КЫРГЫЗ РЕСПУБЛИКАСЫНЫН ѲКМѲТY

ТОКТОМ

2015-жылдын 23-ноябры № 797

«Нотариат жөнүндө» Кыргыз Республикасынын

Мыйзамына өзгөртүүлөрдү киргизүү тууралуу» Кыргыз Республикасынын Мыйзамынын долбоору жөнүндө

Кыргыз Республикасынын Конституциясынын 79-беренесине ылайык Кыргыз Республикасынын Өкмөтү

ТОКТОМ КЫЛАТ:

1. «Нотариат жөнүндө» Кыргыз Республикасынын Мыйзамына өзгөртүүлөрдү киргизүү тууралуу» Кыргыз Республикасынын Мыйзамынын долбоору жактырылсын.

2. Аталган мыйзамдын долбоору Кыргыз Республикасынын Жогорку Кеңешинин кароосуна киргизилcин.

3. Кыргыз Республикасынын Юстиция министри көрсөтүлгөн Мыйзамдын долбоору Кыргыз Республикасынын Жогорку Кеңешинде каралганда Кыргыз Республикасынын Өкмөтүнүн расмий өкүлү болуп дайындалсын.

Долбоор

КЫРГЫЗ РЕСПУБЛИКАСЫНЫН МЫЙЗАМЫ

“Нотариат жөнүндө”  Кыргыз Республикасынын

Мыйзамына өзгөртүүлөрдү киргизүү тууралуу

1-берене

“Нотариат жөнүндө” Кыргыз Республикасынын Мыйзамына (“Эркин Тоо” гезити, 1998-жылдын 10-июну, № 71-72) төмөнкүдөй өзгөртүүлөр киргизилсин:

1) 19-статьяда:

- аталышындагы, биринчи, экинчи жана бешинчи бөлүктөрүндөгү “Мамлекеттик нотариалдык архив”, “мамлекеттик нотариалдык архив”, “Мамлекеттик нотариалдык архивдин” деген сөздөр “Ведомстволук нотариалдык архив”, “ведомстволук нотариалдык архив”, “Ведомстволук нотариалдык архивдин”  деген сөздөр менен алмаштырылсын;

- 3-бөлүгү күчүн жоготту деп таанылсын;

2) 32-статьядагы “Мамлекеттик нотариалдык архивдердеги” деген сөздөр “Ведомстволук нотариалдык архивдеги”  деген сөздөр менен алмаштырылсын.

2-берене

1. Ушул Мыйзам расмий жарыяланган күндөн он күн өткөндөн кийин күчүнө кирет.

2. Кыргыз Республикасынын Өкмөтү үч айлык мөөнөттө өзүнүн ченемдик укуктук актыларын ушул Мыйзамга шайкеш  келтирсин.

Кыргыз Республикасынын

             Президенти