КЫРГЫЗ РЕСПУБЛИКАСЫНЫН ѲКМѲТY

ТОКТОМ

2015-жылдын 24-ноябры № 800

"Кыргыз Республикасынын Жазык-процесстик кодексине езгөртүүлөрдү киргизүү жөнүнде" Кыргыз Республикасынын Мыйзамынын долбоору тууралуу

Кыргыз Республикасынын Конституциясынын 79-беренесине ылайык Кыргыз Республикасынын Өкмѳтү

ТОКТОМ КЫЛАТ:

1. "Кыргыз Республикасынын  Жазык-процесстик кодексине өзгөртүүлөрдү киргизүү жөнүндө" Кыргыз Республикасынын Мыйзамынын долбоору жактырылсын.

2. Аталган мыйзамдын долбоору Кыргыз Республикасынын Жогорку Кеңешинин кароосуна киргизилсин.

3. Кыргыз Республикасынын Ички иштер министри аталган мыйзамдын долбоору Кыргыз Республикасынын Жогорку Кеңешинде каралган учурда Кыргыз Республикасынын Өкмөтүнүн расмий өкүлү болуп дайындалсын.

Долбоор

КЫРГЫЗ РЕСПУБЛИКАСЫНЫН МЫЙЗАМЫ

Кыргыз Республикасынын Жазык-процесстик кодексине өзгөртγүлөрду киргизүγ жөнүндө

1-берене

Кыргыз Республикасынын Жазык-процесстик кодексине (Кыргыз Республикасынын Жогорку Кеңешинин Жарчысы, 1999-ж. № 10, 442-бер.) төмөнкүдөй өзгөртуүлөр киргизилсин:

1) 34-берененин 2-бѳлүгүнүн 1-пунктундагы "мыйзамдын" деген сез "Кыргыз Республикасынын мыйзамдарынын" деген сөздөр менен алмаштырылсын;

2) 155-берене төмөнкγдөй мазмундагы (1¹) бөлүгү менен толукталсын:

"(1¹) Кылмыштар жөнүндө арыздарды жана билдирγүлөрдү каттоонун, эсепке алуунун жана кыймылынын тартибин Кыргыз Республикасынын Өкмөтү аныктайт.";

3) 156-берене төмөнкүдөй мазмундагы (1¹) бөлүгү менен толукталсын:

(1¹) Кылмыш иштери, ошондой эле кылмыш ишин козгоодон баш тартуу тууралуу чечим кабыл алынган материалдар катталууга жана эсепке алынууга тийиш.

Кылмыш иштерин, ошондой эле кылмыш ишин козгоодон баш тартуу тууралуу чечим кабыл алынган материалдарды каттоонун, эсепке алуунун жана кыймылынын тартибин Кыргыз Республикасынын Өкмөтү аныктайт.".

2-берене

1. Ушул Мыйзам расмий жарыяланган күндөн он күн өткөндөн кийин күчүнө кирет.

2. Кыргыз Республикасынын Өкмөтү ушул Мыйзам күчүнө кирген күндөн тартып алты айлык мөөнөттүн ичинде ушул Мыйзамды ишке ашыруу боюнча зарыл болгон чараларды көрсүн.

Кыргыз Республикасынын

            Президенти