КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2017-жылдын 31-майы № 320

Кыргыз Республикасынын Өкмөтүнүн 2014-жылдын 8-июлундагы № 381 "Жарым-жартылай стационардык уюмдарда жана социалдык тейлөө мекемелеринде ден соолук мүмкүнчүлүгү чектелген адамдарга, анын ичинде балдарга көрсөтүлүүчү социалдык кызматтардын мамлекеттик минималдуу социалдык стандарттарын бекитүү жөнүндө" токтомуна өзгөртүүлөрдү киргизүү тууралуу

"Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 2014-жылдын 8-июлундагы № 381 "Жарым-жартылай стационардык уюмдарда жана социалдык тейлөө мекемелеринде ден соолук мүмкүнчүлүгү чектелген адамдарга, анын ичинде балдарга көрсөтүлүүчү социалдык кызматтардын мамлекеттик минималдуу социалдык стандарттарын бекитүү жөнүндө" токтомуна төмөнкүдөй өзгөртүүлөр киргизилсин:

мамлекеттик тилдеги аталышы жана бүткүл тексти боюнча "Ден соолук мүмкүнчүлүгү чектелген" жана "ден соолук мүмкүнчүлүгү чектелген" деген сөздөр тиешелүү түрдө "Ден соолугунун мүмкүнчүлүктөрү чектелүү" жана "ден соолугунун мүмкүнчүлүктөрү чектелүү" деген сөздөр менен алмаштырылсын;

жогоруда аталган токтом менен бекитилген Жарым-жартылай стационардык уюмдарда жана социалдык тейлөө мекемелеринде ден соолук мүмкүнчүлүгү чектелген адамдарга, анын ичинде балдарга көрсөтүлүүчү социалдык кызматтардын мамлекеттик минималдуу социалдык стандарттарында;

- мамлекеттик тилдеги аталышы жана бүткүл тексти боюнча "ден соолук мүмкүнчүлүгү чектелген" деген сөздөр "ден соолугунун мүмкүнчүлүктөрү чектелүү" деген сөздөр менен алмаштырылсын;

- мамлекеттик тилдеги текстинин 32-1-пункту төмөнкүдөй редакцияда баяндалсын:

"32-1. Тамактандыруу талаптары:

1) ысык тамак-аш жана ичүүчү суу менен камсыздоо;

2) жарым-жартылай стационардык уюмдар жана социалдык тейлөө мекемелери үчүн тамак-аш азыктарынын физиологиялык ченемдерин эске алуу менен ушул социалдык стандарттардын 7-тиркемесине ылайык жетиштүү сандагы балансталган тамак-аш менен камсыздоо;

3) мамлекеттик жана муниципалдык жарым-жартылай стационардык уюмдарда жана социалдык тейлөө мекемелеринде ден соолугунун мүмкүнчүлүгү чектелүү чоң кишилер жана балдар үчүн ушул социалдык стандарттардын 8-тиркемесине ылайык тамак-аш азыктарын сатып алууга жумшалган чыгымдардын ченемдерин камсыздоо.";

- 7-тиркемеде:

расмий тилдеги текстиндеги "Норма с ограниченными возможностями здоровья (в граммах)" графасынын аталышы төмөнкүдөй редакцияда баяндалсын:

"Норма питания для ребенка с ограниченными возможностями здоровья (в граммах)";

расмий тилдеги текстиндеги "Норма на одного взрослого человека лиц с ограниченными возможностями здоровья (в граммах)" графасынын аталышы төмөнкүдөй редакцияда баяндалсын:

"Норма питания для взрослого лица с ограниченными возможностями здоровья (в граммах)";

тиркеменин мамлекеттик тилдеги тексти ушул токтомдун 1-тиркемесине ылайык редакцияда баяндалсын;

- 8-тиркеме ушул токтомдун 2-тиркемесине ылайык редакцияда баяндалсын.

2. Ушул токтом расмий жарыяланган күндөн тартып он күн өткөндөн кийин күчүнө кирет.

1-тиркеме

Ден соолугунун мүмкүнчүлүгү чектелүү балдарга жана чоң кишилерге социалдык кызмат көрсөтүүчү жарым-жартылай стационардык уюмдар жана социалдык тейлөө мекемелери (күндүз болуучу бөлүмдөр, реабилитациялык борборлор) үчүн тамак-аш азыктарынын ФИЗИОЛОГИЯЛЫК ЧЕНЕМДЕРИ

Эскертүү:

- эт менен жасалуучу тамак-аш балык азыктары менен кезектештирип берилет;

- кыш мезгилинде негизинен кургатылган мөмө-жемиштер колдонулат (компот үчүн);

- сүт азыктары кезеги менен берилет (сүт, каймак, быштак, сыр);

(*) 8 кг унга 0,020 г ачыткы колдонулат.".

2-тиркеме

Мамлекеттик жана муниципалдык жарым-жартылай стационардык уюмдарда жана социалдык тейлөө мекемелеринде тамак-аш азыктарын сатып алууга ЧЫГЫМДАРДЫН ЧЕНЕМДЕРИ