КЫРГЫЗ РЕСПУБЛИКАСЫНЫН МЫЙЗАМЫ

2023-жылдын 9-августу № 177

Кыргыз Республикасынын аймагында полимер пленкасынан жасалган пакеттерди жана пластик буюмдарды жүгүртүүнү чектөө жөнүндө

1-берене

Ушул Мыйзам Кыргыз Республикасынын аймагында полимер материалдарынын ден соолукка жана айлана-чөйрөгө зыяндуу таасирин азайтууга багытталган.

2-берене

Ушул Мыйзамдын максаттары үчүн төмөнкү аныктамалар колдонулат:

1) ташып кирүү - Кыргыз Республикасынын өзгөчө корголуучу жаратылыш жана биосфералык аймагынын чек арасын кесип өтүү менен байланышкан жана алардын натыйжасында полимер пленкасынан жасалган пакеттер жана пластик буюмдар түпкү керектөөчү үчүн Кыргыз Республикасынын өзгөчө корголуучу жаратылыш жана биосфералык аймагына келүү аракеттерин ар кандай ыкма менен жасоо;

2) өндүрүү - кийин сатуу жана түпкү керектөө үчүн жарактуу түрдө болгон, ушул Мыйзамдын 3-беренесинин 1-бөлүгүндө көрсөтүлгөн полимер пленкасынан жасалган пакеттерди жана пластик буюмдарды өз алдынча же болбосо үчүнчү жактардын кызмат көрсөтүүлөрүн тартуу менен даярдоо;

3) жүгүртүү - ушул Мыйзамдын 3-беренесинин 1-бөлүгүндө көрсөтүлгөн полимер пленкасынан жасалган пакеттерди жана пластик буюмдарды Кыргыз Республикасынын өзгөчө корголуучу жаратылыш жана биосфералык аймактарына ташып кирүү, өндүрүү, пайдалануу, сатуу жана соодада жана кызмат көрсөтүү чөйрөсүндө акысыз берүү;

4) полимер пленкасынан жасалган пакеттер - калыңдыгына жана киргизилген кошулмаларына карабастан полиэтиленден, полипропиленден, поливинилхлоридден, полистиролдон жана башка полимерлерден даярдалган, турмуш-тиричилик максатында колдонулуучу полимер пленкасынан жасалган таңгактоо пакеттери;

5) сатуу - Кыргыз Республикасынын өзгөчө корголуучу жаратылыш жана биосфералык аймактарында акчалай каражаттарын алуу менен коштолгон, ушул Мыйзамдын 3-беренесинин 1-бөлүгүндө көрсөтүлгөн полимер пленкасынан жасалган өндүрүлгөн же кайра сатылуучу пакеттерди жана пластик буюмдардын түрлөрүнүн бирин сатуу;

6) пластик буюмдар - полимер термопластикалык материалдарды кайра иштетүү процессинде алынган буюмдар.

4-берене

Кыргыз Республикасынын өзгөчө корголуучу жаратылыш жана биосфералык аймактарында төмөнкүлөргө тыюу салуу киргизилет:

- товарларды жана жеке буюмдарды ташууда жана таңгактоодо жеке пайдалануусу үчүн жеке адамдардын алып келе жаткан пакеттерин, ошондой эле пломбаланган жүк отсектеринде товарларын транзиттик алып өтүүнү кошпогондо, полимер пленкасынан жасалган пакеттерди ташып кирүүгө;

- ушул Мыйзамдын 3-беренесинин 1-бөлүгүндө көрсөтүлгөн пластик буюмдарды ташып кирүүгө;

- экспорт үчүн өндүрүлүүчү пакеттерди, ошондой эле турмуш-тиричиликте колдонуу үчүн био-чирип кетүүчү полимер материалдардан жасалган, кармагычтары жок жана рулондоп сатылуучу пакеттерди кошпогондо, ушул Мыйзамдын 3-беренесинин 1-бөлүгүндө көрсөтүлгөн полимер пленкасынан жасалган пакеттерди жана пластик буюмдарды 2024-жылдын 1-январынан тартып өндүрүүгө;

- ушул Мыйзамдын 3-беренесинин 1-бөлүгүндө көрсөтүлгөн полимер пленкасынан жасалган пакеттерди жана пластик буюмдарды пайдаланууга - ушул Мыйзам расмий жарыяланган күндөн тартып он беш күн өткөндөн кийин;

- ушул Мыйзамдын 3-беренесинин 1-бөлүгүндө көрсөтүлгөн полимер пленкасынан жасалган пакеттерди жана пластик буюмдарды сатууга - ушул Мыйзам расмий жарыяланган күндөн тартып он беш күн өткөндөн кийин;

- ушул Мыйзамдын 3-беренесинин 1-бөлүгүндө көрсөтүлгөн полимер пленкасынан жасалган пакеттерди жана пластик буюмдардын түрлөрүнүн бирин соодада жана кызмат көрсөтүүлөр чөйрөсүндө акысыз берүүгө - ушул Мыйзам расмий жарыяланган күндөн тартып он беш күн өткөндөн кийин.

7-берене

1. Мыйзамсыз иштен алынган кирешелер алынып коюуга жана республикалык бюджетке киргизилүүгө тийиш.

2. Ушул Мыйзамдын талаптарын бузгандыгы үчүн күнөөлүү жактар Кыргыз Республикасынын мыйзамдарына ылайык жоопкерчилик тартат.

8-берене

Кыргыз Республикасынын Министрлер Кабинети ушул Мыйзамдын 3-беренесинин 1-бөлүгүндө көрсөтүлгөн полимер пленкасынан жасалган пакеттерди жана пластик буюмдарды Кыргыз Республикасынын өзгөчө корголуучу жаратылыш жана биосфералык аймактарында, ал эми 2027-жылдын 1-январынан тартып - Кыргыз Республикасынын бүткүл аймагында мыйзамсыз жүгүртүүгө жол бербөө боюнча контролду жүзөгө ашырат жана чараларды көрөт.

9-берене

1. Ушул Мыйзам расмий жарыяланган күндөн тартып он беш күн өткөндөн кийин күчунө кирет.

Эркин Тоо газетасынын 2023-жылдын 15-августундагы № 65 (3514) саны менен жарыяланды

2. Аймактарга чектөөнү киргизүү тартибин Кыргыз Республикасынын Министрлер Кабинети аныктайт.

3. Кыргыз Республикасынын Министрлер Кабинети ушул Мыйзамдан келип чыккан зарыл чараларды көрсүн.