Коомдук саламаттык сактоо уюмдарын бюджеттик каржылоонун ченемдерин аныктоо МЕТОДИКАСЫ

(Кыргыз Республикасынын Министрлер Кабинетинин 2023-жылдын 12-июлундагы № 356 токтомунун редакциясына ылайык)

1-глава. Жалпы жоболор

1. Бул Методика Кыргыз Республикасынын Саламаттык сактоо министрлигиндеги коомдук саламаттык сактоонун ведомстволук уюмдарын (мындан ары - ведомстволук уюмдар) жана алардын аймактык бөлүмдөрүн көрсөтүлгөн мамлекеттик кызматтарга эсептешүүлөрдү которууда республикалык бюджеттин каражаттарынын эсебинен каржылоонун өлчөмүн аныктоо тартибин белгилейт.

2. Бул Методиканын күчү Кыргыз Республикасынын Саламаттык сактоо министрлигиндеги коомдук саламаттык сактоонун төмөнкү ведомстволук уюмдарына жайылтылат:

- Кыргыз Республикасынын Саламаттык сактоо министрлигинин Оорулардын алдын алуу жана мамлекеттик санитардык-эпидемиологиялык көзөмөл департаментине;

- Кыргыз Республикасынын Саламаттык сактоо министрлигинин Республикалык ден соолукту чыңдоо борборуна;

- Кыргыз Республикасынын Саламаттык сактоо министрлигине караштуу Республикалык иммунопрофилактика борборуна;

- Кыргыз Республикасынын Саламаттык сактоо министрлигинин Республикалык карантиндик жана өтө кооптуу инфекциялар борборуна.

Аймактык бөлүмдөргө төмөнкүлөр кирет:

- оорулардын алдын алуу жана мамлекеттик санитардык-эпидемиологиялык көзөмөлдүн райондук (шаардык) борборлору;

- транспорттогу мамлекеттик санитардык-эпидемиологиялык көзөмөл борбору;

- Кыргыз Республикасынын Саламаттык сактоо министрлигинин Республикалык карантиндик жана өтө кооптуу инфекциялар борборунун кара тумоого каршы бөлүмдөрү.

3. Бул Методикада төмөнкүдөй түшүнүктөр колдонулат:

1) ведомстволук уюмдарды каржылоо - Кыргыз Республикасынын калкынын санынын жана бир тургун үчүн киши башына карата каржылоо ченеминин негизинде эсептелген республикалык бюджеттин каражаттары;

2) аймактык бөлүмдөрдү каржылоо - кызмат көрсөтүүлөр үчүн республикалык бюджеттин багыттар боюнча бөлүнгөн каражаттары:

- мамлекеттик эпидемиологиялык көзөмөл;

- мамлекеттик санитардык көзөмөл;

- лабораториялык изилдөөлөр (бактериологиялык, санитардык-гигиеналык, вирусологиялык, паразитологиялык, жөнөкөй жана гельминттик изилдөө, айлана-чөйрөнүн физикалык факторлорун изилдөө жана радиологиялык өлчөө);

- зоологиялык-паразитологиялык иштер;

3) каржылоонун киши башына карата ченеми - бир тургунга эсептегенде ведомстволук уюмдардын чыгымдарынын орточо өлчөмү;

4) кызмат көрсөтүүлөрдү бюджеттик каржылоонун ченеми - санитардык-эпидемиологиялык жана энтомологиялык кызмат көрсөтүүлөрдүн бир иш-чарасынын наркынын төмөнкүлөр боюнча орточо өлчөмү:

- мамлекеттик эпидемиологиялык көзөмөл;

- мамлекеттик санитардык көзөмөл;

- лабораториялык изилдөөлөр (бактериологиялык, санитардык-гигиеналык, вирусологиялык, паразитологиялык, жөнөкөй жана гельминттик изилдөө, айлана-чөйрөнүн физикалык факторлорун изилдөө жана радиологиялык өлчөө);

- зоологиялык-паразитологиялык иштер.

2-глава. Ведомстволук уюмдарды каржылоонун киши башына карата ченемин эсептөө

4. Бир тургунга ведомстволук уюмдарды каржылоонун киши башына карата ченеми республикалык бюджеттин каражаттарына жана Кыргыз Республикасынын калкынын санына жараша ведомстволук уюмдарды каржылоонун болжолдонгон көлөмүнүн негизинде аныкталат.

5. Каржылоонун киши башына карата ченеминин өлчөмү төмөнкүдөй формула боюнча эсептелет:

мында:

ПН_i - i-ведомстволук уюму боюнча киши башына карата каржылоо ченеми;

Ф_i - i-ведомстволук уюму боюнча каржылоо;

Ч - Кыргыз Республикасынын калкынын жалпы саны.

3-глава. Аймактык бөлүмдөрдүн кызмат көрсөтүүлөрүн бюджеттик каржылоо ченемдеринин түзүмү жана аны эсептөө

6. Аймактык бөлүмдөрдүн кызмат көрсөтүүлөрүн бюджеттик каржылоо ченемин эсептөө бюджеттик каражаттардын эсебинен, ошондой эле акы төлөнүүчү мамлекеттик кызмат көрсөтүүлөрдөн түшкөн каражаттардын эсебинен мамлекеттик эпидемиологиялык көзөмөл, мамлекеттик санитардык көзөмөл, лабораториялык изилдөө боюнча бир жүргүзүлгөн иш-чарага жана бир зоологиялык-паразитологиялык иш үчүн эсептелүүчү иш жүзүндө түзүлгөн консолидацияланган чыгымдардын негизинде жүзөгө ашырышат.

7. Кызмат көрсөтүүлөрдү бюджеттик каржылоонун ченеми оорулардын алдын алууга, мамлекеттик санитардык-эпидемиологиялык көзөмөлгө жана кара тумоого каршы иш-чараларды камсыздоого байланышкан учурдагы чыгымдарды камтыйт жана алар түз жана кыйыр чыгымдар болуп бөлүнөт.

8. Мамлекеттик санитардык жана мамлекеттик эпидемиологиялык көзөмөл боюнча кызмат көрсөтүүлөрдү бюджеттик каржылоонун ченемдеринин өлчөмүн эсептөөдө инфекциялык оорулардын иммунопрофилактикасына кеткен чыгымдар эске алынбайт.

§ 1. Түз чыгымдардын ченемин эсептөө

9. Түз чыгымдардын ченеми төмөнкүлөрдү камтыйт:

- аймактык бөлүмдөрдүн кызматкерлерине эмгек акы төлөөнү;

- мамлекеттик эпидемиологиялык көзөмөл, мамлекеттик санитардык көзөмөл, лабораториялык кызмат жана кара тумоого каршы иш-чаралар боюнча кызмат көрсөтүү процессинде зарыл болгон дары-дармектерди жана медициналык багыттагы буюмдарды сатып алуу;

- аймактык уюмдардын күндөлүк керектөөлөрү үчүн материалдар.

10. Кызмат көрсөтүүлөрдү бюджеттик каржылоонун ченеминин өлчөмүндө түз чыгымдарды эсептөө төмөнкүлөргө негизделет:

1) аймактык уюмдардын учурдагы муктаждыктары үчүн медикаменттерди, медициналык багыттагы буюмдарды жана материалдарды сатып алуу, эмгек акы төлөө фонду боюнча иш жүзүндөгү консолидацияланган чыгымдарына;

2) мамлекеттик эпидемиологиялык көзөмөл, мамлекеттик санитардык көзөмөл жана төмөнкүдөй лабораториялык изилдөөлөр боюнча иш-чаралардын санына:

- инфекциялык бейтаптарга карата иш-чаралар;

- дарылоо-профилактикалык уюмдарга санитардык-эпидемиологиялык көзөмөл;

- эскертүү көзөмөлү;

- иштеп жаткан субъекттерге көзөмөл;

- массалык иштер;

- айлана-чөйрөнүн физикалык факторлорун изилдөө;

- санитардык-химиялык изилдөөлөр жөнүндө маалымат;

- вирусологиялык лабораториялардын иши;

- бактериологиялык лабораториялардын иши;

- радиологиялык ченөөлөр;

- айлана-чөйрөнү санитардык-паразитологиялык изилдөө;

- эң жөнөкөйлөргө жана гельминттерге изилдөөлөр жөнүндө маалымат;

- калкты гигиеналык окутуу боюнча иш - көпчүлүктө иштөө;

- табигый очоктордогу зоологиялык-паразитологиялык иштер.

11. Кызмат көрсөтүүлөрдү бюджеттик каржылоо ченемдерин эсептөө үчүн мамлекеттик эпидемиологиялык көзөмөл, мамлекеттик санитардык көзөмөл жана лабораториялык изилдөөлөр боюнча отчеттук жылдагы иш-чаралардын саны Кыргыз Республикасынын Улуттук статистика комитетинин буйругу менен бекитилген "Оорулардын алдын алуу жана мамлекеттик санитардык-эпидемиологиялык көзөмөл (дезинфекциялык станция) борборунун иши тууралуу отчет" № 18 форма боюнча мамлекеттик статистикалык отчеттукка ылайык аныкталат.

12. Кызмат көрсөтүүлөрдү бюджеттик каржылоо ченеминин өлчөмүндө түз чыгымдардын ченеми төмөнкү формула боюнча эсептелет:

мында:

ПР_i - иш-чаралардын i-багыты боюнча кызмат көрсөтүүлөрдүн бюджеттик каржылоо ченеминин өлчөмүндөгү түз чыгымдардын ченеми;

ФОТ_i - эмгек акы төлөө фонду боюнча бюджеттик каражаттардын жана кызмат көрсөтүүлөрдүн i-багыты боюнча атайын эсептин каражаттарынын эсебинен консолидацияланган чыгымдар;

Мед_i - санитардык-эпидемиологиялык жана энтомологиялык кызматтарды көрсөтүү процессинде зарыл болгон дары-дармектерге жана медициналык багыттагы буюмдарга бюджеттик каражаттардын жана иш-чаралардын i-багыты боюнча атайын эсептин каражаттарынын эсебинен консолидацияланган чыгымдар;

МР_i- санитардык-эпидемиологиялык жана энтомологиялык кызматтарды көрсөтүү процессинде зарыл болгон материалдарды сатып алууга кеткен бюджеттик каражаттардын жана иш-чаралардын i-багыты боюнча атайын эсептин каражаттарынын эсебинен консолидацияланган чыгымдар;

∑Кол_i^мер - ушул Методиканын тиркемесине ылайык кызмат көрсөтүүлөрдү бюджеттик каржылоо ченемдерин эсептөө үчүн "Оорулардын алдын алуу жана мамлекеттик санитардык-эпидемиологиялык көзөмөл (дезинфекциялык станция) борборунун иши тууралуу отчет" № 18 формада келтирилген жана отчеттук жылга мамлекеттик статистикалык отчеттордо жазылган мамлекеттик эпидемиологиялык көзөмөл, мамлекеттик санитардык көзөмөл жана лабораториялык изилдөөлөр боюнча иш-чаралардын суммалык саны.

§ 2. Кыйыр чыгымдардын ченемин эсептөө

13. Кыйыр чыгымдардын ченеми төмөнкүдөй чыгашаларды камтыйт:

- транспорттук кызмат көрсөтүүлөрдү сатып алууну;

- иш-сапардык чыгымдарды;

- коммуналдык кызмат көрсөтүүлөр үчүн төлөөнү;

- имараттарды жана жайларды күнүмдүк оңдоону;

- жабдуулар менен шаймандарды күнүмдүк оңдоону.

14. Кызмат көрсөтүүлөрдү бюджеттик каржылоонун ченеминин өлчөмүндө кыйыр чыгымдарды эсептөө төмөнкүлөргө негизделет:

- транспорттук, коммуналдык кызматтарды сатып алууга, имараттарды жана жайларды, жабдууларды жана шаймандарды күнүмдүк оңдоого, иш-сапарларга, уюмдардын учурдагы муктаждыктарына иш жүзүндөгү консолидацияланган чыгымдарга;

- ушул Методиканын 10-пунктунун 2-пунктчасына ылайык кызмат көрсөтүүлөрдүн түрлөрү боюнча иш-чаралардын санына.

15. Кызмат көрсөтүүлөрдү бюджеттик каржылоо ченемдерин эсептөө үчүн мамлекеттик эпидемиологиялык көзөмөл, мамлекеттик санитардык көзөмөл жана лабораториялык изилдөөлөр боюнча отчеттук жылдагы иш-чаралардын саны Кыргыз Республикасынын Улуттук статистика комитетинин буйругу менен бекитилген "Оорулардын алдын алуу жана мамлекеттик санитардык-эпидемиологиялык көзөмөл (дезинфекциялык станция) борборунун иши тууралуу отчет" № 18 форма боюнча мамлекеттик статистикалык отчетко ылайык аныкталат.

16. Кызмат көрсөтүүлөрдү бюджеттик каржылоо ченеминин өлчөмүндө кыйыр чыгымдардын ченеми төмөнкү формула боюнча эсептелет:

мында:

КР_i - иш-чаралардын i-багыттары боюнча кызмат көрсөтүүлөрдү бюджеттик каржылоо ченеминин өлчөмүндө кыйыр чыгымдардын ченеми;

Т_i - иш-чаралардын i-багыты боюнча санитардык-эпидемиологиялык жана энтомологиялык көзөмөлдү камсыздоо үчүн бюджеттик каражаттардын жана атайын эсептеги каражаттардын эсебинен транспорттук кызмат көрсөтүүлөрдү сатып алуу боюнча консолидацияланган чыгымдар;

КР_i - иш-чаралардын i-багыты боюнча бюджеттик жана атайын каражаттардын эсебинен кызматкерлердин иш сапарларга жумшалуучу чыгымдары;

КУ_i - иш-чаралардын i-багыты боюнча бюджеттик жана атайын каражаттардын эсебинен төлөнүүчү коммуналдык чыгымдар;

ТР_i - иш-чаралардын i-багыты боюнча бюджеттик жана атайын каражаттардын эсебинен имараттарды жана бөлмөлөрдү, жабдууларды жана инвентарды күнүмдүк оңдоого төлөнүүчү консолидацияланган чыгымдар;

∑Кол_i^мер - ушул Методиканын тиркемесине ылайык кызмат көрсөтүүлөрдү бюджеттик каржылоо ченемдерин эсептөө үчүн "Оорулардын алдын алуу жана мамлекеттик санитардык-эпидемиологиялык көзөмөл (дезинфекциялык станция) борборунун иши тууралуу отчет" № 18 формада келтирилген жана отчеттук жылга мамлекеттик статистикалык отчеттордо жазылган мамлекеттик эпидемиологиялык көзөмөл, мамлекеттик санитардык көзөмөл жана лабораториялык изилдөөлөр боюнча иш-чаралардын суммалык саны.

§ 3. Мамлекеттик эпидемиологиялык көзөмөл, мамлекеттик санитардык көзөмөл, лабораториялык изилдөөлөр жана зоологиялык-паразитологиялык иштер боюнча кызмат көрсөтүүлөрдү бюджеттик каржылоо ченемин эсептөө

17. Мамлекеттик эпидемиологиялык көзөмөл, мамлекеттик санитардык көзөмөл, лабораториялык изилдөөлөр жана зоологиялык-паразитологиялык иштер боюнча кызмат көрсөтүүлөрдү бюджеттик каржылоо ченеминин өлчөмү төмөнкүдөй формула боюнча эсептелет:

НБФУ_i = ПР_i + КР_i, мында:

НБФУ_i - иш-чаралардын i-багыты боюнча кызмат көрсөтүүлөрдүн бюджеттик каржылоо ченеминин өлчөмү;

ПР_i - иш-чаралардын i-багыты боюнча кызмат көрсөтүүлөрдүн бюджеттик каржылоо ченеминин түз чыгымдарынын ченеми;

КР_i - иш-чаралардын i-багыты боюнча кызмат көрсөтүүлөрдүн бюджеттик каржылоо ченеминин кыйыр чыгымдарынын ченеми.

Кызмат көрсөтүүлөрдүн бюджеттик каржылоо ченемдерин эсептөө үчүн "Оорулардын алдын алуу жана мамлекеттик санитардык-эпидемиологиялык көзөмөлдөө (дезинфекциялык станциялар) борборунун иши тууралуу отчет" № 18 формасында келтирилген мамлекеттик эпидемиологиялык көзөмөл, мамлекеттик санитардык көзөмөл жана лабораториялык изилдөөлөр боюнча иш-чаралардын суммардык саны

(Кыргыз Республикасынын Министрлер Кабинетинин 2023-жылдын 12-июлундагы № 356 токтомунун редакциясына ылайык)