КЫРГЫЗ РЕСПУБЛИКАСЫНЫН ѲКМѲТY

ТОКТОМ

2015-жылдын 20-августу № 594

Жергиликтүү мамлекеттик администрация жөнүндө типтүү жобону бекитүү тууралуу

"Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине, "Жергиликтүү мамлекеттик администрация жөнүндө" Кыргыз Республикасынын Мыйзамынын 4 жана 5-беренелерине ылайык Кыргыз Республикасынын Өкмөтү

ТОКТОМ КЫЛАТ:

1. Жергиликтүү мамлекеттик администрация жөнүндө типтүү жобо тиркемеге ылайык бекитилсин.

2. Райондордун мамлекеттик администрацияларынын башчылары - акимдер:

- ушул токтомдун 1-пунктунда аталган Жергиликтүү мамлекеттик администрация жөнүндө типтүү жобонун негизинде жергиликтүү мамлекеттик администрация жөнүндө жоболорду иштеп чыксын жана бекитсин;

- ушул токтомдон келип чыгуучу зарыл болгон чараларды көрүшсүн;

- өзүнүн чечимдерин ушул токтомго ылайык келтиришсин.

3. Ушул токтомдун аткарылышын контролдоо Кыргыз Республикасынын Өкмөтүнүн Аппаратынын уюштуруу-инспектордук иштер жана жергиликтүү өз алдынча башкаруу бөлүмүнө жүктөлсүн.

4. Ушул токтом расмий жарыяланган күндөн он күн өткөндөн кийин күчүнө кирет.