КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2018-жылдын 8-январы № 6

Кыргыз Республикасынын Өкмөтүнүн 2016-жылдын 17-июнундагы № 339 "Мамлекеттик лотереялык компания" мамлекеттик ишканасын түзүү жөнүндө" токтомуна өзгөртүүлөрдү киргизүү тууралуу

"Мамлекеттик лотерея компаниясы" мамлекеттик ишканасынын ишинин натыйжалуулугун жогорулатуу максатында, "Лотереялар жөнүндө" Кыргыз Республикасынын Мыйзамынын 7-беренесине, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 2016-жылдын 17-июнундагы № 339 "Мамлекеттик лотереялык компания" мамлекеттик ишканасын түзүү жөнүндө" токтомуна төмөнкүдөй өзгөртүүлөр киргизилсин:

- төмөнкүдөй мазмундагы 2-1-пункт менен толукталсын:

"2-1. "Мамлекеттик лотереялык компания" мамлекеттик ишканасына кесиптик лотереяларды өткөрүүгө ыйгарым укук берилсин.";

- жогоруда аталган токтом менен бекитилген "Мамлекеттик лотереялык компания" мамлекеттик ишканасынын уставында:

11-пункту төмөнкүдөй мазмундагы жетинчи абзац менен толукталсын:

"- Кыргыз Республикасынын аймагындагы мыйзамсыз лотереялык иштердин бетин ачууда мамлекеттик органдарга көмөк көрсөтүү үчүн мониторинг жүргүзүү;".

2. Ушул токтом расмий жарыяланган күндөн тартып он беш күн өткөндөн кийин күчүнө кирет.