КЫРГЫЗ РЕСПУБЛИКАСЫНЫН ѲКМѲТY

ТОКТОМ

2001-жылдын 11-декабры № 783

Кыргыз Республикасында калкка коммуналдык

кызматтарды көрсөтүүнүн Эрежелерин

бекитүү жөнүндө

Турак жай-коммуналдык чарбаны реформалоодо калктын социалдык корголушун камсыздоо максатында жана "Кыргыз Республикасынын "Керектөөчүлөрдүн укуктарын коргоо жөнүндө" Мыйзамынын 47-статьясына ылайык Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасында калкка коммуналдык кызматтарды көрсөтүүнүн тиркелген Эрежелери бекитилсин.

2. Бул токтом жалпыга маалымдоо каражаттарына жарыялансын.

3. Калкка коммуналдык кызмат көрсөтүүчү бардык субьекттер бул токтом жарыялангандан кийин бир айдын ичинде калкка коммуналдык кызмат көрсөтүүгө келишимдерди (контракттарды) бекитилген Эрежелерге аныкталган тартипте ылайык келтиришсин.

4. Бул токтомдун аткарылышын көзөмөлдөө Кыргыз Республикасынын Премьер-министринин Аппаратынын экономика, инвестициялар жана региондук өнүктүрүү башкармасына жана Кыргыз Республикасынын Өкмөтүнө караштуу Монополияга каршы саясат боюнча мамлекеттик комиссияга тапшырылсын.