КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2016-жылдын 23-ноябры № 615

Кыргыз Республикасынын Өкмөтүнүн 2011-жылдын 29-ноябрындагы № 745 "Оор оору менен ооруган эркинен ажыратууга соттолгондорду медициналык күбөлөндүрүү жана аларды андан ары жаза өтөөдөн бошотууну сунуш кылуу тартибин бекитүү жөнүндө" токтомуна өзгөртүүлөрдү киргизүү тууралуу

Оор оору менен ооруган эркинен ажыратууга соттолгондорду медициналык күбөлөндүрүү тартибин жакшыртуу максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 2011-жылдын 29-ноябрындагы № 745 "Оор оору менен ооруган эркинен ажыратууга соттолгондорду медициналык күбөлөндүрүү жана аларды андан ары жаза өтөөдөн бошотууну сунуш кылуу тартибин бекитүү жөнүндө" токтомуна төмөнкүдөй өзгөртүүлөр киргизилсин:

жогоруда аталган токтом менен бекитилген Оор оору менен ооруган эркинен ажыратууга соттолгондорду медициналык күбөлөндүрүү жана аларды андан ары жаза өтөөдөн бошотууну сунуш кылуу тартибинде:

2-пунктунда:

- экинчи абзацындагы "3, 27," деген цифралар алып салынсын;

- бешинчи абзацы төмөнкүдөй редакцияда баяндалсын:

"- курамына ЖАТтын мамлекеттик органынын медициналык кызматынын кызматкерлери жана саламаттык сактоо чөйрөсүндөгү ыйгарым укуктуу мамлекеттик органдын өкүлү кирген ЖАТтын мамлекеттик органынын атайын медициналык комиссиясы (мындан ары - АМК) ЖАТтын мекемелериндеги жаза өтөөгө тоскоол болгон оор түрдөгү оорулардан жабыркаган соттолгон бейтаптардын № 47 мекеменин алдындагы борбордук ооруканада, № 31 адистештирилген дарылоо мекемесинде, ошондой эле № 2 ЖАТ мекемесинде медициналык күбөлөндүрүүсүн ишке ашырат.";

- алтынчы жана жетинчи абзацтары күчүн жоготту деп таанылсын.

2. Ушул токтом расмий жарыяланган күндөн он беш күн өткөндөн кийин күчүнө кирет.