КР Министрлер Кабинетинин 2023-жылдын 13-январындагы № 13 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2019-жылдын 11-январы № 9

"Курал жөнүндө" Кыргыз Республикасынын Мыйзамына өзгөртүүлөрдү киргизүү тууралуу" Кыргыз Республикасынын Мыйзамынын долбоору жөнүндө

Кыргыз Республикасынын Конституциясынын 79-беренесине ылайык Кыргыз Республикасынын Өкмөтү

ТОКТОМ КЫЛАТ:

1. "Курал жөнүндө" Кыргыз Республикасынын Мыйзамына өзгөртүүлөрдү киргизүү тууралуу" Кыргыз Республикасынын Мыйзамынын долбоору жактырылсын.

2. Аталган мыйзам долбоору Кыргыз Республикасынын Жогорку Кеңешинин кароосуна киргизилсин.

3. Кыргыз Республикасынын Ички иштер министри аталган мыйзам долбоору Кыргыз Республикасынын Жогорку Кеңешинде каралганда Кыргыз Республикасынын Өкмөтүнүн расмий өкүлү болуп дайындалсын.

Долбоор

КЫРГЫЗ РЕСПУБЛИКАСЫНЫН МЫЙЗАМЫ

"Курал жөнүндө" Кыргыз Республикасынын Мыйзамына өзгөртүүлөрдү киргизүү тууралуу

1-берене.

"Курал жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 1999-ж., № 11, 448-ст.) төмөнкүдөй өзгөртүүлөр киргизилсин:

1) 11-статьянын экинчи бөлүгү төмөнкүдөй редакцияда баяндалсын:

"Лицензияны жана уруксатты берүү тартиби жана шарттары "Кыргыз Республикасындагы лицензиялык-уруксат берүү тутуму жөнүндө" Кыргыз Республикасынын Мыйзамына ылайык жүзөгө ашырылат.";

2) 14-статьянын экинчи бөлүгүндөгү "ушул Мыйзамдын 11-статьясы тарабынан" деген сөздөр "Кыргыз Республикасынын лицензиялоо жөнүндө мыйзамдарында" деген сөздөр менен алмаштырылсын;

3) 15-статьяда:

а) экинчи бөлүгүндөгү "ушул Мыйзамдын 11-статьясы тарабынан" деген сөздөр "Кыргыз Республикасынын лицензиялоо жөнүндө мыйзамдарында" деген сөздөр менен алмаштырылсын;

б) онунчу бөлүгүндөгү "ушул Мыйзамдын 11-статьясында" деген сөздөр "Кыргыз Республикасынын лицензиялоо жөнүндө мыйзамдарында" деген сөздөр менен алмаштырылсын;

в) он биринчи бөлүгүндөгү "ушул Мыйзамдын 11-статьясындагы" деген сөздөр "Кыргыз Республикасынын лицензиялоо жөнүндө мыйзамдарында каралган" деген сөздөр менен алмаштырылсын;

4) 17-статьянын бешинчи бөлүгүндө:

"лицензиялар" деген сөз "уруксаттар" деген сөз менен алмаштырылсын;

"ушул Мыйзамдын 11-статьясында" деген сөздөр "Кыргыз Республикасынын лицензиялоо жөнүндө мыйзамдарында" деген сөздөр менен алмаштырылсын;

5) төмөнкүдөй мазмундагы 29-1-статья менен толукталсын:

"29-1-статья. Куралды жана патрондорду өз ыктыяры менен тапшыруу

Кыргыз Республикасынын жарандары, чет элдик жарандар жана жарандыгы жок адамдар, ошондой эле юридикалык жактар таап алган же аларда мыйзамсыз сактоодо турган куралдарды жана патрондорду акы алып же бекер өз ыктыяры менен тапшыра алышат.

Ыктыярдуу тапшыруу деп адамдын куралды жана патрондорду өз эрки менен берүүсүн же алардын жайгашкан жери тууралуу ички иштер органдарына билдирүүсүн түшүнүү керек.

Адамды кармоо учурунда, ошондой эле куралды жана патрондорду табуу жана алып коюу боюнча тергөө аракеттерин жүргүзүүдө аларды алып коюу алар ыктыярдуу түрдө тапшырылды деп эсептелбейт.

Куралды жана патрондорду ыктыярдуу түрдө тапшыруу тартиби Кыргыз Республикасынын Өкмөтү тарабынан аныкталат.".

2-берене.

Ушул Мыйзам расмий жарыяланган күндөн тартып он күн өткөндөн кийин күчүнө кирет.

Кыргыз Республикасынын Өкмөтү өзүнүн чечимдерин ушул Мыйзамга ылайык келтирсин.