КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2017-жылдын 25-сентябры № 611

Кыргыз Республикасынын Өкмөтүнүн 2013-жылдын 9-сентябрындагы № 498 "Ички аудит боюнча кеңеш жөнүндө" токтомуна өзгөртүүлөрдү киргизүү тууралуу

Кыргыз Республикасында ички аудитти өнүктүрүү максатында, "Ички аудит жөнүндө" Кыргыз Республикасынын Мыйзамынын 8-беренесине жана "Кыргыз Республикасынын Өкмөтү жөнүндө" Кыргыз Республикасынын Конституциялык Мыйзамынын 10 жана 17-беренелерине ылайык Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 2013-жылдын 9-сентябрындагы № 498 "Ички аудит боюнча кеңеш жөнүндө" токтомуна төмөнкүдөй өзгөртүүлөр киргизилсин:

жогоруда аталган токтом менен бекитилген Ички аудит боюнча кеңеш жөнүндө жободо:

- 12-пункту төмөнкүдөй редакцияда баяндалсын:

"12. Кеңештин отуруму зарылдыгына жараша, бирок жылына эки жолудан кем эмес өткөрүлөт.";

- 19-пункту төмөнкүдөй редакцияда баяндалсын:

"19. Кеңештин отурумуна ички аудит объектилеринин жетекчилери, ички аудит кызматынын жетекчилери, ошондой эле көз карандысыз эксперттер, кеңештин ишине эксперттик-консультациялык көмөк көрсөтүү жана сунуштамаларды иштеп чыгуу үчүн илимий жана башка консультанттар чакырылышы мүмкүн.".

2. Ушул токтом расмий жарыяланган күндөн тартып он күн өткөндөн кийин күчүнө кирет.