алып салып, бирок орточо айлык эмгек акыдан кем эмес өлчөмдө» деген сөздөр жана цифралар «орточо айлык эмгек акыдан 10 пайыз өлчөмүндө» деген сөздөр жана цифралар менен алмаштырылсын.»;

экинчи абзацтагы«8»деген цифра «9» деген цифра менен алмаштырылсын;

төртүнчү жана бешинчи абзацтар күчүн жоготту деп таанылсын;

- 37-пункт күчүн жоготту деп таанылсын;

- 38-пункттагы:

«жеке ишкерлерден жана алардын» деген сөздөр алып салынсын;

«кошпогондо» деген сөздөн кийин «Ушул Нускаманын 7-тиркемесине ылайык мамлекеттик социалдык камсыздандыруу каражаттары боюнча эсептешүү ведомостторун берүү жолу менен» деген сөздөр менен толукталсын;

- 39-пункт төмөнкүдөй редакцияда баяндалсын:

«39. Текстиль жана тигүү өндүрүшүндө иштеген жалданган кызматкерлер үчүн камсыздандыруу төгүмдөрү төмөнкүдөй өлчөмдө белгиленген:

а) иш берүүчүлөр үчүн - ай сайын орточо айлык эмгек акынын өлчөмүнүн 40 пайызынан эсептелген6 пайыз өлчөмүндө.

Камсыздандыруу төгүмдөрүнүн суммалары фонддор боюнча төмөнкүдөй өлчөмдөрдө бөлүштүрүлөт:

Пенсиялык фондго - 4,75 пайыз;

Милдеттүү медициналык камсыздандыруу фондуна - 1 пайыз;

Эмгекчилердин ден соолугун чыңдоо фондуна - 0,25 пайыз;

б) кызматкерлер үчүн, пенсионер-кызматкерлерди жана I, II топтогу майып-кызматкерлерди кошпогондо -ай сайын орточо айлык эмгек акынын өлчөмүнүн 40 пайызынан эсептелген 6 пайыз өлчөмүндө.

Камсыздандыруу төгүмдөрүнүн суммалары фонддор боюнча төмөнкүдөй өлчөмдөрдө бөлүштүрүлөт:

Пенсиялык фондго - 4 пайыз;

Мамлекеттик топтоо фондуна - 2 пайыз;

в) пенсионер-кызматкерлер үчүн - орточо айлык эмгек акынын өлчөмүнүн 40 пайызынан эсептелген - ай сайын Пенсиялык фондго 4 пайыз өлчөмүндө;

I жана II топтордогу майып-кызматкерлер үчүн (Улуу Ата Мекендик согуштун майыптарынан жана аларга теңештирилген адамдардан тышкары) - каржылоо булактарына карабастан, алардын пайдасына чегерилген төлөмдөрдүн бардык түрлөрүнөн ай сайын Пенсиялык фондго 2 пайыз өлчөмүндө;

- 1964-жылдын 1-январынан мурда төрөлгөн эркектер үчүн жана 1969-жылдын 1-январынан мурда төрөлгөн аялдар үчүн - Пенсиялык фондго 6 пайыз өлчөмүндө.»;

- 40-пункт төмөнкүдөй мазмундагы абзац менен толукталсын:

«I жана II топтордогу майып-кызматкерлер (Улуу Ата Мекендик согуштун майыптарынан жана белгиленген үлгүдөгү күбөлөндүрүүчү документтери бар, аларга теңештирилген адамдардан жана Улуу Ата Мекендик согуштун катышуучуларынан тышкары) - каржылоо булактарына карабастан, алардын пайдасына чегерилген төлөмдөрдүн бардык түрлөрүнөн ай сайын  Пенсиялык фондго 2 пайыз өлчөмүндө.»;

- төмөнкүдөй мазмундагы 21-глава менен толукталсын:

2¹. Камсыздандыруу полистерин сатып алуунун жана эсепке алуунун тартиби

41¹. Ушул Нускаманын 15-тиркемесине ылайык форма боюнча камсыздандыруу полистери камсыздоочунун жеке ишкердик жүргүзгөн орду же жеке ишкердин, жеке жактын жашаган жери боюнча региондук органдарында бир календардык айга жана ушул жылдын жарым жылдыгынан ашык эмес мөөнөткө алынат.

41². Камсыздандыруу полиси төмөнкүдөй документтер көрсөтүлгөн учурда берилет:

-паспорт же инсандыгын күбөлөндүргөн башка документ;

- патент же юридикалык жакты түзбөгөн жеке ишкердик жүргүзгөн жаранды жеке ишкер катары мамлекеттик каттоо (кайра каттоо) жөнүндө күбөлүк;

- Ушул Нускаманын 16-тиркемесине ылайык форма боюнча текстиль жана тигүү өндүрүшүндө иштеген жалданган кызматкерлер үчүн камсыздандыруу төгүмдөрүн төлөө ведомосту;

- идентификациялык жеке номер (ИЖН);

- камсыздандыруу төгүмдөрүнүн керектүү суммасын төлөгөндүгү тууралуу квитанция, чек же төлөм тапшырыгы;

- Кыргыз Республикасынын мыйзамдарына ылайык жумушка орношууга уруксат (чет өлкөлүк жаран же жарандыгы жок адам үчүн).

41³. Камсыздандыруу полиси камсыздоочунун региондук органынын жетекчисинин жана анын ыйгарым укуктуу адамынын мөөрү жана колу болгондо жарактуу деп эсептелет. Камсыздандыруу полисинин биринчи нускасы жеке ишкерге жана жеке жакка берилет, экинчиси - камсыздоочунун региондук органында калат.

41⁴. Камсыздандыруу полисин же анын көчүрмөсүн ишкердик кылуу максатында башка адамга берүүгө тыюу салынат.

41⁵. Камсыздандыруу полиси жоголгон учурда камсыздандыруу төгүмдөрүн төлөөчүгө камсыздоочунун региондук органдары камсыздандыруу төгүмдөрүн камсыздандыруу полисин сатып алуу жолу менен төлөгөндүгүн ырастаган маалымкат беришет.

41⁶. Камсыздандыруу полистери үчүн төлөмдөр жеке жактар жана жеке ишкерлер тарабынан өзү үчүн жана жалданган кызматкерлер үчүн банк мекемелеринде же төлөм терминалдары аркылуу камсыздоочунун алыш-бериш эсебинде жүргүзүлөт.

41⁷. Банк мекемелери болбогон калктуу конуштарда камсыздандыруу төгүмдөрү камсыздоочунун региондук органынын ыйгарым укуктуу адамына төлөнөт, ал камсыздандыруу полисин жазып берет. Мында, жеке ишкерден, жеке жактан алынган камсыздандыруу төгүмдөрү камсыздоочунун региондук органынын ыйгарым укуктуу адамы тарабынан банк мекемеси аркылуу 2 иш күндүн ичинде камсыздоочунун алыш-бериш эсебине которулат.

41⁸. Камсыздоочунун региондук органдары күн сайын ушул Нускаманын17-тиркемесине ылайык форма боюнча сатылган камсыздандыруу полистеринин реестрин түзүшөт.

41⁹. Камсыздандыруу полистеринин бланктары так отчеттуулук бланктары болуп саналат.»;

-  42-пункт төмөнкүдөй редакцияда баяндалсын:

«42. Эл аралык макулдашууларга ылайык түзүлгөн уюмдарда жана эл аралык долбоорлордо иштеген адамдар үчүн камсыздандыруу төгүмдөрүнүн тарифтери төмөнкүдөй белгиленет:

1) иш берүүчүлөр жана жумуштарды/кызмат көрсөтүүлөрдү заказ берүүчүлөр үчүн:

а) эгерде эл аралык макулдашууларда камсыздандыруу төгүмдөрүн эсептөөнүн жана төлөөнүн башка эрежелери каралбаса, кызматкерлердин жана жумуштарды/кызмат көрсөтүүлөрдү аткаруучулардын - Кыргыз Республикасынын жарандарынын, Кыргыз Республикасында туруктуу жашаган чет өлкөлүк жарандардын жана жарандыгы жок адамдардын пайдасына чегерилген акы төлөөнүн, жумуштарга/кызмат көрсөтүүлөргө төлөөлөрдүн бардык түрлөрүнөн - ай сайын 17,25 пайыз өлчөмүндө.

Камсыздандыруу төгүмдөрүнүн суммалары фонддор боюнча төмөнкүдөй өлчөмдөрдө бөлүштүрүлөт:

Пенсиялык фондго - 15 пайыз;

Милдеттүү медициналык камсыздандыруу фондуна - 2 пайыз;

Эмгекчилердин ден соолугун чыңдоо фондуна - 0,25 пайыз;

б) I жана II топтордогу майып-кызматкерлердин пайдасына чегерилген төлөмдөрдүн бардык түрлөрүнөн ай сайын - 15,25 пайыз өлчөмүндө.

Камсыздандыруу төгүмдөрүнүн суммалары фонддор боюнча төмөнкүдөй өлчөмдөрдө бөлүштүрүлөт:

Пенсиялык фондго - 15 пайыз;

Эмгекчилердин ден соолугун чыңдоо фондуна - 0,25 пайыз;

2) кызматкерлер жана жумуштарды/кызмат көрсөтүүлөрдү аткаруучулар үчүн:

а) пенсионер-кызматкерлерди жана жумуштарды/кызмат көрсөтүүлөрдү пенсионер-аткаруучуларды кошпогондо, Кыргыз Республикасынын жарандары, Кыргыз Республикасында туруктуу жашаган чет өлкөлүк жарандар жана жарандыгы жок адамдар, алардын пайдасына чегерилген эмгек акы төлөөнүн, жумуштарга/кызмат көрсөтүүлөргө төлөөнүн бардык түрлөрүнөн - 10 пайыз өлчөмүндө.

Камсыздандыруу төгүмдөрүнүн суммалары фонддор боюнча төмөнкүдөй өлчөмдөрдө бөлүштүрүлөт:

Пенсиялык фондго - 8 пайыз;

Мамлекеттик пенсиялык топтоо фондуна - 2 пайыз;

б) пенсионер-кызматкерлер үчүн алардын пайдасына чегерилген акы төлөөнүн, жумуштарга/кызмат көрсөтүүлөргө төлөөнүн бардык түрлөрүнөн - Пенсиялык фондго 8 пайыз өлчөмүндө;

в) 1964-жылдын 1-январынан мурда төрөлгөн эркек-кызматкерлер үчүн жана 1969-жылдын 1-январынан мурда төрөлгөн аял-кызматкерлер үчүн - Пенсиялык фондго 10 пайыз өлчөмүндө;

г) I жана II топтордогу майыптар үчүн (Улуу Ата Мекендик согуштун майыптарынан жана аларга теңештирилген адамдардан тышкары) - каржылоо булактарына карабастан, алардын пайдасына чегерилген төлөмдөрдүн бардык түрлөрүнөн ай сайын Пенсиялык фондго 2 пайыз өлчөмүндө.»;

- 45-пункттун экинчи абзацы төмөнкүдөй редакцияда баяндалсын:

«45. Эгерде камсыздандыруу төгүмдөрүнүн ар айлык өлчөмү орточо айлык акынын өлчөмүнүн 40 пайызынан эсептелген суммадан аз болсо, анда Кошумча эмгек акы төлөө фонду эсептелет жана иш берүүчү тарабынан төлөнөт, бирок мында кызматкер үчүн белгиленген камсыздандыруу төгүмдөрүн чегерүү, кармап калуу жана төгүү иш берүүчү тарабынан иш жүзүндө эсептелген эмгек акыдан жүргүзүлөт.»;

- 47-пункт төмөнкүдөй редакцияда баяндалсын:

«47. Ушул Нускаманын 45, 46-пункттарынын колдонулушу уюштуруучулук-укуктук түрүнө жана менчигинин түрүнө карабастан, юридикалык жактардын кенже тейлөө кызматкерлерине, ошондой эле төмөнкү ишканаларга жана уюмдарга таркатылбайт:

1) каржылоонун көлөмүнө карабастан, мамлекеттик бюджеттен каржыланган уюмдар;

2) мамлекеттик ишканалар, уюмдар жана мекемелер;

3) мамлекеттикокуужайларжанаюридикалыкжакстатусунаээболгоналартарабынантүзүлгөнөзалдынчаокуубөлүмдөрүжанафилиалдар;

4) социалдык камсыздандыруу каражаттарынан каржыланган уюмдар;

5) Кыргызстандын азиздер жана дүлөйлөр коомунун ишканалары, мекемелери жана уюмдары;

6) коммерциялык эмес кооперативдер, коомдук фонддор, коомдук бирикмелер, турак жай ээлеринин шериктиктери (анын ичинде үй башкармалыктары), диний уюмдар;

7) эмгек акы төлөө фондунан камсыздандыруу төгүмдөрүн төлөгөн айылдык товар өндүрүүчүлөр.

1-мисал.

 Эгерде иш жүзүндө иштеген күндөрдүн саны отчеттук айдагы календардык иш күндөрүнүн санына тең болсо, камсыздандыруу төгүмдөрү төмөнкүдөй эсептелет:

иш жүзүндөгү эмгек акы 2500 сомду түзөт, Бишкек шаары боюнча орточо айлык эмгек акы 2013-жылы 13875 сомду түздү, белгиленген эмгек акы 5550 сом, иш берүүчү тарабынан чегериле турган камсыздандыруу төгүмдөрү орточо айлык эмгек акынын 40% түзөт, 2500 сом 5550 сомдон аз болгондуктан, Кош. ЭТФ төмөнкүчө эсептелет:

Кош ЭТФ   5550-2500=3050 сом

Иш берүүчү:                                             Кызматкер:

5550 х 17,25%=  957,38 сом                    2500 х 10 %= 250 сом

2-мисал.

Эгерде иш жүзүндө иштеген күндөр отчеттук айдагы календардык иш күнүнөн аз болсо, камсыздандыруу төгүмдөрү төмөнкүдөй эсептелет:

Иш жүзүндөгү бир күндүк эмгек акы эсептелет: Бишкек шаары боюнча түзүлгөн орточо айлык эмгек акыдан 40%ды бир айдагы күндөрдүн санына бөлүү   5550 : 22=252,27 сом;

Кош.ЭТФ эсептелет: бир күндүк эмгек акы иш жүзүндөгү күндөрдүн санына көбөйтүлөт, иш жүзүндөгү ЭТФ кемитилет:

(252,27 х 14) – 2500=1031,82 сом

Иш берүүчү:                                                Кызматкер:

 (2500+1031,82)*17,25%=609,24 сом       2500 х 10%=250 сом

3-мисал.

Жаран Иванов Д.«А»фирмасында (Нарын шаары) эмгек келишими боюнча 0,5 коюмга иштейт жана айына 2800 сом алат. Ишберүүчүтарабынанкайсыэмгекакыданкамсыздандыруутөгүмдөрү (17,25%) чегерилетургандыгынаныктооүчүнтөмөнкүлөрдүаныктоо зарыл:

- толук коюм: 2800 сом х 2 = 5600 сом, демек, толуккоюм 5600 сомдутүзөт;

- өткөн календардык жылда Нарын шаарында түзүлгөн орточо айлык эмгекакынын 40 пайызынынминималдыксалынуучусуммасынтолуккоюмдунөлчөмүмененсалыштыруу зарыл. 2013-жылы ал 13074сомдутүзгөн, 13074сом х 40% = 5229,6  сом  5600 сомдон аз. Демек, мындайучурдаишберүүчүтарабынанкамсыздандыруутөгүмдөрүишжүзүндөгүчегерилгенсуммаданэсептелет:

2800 сом х 17,25% = 483 сом + (2800 х 10% = 280) = 763 сом.»;

- 52-пункт төмөнкүдөй редакцияда баяндалсын:

«52. Бир эле мезгилде бир нече төлөөчүлөрдүн категориясына кирген камсыздандыруу төгүмдөрүн төлөөчүлөр камсыздандыруу төгүмдөрүн чегерүүнү жана төлөөнү ар бир негиз боюнча жүргүзүшөт.

Мисал.

К.Имановдун эмгек акысы «А» фирмасында негизги иштеген жери боюнча 7000 сом өлчөмүндө белгиленген. Андан сырткары, жаран К.Имановдун менчигинде Сокулук районунда3 га сугат жери бар, ошондой эле Бишкек шаарындагы имаратты кампаларга ижарага берет.

К.Имановдун камсыздандыруу төгүмдөрү төмөнкүчө чегерилет:

1) «А» фирмасындагы эмгек акысы боюнча: 7000 сом х 27,25% = 1908 сом;

2) 19-пункттун «б» пунктчасына ылайык жеручастогунаээликкылгандыгыүчүн Сокулук району боюнча орточо айлык эмгек акыдан 1%:

3) кыймылсызмүлктүижарагабергендигиүчүн: өткөн календарлык жыл үчүн Бишкек шаары боюнча түзүлгөн орточо айлык эмгек акы, ал 2013-жылы 13875 сом х 10% =1387,50 сомду түздү.

Мында «А» фирмасынан жана кыймылдуу мүлктү ижарага берүүдөн алынган кирешелерден камсыздандыруу төгүмдөрү (1908 сом жана 1387,5 сом) ай сайын төлөнөт, ал эми жерге ээлик кылгандыгы үчүн камсыздандыруу төгүмдөрүнүн суммасы I жарым жылдык үчүн ушул жылдын 15-июлуна чейин жана II жарым жылдык үчүн кийинки жылдын 15-январына чейин жүзөгө ашырылат.»;

- 53-пункт күчүн жоготту деп таанылсын;

- 61-пункт төмөнкүдөй редакцияда баяндалсын:

«61. Эсептешүү ведомосттору камсыздоочунун аймактык органына отчеттук мезгилден кийинки айдын 20-күнүнө чейин тапшырылат.

Мисалы, юридикалык жакты түзгөн төлөөчүлөрдүн март айы үчүн эсептешүү ведомостторун тапшыруу мөөнөтү 20-апрелде бүтөт. Эгерде төлөөчү көрсөтүлгөн мезгилге эсептешүү ведомостун тапшырбаса, камсыздоочу 21-апрелден баштап төлөөчүгө өткөн отчеттук мезгил үчүн чегерилген камсыздандыруу төгүмдөрүнөн 25 пайыз өлчөмүндө айып чегерет. Төлөөчү тарабынан иш жүзүндө отчет берилгенден кийин иш жүзүндөгү төлөм суммасына кайра эсептөө жүргүзүлөт.»;

- 62-пункттун биринчи абзацында «15» деген цифра «20» деген цифра менен алмаштырылсын;

-67-пункттун 28-пунктчасынын экинчи сүйлөмү төмөнкүдөй редакцияда баяндалсын:

«Мисалы, эгерде төлөөчү апрель айы үчүн эсептешүү ведомостун 2015-жылдын 20-майында берсе, анда милдеттенмелердин (карыздардын) калдыгында камсыздандыруу төгүмдөрүнүн суммалары 2015-жылдын 15-майына чейин жүргүзүлгөн төлөмдөрдөн кемитүү менен көрсөтүлүшү керек;»;

- 68-пункт төмөнкүдөй редакцияда баяндалсын:

«68. Төлөөчүнүн иши токтотулган учурда социалдык камсыздандыруу боюнча эсептердин туура жана өз убагында жүргүзүлүшүн текшерүүгө арызды берген күндөн баштап камсыздоочу тарабынан 15 күндүн ичинде мындай текшерүү жүргүзүлөт жана ушул Нускаманын 8-тиркемесиндеги формасына ылайык акт түзүлөт жана көрсөтүлгөн мөөнөттө камсыздандыруу төгүмдөрү боюнча карыздардын жоктугу жөнүндө маалымкат берилет (карыздары жок болсо), ал эми төлөөчү тарабынан ушул Нускаманын 7-тиркемесине ылайык форма боюнча мамлекеттик социалдык камсыздандыруу каражаттарынын акыркы эсептешүү ведомосту түзүлөт.»;

- Мамлекеттик социалдык камсыздандыруу боюнча камсыздандыруу төгүмдөрүн эсептөөнүн жана төлөөнүн тартиби жөнүндө нускамага 2-тиркеме ушул токтомго 1-тиркемесине  ылайык редакцияда баяндалсын;

- Мамлекеттик социалдык камсыздандыруу боюнча камсыздандыруу төгүмдөрүн эсептөөнүн жана төлөөнүн тартиби жөнүндө нускаманын14-тиркемеси ушул токтомдун 2-тиркемесине ылайык редакцияда баяндалсын;

- Мамлекеттик социалдык камсыздандыруу боюнча камсыздандыруу төгүмдөрүн эсептөөнүн жана төлөөнүн тартиби жөнүндө нускама ушул токтомдун 3-тиркемесине ылайык 15-17-тиркемелер менен толукталсын.

2. Кыргыз Республикасынын Өкмөтүнүн 2013-жылдын 15-апрелиндеги №193«Камсыздандыруу полистерин сатып алуу жолу менен камсыздандыруу төгүмдөрүн төлөө тартиби жөнүндө жобону бекитүү тууралуу» токтому  күчүн жоготту деп таанылсын.

3. Ушул токтом расмий жарыяланууга тийиш жана 2015-жылдын 7-апрелинен тартып күчүнө кирет.

Форма

Кыргыз Республикасынын Социалдык фонду

Юридикалык жакты түзбөгөн дыйкан (фермердик) чарбаларынын башчылары жана мүчөлөрү тарабынан төлөнүүчү камсыздандыруу төгүмдөрүнүн КВИТАНЦИЯСЫ

Серия КХ-XV ________ № __________