Жарандык коргонуу түзүмдөрү жөнүндө ЖОБО

(КР Министрлер Кабинетинин 2023-жылдын 4-декабрындагы № 634 токтомунун редакциясына ылайык)

1. Жалпы жоболор

1. Ушул жобо Жарандык коргонуу түзүмдөрүн уюштуруу принциптерин, уюштуруу-штаттык түзүмүн, алардын багытын, өздүк курамды комплектөө жана материалдык-техникалык мүлк менен жабдуу тартибин аныктайт.

2. Жарандык коргонуу түзүмдөрү табигый жана техногендик мүнөздөгү өзгөчө кырдаалдардын коркунучу жана келип чыгуу, заманбап кыйратуу каражаттарын колдонуу убагында куткаруу жана башка кечиктирилгис иштерди жүргүзүү үчүн арналган.

3. Жарандык коргонуу түзүмдөрү менчигинин түрүнө карабастан, облустарда, райондордо, шаарларда жана уюмдарда аймактык-тармактык принцип боюнча түзүлөт, Жарандык коргонуу жаатындагы ыйгарым укуктуу мамлекеттик органдын жана анын аймактык бөлүмдөрү тарабынан аныктаган тизмеге ылайык аймактык жана объектилик болуп бөлүнөт. Жарандык коргонуунун бардык түзүмдөрү багыты боюнча Жарандык коргонуу кызматтарынын түзүмдөрү жана жалпы багыттагы түзүмдөр болуп бөлүнөт.

4. Жарандык коргонуунун аймактык түзүмдөрү Кыргыз Республикасынын Президентинин облустардагы ыйгарым укуктуу өкүлдөрү, жергиликтүү мамлекеттик администрациялардын, жергиликтүү өз алдынча башкаруу органдарынын жетекчилеринин чечимдери менен, ал эми объектилик Жарандык коргонуу түзүмдөрү - уюмдардын буйруктары менен түзүлөт.

(КР Министрлер Кабинетинин 2023-жылдын 4-декабрындагы № 634 токтомунун редакциясына ылайык)

5. Жарандык коргонуунун жалпы багыттагы түзүмдөрү табигый жана техногендик мүнөздөгү өзгөчө кырдаалдарда куткаруу жана башка кечиктирилгис жумуштарды жүргүзүү үчүн арналат. Мындай түзүмдөргө бириктирилген кошундар, топтор, куткаруу кошундары, механизациялаштырылган бириктирилген кошундар кирет.

Жарандык коргонуунун кызматтарынын түзүмдөрү кыйроодон-куткаруу жана башка кечиктирилгис жумуштарды жүргүзүүдө атайын иш-чараларды аткарууга, жалпы багыттагы түзүмдөрдү күчөтүү жана өзгөчө кырдаалдар аймагында тапшырмаларды аткарууда алардын аракеттерин ар тараптуу камсыздоого арналат.

6. Жарандык коргонуу түзүмдөрүнүн жалпы саны, түзүмү жана саны, калкты талаптагыдай коргоону камсыз кылуу үчүн жетиштүү зарылчылык негизинде, милдеттердин мүнөзүн жана масштабын, 'адам ресурстарынын, керектүү адистердин болушун, техниканы жана жергиликтүү шарттарды эске алуу менен аныкталат.

7. Жарандык коргонуу түзүмдөрүнүн ездүк курамынын жалпы саны өзгөчө кырдаалдардын ар башка түрлөрүнө дуушар болгон аймактарда бир куткаруучу калктын 15-20 адамына туура келиши керек.

8. Кыйроодон-калыбына келтирүү командалары Жарандык коргонуунун жалпы багыттагы негизги түзүмү болуп саналат жана кыйроодон-куткаруу жумуштарды жүргүзүү үчүн арналат. Куткаруу тобу (звено) биринчи кезектеги куткаруу жумуштарын жүргүзүүгө арналат.

9. Согуш мезгилинде ишин токтоткон уюмдарда Жарандык коргонуу түзүмдөрү тынчтык учурунда милдеттерди аткаруу үчүн, ошондой эле күтүлбөгөн жерден кол салуу болгон учурда жүргүзүлөт. Согуш учурунда Жарандык коргонуунун пландалган иш-чараларын аткарууда категорияланган шаардын топтошкон күчтөрүнө алар киргизилбейт.

Жумушчуларынын санынын аздыгына байланыштуу Жарандык коргонуу түзүмдөрүн уюштуруу мүмкүн болбогон уюмдарда (кызматкерлердин саны 10 адамдан ашпаган уюмдар) өрт абалына, медициналык жардам көрсөтүү жана жогору турган башкаруу органдары менен байланышты уюштуруу үчүн жооптуу кызматкер дайындалат.

2. Жарандык коргонуу түзүмдөрүнүн керектөөлөрүн эсептөө

10. Жарандык коргонуу түзүмдөрүнүн керектөөлөрүн эсептөө төмөнкүлөр тарабынан жүргүзүлөт:

1) Жарандык коргонуу аймактык түзүмдөрү - Кыргыз Республикасынын Президентинин облустардагы ыйгарым укуктуу өкүлдөрү, жергиликтүү мамлекеттик администрациялары, жергиликтүү өз алдынча башкаруу органдары тарабынан аныкталып түзүлөт жана облустардын, райондордун, шаарлардын Жарандык коргонуу жаатындагы ыйгарым укуктуу мамлекеттик органдын аймактык бөлүмдөрү менен макулдашуу боюнча Жарандык коргонуу жетекчилери тарабынан бекитилет;

2) Жарандык коргонуу объекттик түзүмдөрү - Жарандык коргонуу жаатындагы ыйгарым укуктуу мамлекеттик органдын аймактык түзүмдөрү менен макулдашуу боюнча уюмдардын жетекчилери тарабынан түзүлөт жана бекитилет.

Мында, Жарандык коргонуу түзүмдөрү багыты боюнча түрлөргө бөлүнөт, алар негизги түзүмдөрдү камтыйт - чалгындоо, куткаруу, медициналык, инженердик, өрткө каршы, авариялык-техникалык, радиациялык, химиялык коргоо жана калган Жарандык коргонуу түзүмдөр куткаруу жана башка кечиктирилгис иштерди камсыздашат.

Куткаруу жана башка кечиктирилгис иштерди жүргүзүү үчүн зарыл болгон, куткаруучулардын санын эсептөөдө, ушул жобонун 1-тиркемесине ылайык Жарандык коргонуу түзүмдөрүнүн өздүк курамынын саны негизге алынат.

(КР Министрлер Кабинетинин 2023-жылдын 4-декабрындагы № 634 токтомунун редакциясына ылайык)

3. Түзүмдөрдүн түрлөрү жана алардын арналышы

11. Жарандык коргонуунун аймактык түзүмдөрүн ачуу базасы болуп уюмдар (мекемелер, ишканалар) саналат.

12. Жарандык коргонуунун аймактык түзүмдөрүнө төмөндөгүлөр кирет:

1) чалгындоо звенолору;

2) куткаруу - куткаруу командалары (топтору), адам издөө командалары;

3) медициналык - госпиталдар, отряддар, бригадалар;

4) инженердик - инженердик командалар, көпүрөлөр жана жолдор командалары, инженердик чалгындоо звенолору;

5) өрткө каршы - өрт өчүрүү командалары;

6) авариялык-техникалык - электр тармактары, газ тармактары, суу түтүк тармактары, канализациялык жана жылуулук тармактары боюнча авариялык-техникалык командалар;

7) радиациялык жана химикалык коргоо - кооптуу объектилердин атайын командалары, радиациялык жана химиялык байкоо жүргүзүүчү посттор, радиациялык жана химиялык чалгындоо звенолору;

8) байланыш - байланыштын кырсыктан калыбына келтирүү командалары, байланыш командалары (байланыш түйүндөрү);

9) материалдык-техникалык камсыздоо - тамактануу көчмө пункттары, азык-түлүк жана буюм менен жабдуу пункттары, май куюучу көчмө бекеттери, оңдоо-калыбына келтирүү командалары, суу ташуучу звенолор;

10) транспорттук - калкты жана жүк ташуу үчүн автоколонналары, автосанитардык отряддары, эвакуациялык-санитардык поезддер;

11) коомдук тартипти сактоо - коомдук тартипти сактоо командалары (топтору);

12) өсүмдүктөрдү жана жаныбарларды коргоо - өсүмдүктөрдү жана жаныбарларды коргоо командалары;

13) башкалар - калган башка түзүмдөр, жергиликтүү шарттардан чыккан милдеттерди аткаруу үчүн ведомстволук аймакта түзүлгөн түзүмдөр.

13. Жарандык коргонуунун объекттик түзүмдөрү жайгашкан жери боюнча менчиктин бардык түрүндөгү уюмдарда түзүлөт жана эреже катары алардын кызыкчылыгы үчүн колдонулат.

Кыргыз Республикасынын Президентинин облустардагы ыйгарым укуктуу өкүлдөрүнүн, жергиликтүү мамлекеттик администрациялардын, жергиликтүү өз алдынча башкаруу органдарынын чечими менен Жарандык коргонуунун объекттик түзүмдөрү тийиштүү аймактардын кызыкчылыктарына Жарандык коргонуу боюнча милдеттерди аткаруу үчүн тартылышы мүмкүн.

(КР Министрлер Кабинетинин 2023-жылдын 4-декабрындагы № 634 токтомунун редакциясына ылайык)

14. Жарандык коргонуунун объекттик түзүмдөрүнө төмөндөгүлөр кирет:

1) чалгындоо звенолору;

2) кыйроодон-калыбына келтирүү командалары (топтору);

3) куткаруу командалары (топтору);

4) инженердик командалар;

5) санитардык дружиналар (посттор);

6) коргоочу курулмаларды тейлөө топтору (коргоочу курулмалары бар уюмдарда түзүлөт, ар бир башпаанек кылуучу жайда жана радиацияга каршы коргоочу жайда);

7) өрт өчүрүү командалары;

8) кооптуу объектилердин атайын командалары;

9) байланыш командалары (топтору);

10) коомдук тартипти сактоо командалары;

11) өсүмдүктөрдү жана жаныбарларды коргоо командалары;

12) кырсыктык-техникалык командалары (топтору).

15. Жергиликтүү шарттарды эске алуу менен тиешелүү базасына жараша түзүлүүгө мүмкүн болгон объекттик түзүмдөр:

1) тамактануу көчмө пункттары, азык-түлүк жана буюм менен жабдуу, адамдарды жана жүк ташуучу автоколонналары, кырсык-техникалык командалары жана башка түзүмдөр;

2) радиоактивдүү, өтө уулу заттарды өндүрүүчү, сактоочу же болбосо колдонуучу уюмдарда ошондой эле башка кооптуу объекттеринде адистештирилген командалар түзүлөт;

3) потенциалдуу кооптуу объектилердин адистештирилген командалары радиациялык жана химиялык коргоо категориясына таандык.

16. Шаарлардын жана айыл аймактардын административдик-аймактык бирдигинде жайгашкан Жарандык коргонуу объектилик түзүмдөрү: объектилик түзүмдөр жалпы маанидеги Жарандык коргонуу түзүмдөрүнөн жана ишканаларда, уюмдарда, мекемелерде, окуу жайларда, дыйкан чарбаларында түзүлгөн Жарандык коргонуу кызматтарынын түзүмдөрүнөн турат.

Уюмдардагы, ишканалардагы, дыйкан чарбалардагы негизги Жарандык коргонуу түзүмдөрү болуп жалпы курама топтор, куткаруу топтору, ыктыярдуу өрттөн куткаруу командалары эсептелет.

Объекттерде, уюмдарда жалпы түзүмдөрдөн. тышкары Жарандык коргонуу кызматтарынын төмөнкү түзүмдөрү түзүлөт:

- чалгындоо (звенолору, радиациялык жана химиялык байкоо жүргүзүү посттору, байкоо жүргүзүү посттору);

- байланыш (звенолору);

- кабардандыруу (звенолору);

- медициналык (санитардык дружиналар, санитардык посттор);

- авариялык-техникалык (звенолор);

- өрткө каршы (бөлүмдөр, звенолор);

- коомдук тартипти сактоо (топтору);

- коргонуучу жана башпаанек кылуучу жайларды тейлөө боюнча звенолор (коргонуучу жана башпаанек кылуучу жайлары бар болсо);

- өрттөн куткаруу куткаруу командасы;

- ыктыярдуу түзүмдөр (ыктыярдуу өрттөн куткаруу командасы);

- атчан түзүмдөр (бөлүмдөр);

- материалдык-техникалык каражаттардын түзүмдөрү (тамактануу көчмө пункттары, азык-түлүк жана буюм менен жабдуу пункттары, май куюучу көчмө бекеттери, суу ташуучу звенолор);

- өсүмдүктөрдү жана жаныбарларды коргоо (звенолору, бригадалары).

17. Ыктыярдуу өрт дружиналарынын уюмдарынын (ишканалардын) жана токойдо же аларга жакын жайгашкан калктуу конуштардын базасында токой-өрт өчүрүүчү Жарандык коргонуу түзүмдөрү түзүлөт (командалар, бөлүмдөр).

18. Жалпы багыттагы Жарандык коргонуу түзүмдөрү:

- курама команда, топ - куткаруу жана башка кечиктирилгис жумуштарды аткаруу үчүн арналат;

- куткаруучу команда, топ - куткаруу жана башка кечиктирилгис жумуштарды аткаруу үчүн арналат;

- жумуштарды механизациялоо курама командасы - механизация каражаттары менен курама жана куткаруу командаларын, топторун күчөтүү үчүн, ошондой эле, оор жумуштарды өз алдынча аткаруу үчүн ылайыкталган.

19. Жарандык коргонуу кызматтарынын түзүмдөрү төмөнкүлөргө ылайыкталган:

- чалгындоо топтору, звенолору, радиациялык-химиялык байкоо жүргүзүүчү посттор - Өзгөчө кырдаалдар болгон аймакка ар кандай түрдөгү чалгындоону жүргүзүү үчүн жана аларга баруу маршруттарында, ошондой эле райондун, шаардын, айылдык аймактын, уюмдардын аймагындагы кырдаалга байкоо жүргүзүүгө;

- байланыш топтору, звенолору - Жарандык коргонуу жетекчилерин, Жарандык коргонуу штабдарын жана кол алдындагылар менен өз ара аракеттеги күчтөрдү башкаруу пункттарын байланыш менен камсыздоо үчүн;

- кабардандыруу звенолору - табигый жана техногендик мүнөздөгү өзгөчө кырдаалдар болгондо жана өзгөчө кырдаалдар коркунучу туулганда жетектөөчү жана командалык-жетектөөчү курамды, калкты кабардандырууга;

- медициналык бригадалар, топтор, дружиналар жана санитардык посттор - медициналык жана бактериологиялык чалгындоону жүргүзүү үчүн, өзгөчө кырдаалдар аймагында жабыр тарткандарга медициналык жардам көрсөтүү, өзгөчө кырдаалдар болгон жерде эпидемияга каршы жана санитардык-гигиеналык иш-чараларды өткөрүү, ошондой эле жабырлангандарга кам көрүү үчүн;

- өрткө каршы тоо жана токой өрт командалары, бөлүмдөр жана звенолор - массалык түрдө тоо жана токой өрттөнгөн райондордо куткаруу жана башка кечиктирилгис жумуштарды жүргүзүүдө өрттү өчүрүү жана жок кылуу үчүн;

- инженердик топтор, звенолор - куткаруу жана башка кечиктирилгис жумуштарды инженердик чалгындоо жүргүзүү, жолдорду, көпүрөлөрдү оңдоо жана калыбына келтирүү, жардыруу иштерин жүргүзүү жана коргоо курулмаларын тейлөө үчүн;

- байкоо жүргүзүү жана лабораториялык контролдоо түйүнү -айлана-чөйрөнүн (ачык суу көлмөлөрү, аба, жер кыртышы жана өсүмдүктөр) булганышына (таралышына) байкоо жүргүзүү жана лабораториялык контролдоо, азык-түлүк, тамак аш, фураж жана сууну радиоактивдүү, уулуу заттардан, катуу таасир этүүчү уулуу заттардан, биологиялык ж.б. каражаттардан булганышын көзөмөлдеө, ошондой эле эпидемиянын, эпизоотиянын, эпифотиянын ж.б. жугуштуу оорулардын таралышына көзөмөл жүргүзүү үчүн ылайыкталган.

Байкоо жүргүзүү жана лабораториялык контролдоо түйүнүнүн курамына гигиена жана эпидемиология борборлору, ветеринардык лабораториялар жана станциялар, агрохимиялык лабораториялар, айлана-чөйрөнү аналитикалык контролдоо боюнча лабораториялар, радиацилык жана химиялык байкоо жүргүзүү посттору, объектилик лабораториялар ж.б. уюмдар кирет;

- автомобилдик колонналар - өзгөчө кырдаалдар болгон зонадан калкты убактылуу көчүрүү, материалдык баалуулуктарды алып кетүү, күчтөрдү жана каражаттарды ташуу, жабыр тарткандарды бейтапкана базаларына эвакуациялоо үчүн ылайыкталган;

- коомдук тартипти сактоо топтору - өзгөчө кырдаал болгон райондордо, ортодогу пункттарда жана убактылуу жайгашуу пункттарда коменданттык кызматты аткаруу, кайгуул, объектилерди коргоо, калктуу пункттарда тартипти сактоо үчүн;

- материалдык-техникалык камсыздоо бөлүмдөрү:

тамактануу көчмө пункттары - Жарандык коргонуу түзүмдөрүнүн өздүк курамын ысык тамак, кургак азык менен камсыздоо үчүн;

буюм менен жабдуу көчмө пункттары - жабырлануучуларды, көчүрүлүүчү калкты кийим, төшөк жана бут кийим менен камсыздоо үчүн;

май куюучу көчмө бекеттери - автотранспортту жана башка техниканы күйүүчү-майлоочу материалдары менен камсыздоо үчүн;

суу ташуучу звенолору - Жарандык коргонуу түзүмдөрүнүн өздүк курамын жана калкты суу менен камсыздоо үчүн;

оңдоо-калыбына келтирүүчү жана эвакуациялык көчмө топтору -техниканы учурдагы оңдоо өндүрүшү, талаа шарттары жана аны эвакуациялоо үчүн ылайыкталган;

айыл чарба жаныбарлары менен өсүмдүктөрүн коргоо боюнча топтордун бригадалары жана звенолору - ветеринардык жана фитопатологиялык, энтомологиялык чалгындоо, жаныбарларды жана өсүмдүктөрдү коргоо боюнча иш-чараларды өткөрүү, мал чарбачылыгы жана өсүмдүк өстүрүү продуктылары, жаныбарларды ветеринардык кароодон өткөрүү, айыл чарба жерлерин жугушсуздандыруу, ошондой эле алдын алуу ветеринардык-санитардык жана карантиндик-коргоо иш-чараларын өткөрүү үчүн.

20. Жогорку (жогорку аскердик окуу жайларынан башка) жана орто-атайын окуу жайларында объектилик Жарандык -коргонуу түзүмдөрү түзүлөт.

21. Жалпы билим берүү окуу жайларында төмөнкүлөр түзүлөт:

- куткаруу топтору;

- чалгындоо топтору;

- радиациялык жана химиялык байкоо жүргүзүү посттору;

- өрт өчүрүүчү топтор;

- санитардык дружиналар (санитардык посттор);

- коомдук тартипти сактоо топтору.

Көрсөтүлгөн түзүмдөр жогорку класстын окуучуларынан, окутуучулардын курамынан тейлөө кызматкерлерине түзүлөт.

4. Жарандык коргонуу түзүмдөрүн пайдалануу

21. Табигый кырсыктардын, ири өндүрүштүк авариялардын, катастрофалардын пайда болушунда жана кырсык болгон жердин очогунда куткаруу жана башка күтүүсүз иштерди жүргүзүү үчүн Жарандык коргонуу түзүмдөрү тынчтык мезгилинде да согуш учурунда бирдей колдонулат.

22. Облустун, шаардын, райондун, Жарандык коргонуу күчтөрү тынчтык мезгилде жана согуш учурунда өзгөчө кырдаал чыкканда каршы иш-аракеттерге ар дайым даярдыкта болуусу керек.

23. Даярданууга кеткен максималдуу убакыт төмөнкүдөй такталат:

1) 2 сааттан кеп эмес - шашылыш чара көрүү отряддары үчүн;

2) 4 сааттан көп эмес - негизги куткаруучу түзүмдөр үчүн (чалгындоо, куткаруу, медициналык, инженердик, өрткө каршы, авариялык-техникалык, радиациялык жана химиялык коргоо);

3) 6 сааттан көп эмес - бардык калган түзүмдөр үчүн.

5. Жарандык коргонуу түзүмдөрүн өздүк курам менен толуктоо

24. Жарандык коргонуу түзүмдөрүнө "Жарандык коргонуу жөнүндө" Кыргыз Республикасынын Мыйзамына ылайык эркектер жана аялдар, ошондой эле согуш учурунда - мобилизациялык эскертмеси бар аскерге милдеттүүлөр катталат.

Тынчтык мезгилде табигый жана техногендик мүнөздөгү өзгөчө кырдаалдарды жоюу үчүн түзүмдөргө мобилизациялык эскертмеси бар аскерге милдеттүүлөр кирет. Согуш учурунда мобилизациялык эскертмеси бар адамдар Жарандык коргонуу түзүмдөрүнүн курамынан чыгарылат (бул учурда алардын ордуна алдын ала башкалар даярдалат).

Жарандык коргонуу түзүмдөрүнүн курамдарына кирген Кыргыз Республикасынын жарандарынын укуктары "Авариялык куткаруучу кызматтар жана куткаруучулардын статусу жөнүндө" Кыргыз Республикасынын Мыйзамына ылайык корголот.

6. Жарандык коргонуу иш-чараларын каржылоо жана материалдык-техникалык жактан камсыздоо

25. Жарандык коргонуу иш-чараларын каржылоо жана материалдык-техникалык жактан камсыздоо мамлекеттик жана жергиликтүү бюджеттин каражаттарынын, ошондой эле Кыргыз Республикасынын Министрлер Кабинети тарабынан белгиленген тартипте менчиктин бардык түрүндөгү уюмдардын (ишканалардын, мекемелердин) эсебинен ишке ашырылат.

Жарандык коргонуу түзүмдөрүн, жумушчуларды жана кызматкерлерди атайын мүлк менен камсыздоо үчүн облустардагы Кыргыз Республикасынын Президентинин ыйгарым укуктуу өкүлчүлүктөрү, жергиликтүү мамлекеттик администрациялар, жергиликтүү өз алдынча башкаруу органдары, менчиктин бардык түрүндөгү' уюмдары тарабынан атайын резерв түзүлөт, анда Жарандык коргонуу түзүмдөрүн жабдууга жана аларды окутууга максаттуу түрдө каражаттарды жылына бөлүү каралган.

(КР Министрлер Кабинетинин 2023-жылдын 4-декабрындагы № 634 токтомунун редакциясына ылайык)

7. Жарандык коргонуу түзүмдөрүнүн штаттарын, табелдерин иштеп чыгуу жана эсепке алуу

26. Жарандык коргонуу түзүмдөрүнүн штаттары жана жабдуу ченемдери, ушул Жобонун 2-тиркемесине ылайык Жарандык коргонуу тармагындагы ыйгарым укуктуу мамлекеттик органдын аймактык бөлүмдөрү менен макулдашуу боюнча Кыргыз Республикасынын Президентинин облустардагы ыйгарым укуктуу өкүлдөрү, жергиликтүү мамлекеттик администрациялар, жергиликтүү өз алдынча башкаруу органдары, уюмдар тарабынан иштелип чыгат жана Жарандык коргонуу жетекчилери тарабынан бекитилет.

Түзүмдөрдүн уюштуруу структурасы түзүмдүн жергиликтүү шарттарына, өндүрүштүн түзүлүшүнө жана өзгөчөлүктөрүнө, иштин түрүнө, жумушчулардын санына, мүлктүн, техниканын жана транспорттук каражаттардын болушуна жана түзүмдөр түзүлгөн базадагы уюмдардын ишмердигин аныктаган башка факторлордун болушуна карап такталат.

(КР Министрлер Кабинетинин 2023-жылдын 4-декабрындагы № 634 токтомунун редакциясына ылайык)

27. Жарандык коргонуу тармагындагы ыйгарым укуктуу мамлекеттик органдын аймактык органдарынын ведомстволук штаттык адистештирилген түзүмдөрү (аскерлештирилген, тоо куткаруучулары, газ куткаруучулары, фонтанга каршы ж.б.) жана башка өз ара байланыштагы уюмдар үчүн максаттуу багыттагы штаттык түзүмдөр жөнүндө маалыматы болушу керек.

28. Жарандык коргонуу тармагындагы ыйгарым укуктуу мамлекеттик органдын аймактык бөлүмдөрү Жарандык коргонуу күчтөрү менен каражаттарын камсыздоо максатында автоунаа оңдоочу уюмдардын, техникалык жактан тейлөө станцияларынын, трамвай менен троллейбустарды тазалоо бөлүмдөрүнүн, май куюучу станциялардын (анын ичинде көчмө станциялар), мончо, кир жуучу жай, химиялык тазалоочу, жарылуу иштерин жүргүзүүчү штаттык бөлүмдөрдүн эсебин алышат.

29. Штаттык адистештирилген түзүмдөрдү, тез чара көрүү отряддарын, Жарандык коргонуунун аймактык жана объектилик түзүмдөрүн эсепке алуу Жарандык коргонуу тармагындагы ыйгарым укуктуу мамлекеттик орган бекиткен формалары боюнча бардык деңгээлдеги башкаруу органдарында ишке ашырылат:

1) түзүмдөрдүн бардык түрлөрү менен топтору үчүн ар бир өзүнчө түзүм боюнча Жарандык коргонуу тармагындагы ыйгарым укуктуу мамлекеттик органдын аймактык органдарында, уюмдарда;

2) штаттык адистештирилген түзүмдөр менен тез чара көрүү отряддар үчүн ар бир түзүм боюнча - Жарандык коргонуу тармагындагы ыйгарым укуктуу мамлекеттик органдын облустук башкармалыктарында; Жарандык коргонуунун тармактык жана объектилик түзүмдөрү боюнча жалпы маалыматтар (түрлөрү жана топтору боюнча);

3) министрликтерде жана ведомстволордо - ар бир штаттык адистештирилген түзүм боюнча жана ведомствого караштуу уюмдун Жарандык коргонуу түзүмү боюнча жалпы.

8. Жарандык коргонуу түзүмдөрүнүн даярдыгын текшерүү

30. Жарандык коргонуунун тийиштүү жетекчилери менен макулдашуу боюнча ушул Жобонун 3-тиркемесинде белгиленген жабдуу ченемдерине ылайык арналышы боюнча милдеттерди аткарууга Жарандык коргонуунун түзүмдөрүнүн жабдууларынын даярдыгын мезгил-мезгили менен текшерилип турат.

31 .Текшерүү жүргүзүү укугу төмөнкүлөргө берилет:

1) Жарандык коргонуу тармагындагы Кыргыз Республикасынын ыйгарым укуктуу мамлекеттик органынын жетекчисине, анын орун басарларына жана анын буйругу менен облустардагы, шаарлардагы, райондордогу уюмдардагы башка адамдарга;

2) Жетекчилерге (Жарандык коргонуу башчыларына) жана облустардын, шаарлардын, райондордун Жарандык коргонуу тармагындагы ыйгарым укуктуу мамлекеттик органынын аймактык бөлүмдөрүнүн башчыларына жана алардын тапшырмалары боюнча башка адамдарга -тийиштүү облустардын, шаарлардын, райондордун административдик-аймактык чек аралардын чегинде жайгашкан уюмдарда;

3) министрликтердин жана ведомстволордун жетекчилерине (Жарандык коргонуу башчыларына), ошондой эле ведомствого караштуу уюмдарда алардын көрсөтмөсү боюнча кызмат адамдарына.

32. Жарандык коргонуу түзүмдөрүнүн даярдыгы окутуулар, машыгуулар, сабак өтүүлөр жана текшерүүлөрдү жүргүзүү убагында текшерилет (анын ичинде күтүүсүз текшерүүлөр).

33. Ар бир Жарандык коргонуу түзүмдөрү үчүн даярдыкка келтирүү планы иштелип чыгат.

34. Даярдыкка келтирүү планында төмөнкүлөр каралат:

1) Өздүк курамды иш убактысында жана иш эмес убактысында кабардандыруу жана чогултуу тартиби;

2) мүлктү, азык-түлүктү берүү тартиби, мөөнөтү, орду;

3) чогултуу, даярдыкка келтирүү жана районго топтолууга же куткаруу жана күтүүсүз иштерди аткаруу учурунда түзүмдү башкаруу маселелери;

4) материалдык-техникалык камсыздоо тартиби;

5) ӨКнын ар кандай түрү болгон учурда иштерди жүргүзүү тилкелери (объектилери);

6) коменданттык кызматты уюштуруу.

Жарандык коргонуу түзүмдөрүн даярдыкка келтирүү пландарында каралган иш-чаралар бардык аткаруучуларга жеткирилет.

9. Жарандык коргонуу түзүмдөрүнүн даярдыгын баалоо критерийлери

35. Жалпысынан облус, шаар, район, айыл аймагы, уюм боюнча согуш учурунда, ошондой эле тынчтык мезгилинде милдеттерди аткарууга Жарандык коргонуу түзүмдөрүнүн даярдыгы төмөнкүдөй бааланат:

1) "даяр" - эгер текшерилген түзүмдөрдүн 75% пайызынан көбү "даяр" катары бааланса, калгандары - "чектелген даярдыкта";

2) "чектелген даярдыкта" - эгер текшерилген түзүмдөрдүн 75% "чектелген даярдыктардан" төмөн эмес бааланса;

3) "даяр эмес" - эгер текшерилген түзүмдөрдүн 75% "чектелген даярдыкта" жана "даяр эмес" деп бааланса.

Мисалы: белгиленген бир айыл аймагынын 10 түзүмү текшерилди, алардын ичинен 8 түзүм "даяр" деп бааланды, калган 2 түзүм "чектелген даярдыкта" деп бааланды, бул учурда ушул пункттун 1-пунктчасына ылайык айыл аймаганын түзүмдөрүнүн даярдыгы "даяр" деп бааланат.

Жарандык коргонуу түзүмдөрүн баалоодо негизги талап болуп, негизги адистер жана мүлктүн негизги түрлөрү, приборлор, техника, дары-дармектер жана жугузбоо каражаттары, жабырлануучуга алгачкы жардам көрсөтүүчү каражаттар же иш жүргүзүү үчүн керектүү башка каражаттар менен камсыздоого ылайык толук комлекттелиши эсептелет.

Өзгөчө кырдаалдарда, авариялардын жана кырсыктардын кесепеттерин жоюуда "Жыйым" деген айгай боюнча практикалык чогултуунун, түзүмдөрдүн окууга катышуусунун жыйынтыктары боюнча түзүмдөрдү баалоо ишке ашырылат (практикалык иштерди аткарууда) (4-тиркеме).

36. Өздүк курамдын, тартиптин, түзүмдүн ар дайым даярдыгына, милдеттердин өз убагында аткарылышына, жумуш аткаруу учурунда техниканын, транспорттун жана мүлктүн сакталышына түзүмдүн командири жооптуу болот.

37. Жарандык коргонуу түзүмүнүн командиринин милдеттери:

1) түзүмдүн уюштуруучулук түзүлүшүн, анын милдеттерин жана мүмкүнчүлүгүн, өздүк курам, автотранспорт, техника жана мүлктүн бардык түрлөрү менен комплектөө тартибин билүү;

2) даярдыктын деңгээлин, кол астындагылардын моралдык жана ишке болгон жөндөмдүүлүктөрүн, ар бир бөлүмдүн даярдыгынын даражасын билүү;

3) жеке даярдыкты ар дайым өркүндөтүү, жалпы жана атайын даярдык боюнча түзүмдүн жеке курамына сабак өтүү жана уюштуруу, анын ичинде жерлерди, техниканы жана кийимди (жабдыкты) жугушсуздандырууга өздүк курамды даярдоо;

4) милдеттерди аткарууга өздүк курамдын ар дайым даярдыгын жана түзүмдүн жогорку уюшкандыкта иштешин камсыздоо;

5) түзүмдүн ишин билгичтик менен жетектөө жана башка түзүмдөр менен ар дайым өз ара байланышта болуу;

6) коюлган милдеттерди чечкиндүү жана так аткаруу, кырдаалга жараша зарыл болгон учурда жогорку жетекчинин буйругун күтпөстөн өз алдынча чечим чыгаруу жана демилге көтөрүү.

38. Жарандык коргонуу түзүмдөрүнүн командалык-жетекчилик курамынын даярдыгын окуу жайларда (курстарда, борборлордо), өндүрүштү убактылуу токтотуу менен жана өз алдынча ишке ашыруу.

39. Жарандык коргонуу түзүмдөрүнүн өздүк курамын окутуу иш убактысында атайын тематика боюнча командирлер тарабынан практикалык түрдө уюштурулат жана өткөрүлөт.

Жарандык коргонуу түзүмдөрүн түзүүдөгү болжолдуу ЭСЕП

Эскертүү: Ири масштабдагы өзгөчө кырдаалдардын кесепеттерин жоюу боюнча куткаруу жана башка кечиктирилгис иштерди өткөрүү үчүн төмөнкү түзүмдөр уюштурулат:

Жарандык коргонуунун түзүмдөрүнүн штаттары жана жабдууларынын ЧЕНЕМДЕРИ

Чалгындоо

Чалгындоо звеносу - 4 адам:

- звенонун командири - 1;

- чалгындоочу- химик - 1;

- дозиметрист - 1;

- айдоочу - 1.

Техника -1 даана:

- жеңил автомобиль - 1.

Материалдык-техникалык жабдуулар:

Чалгындоо иштеринин мүмкүнчүлүгү 1 саатта 50 чакырымга чейин болжолдонот.

Медициналык жардамдын адистештирилген бригадасы

Жеке курам - 6 адам:

- бригаданын командири - 1;

- фельдшер (медайым) - 2;

- улук дарыгер-адис-1;

- дарыгер-адис -1;

- айдоочу - 1.

Техника - 1 даана:

- жеңил унаа - 1.

Эскертүү: Нейрохирургиялык, травматологиялык, күйүк-жараат, токсико-терапиялык ж.б. профиль катары түзүлүшү мүмкүн.

Материалдык-техникалык жабдуулар:

Адистештирилген медициналык бригаданын болжолдуу мүмкүнчүлүгү 10 сааттын ичинде:

- хирургиялык профилдеги бригада орточо 8-10 жабырлануучуга адистештирилген жардам көрсөтө алышат.

Инженердик чалгындоо звеносу

Жеке курам - 3 адам:

- звенонун командири - 1;

- газ тармагындагы чалгындоочу - сантехник - 1;

- айдоочу-чалгындоочу - электрик - 1.

Техника - 1 даана:

- жүк ташуучу автомобиль - 1.

Материалдык-техникалык жабдуулар:

10 саатын аралыгында жумуштун болжолдуу мүмкүнчүлүгү:

- 2-3 каттамды чалгындоо, узундугу 75-100 километр;

- жабыркаган аянттын чалгындоо, узундугу 7-10 чарчы километр;

- уранды болгон жер төлөөлөрдүн чалгындоо - 20-30 даана.

Өрт өчүрүүчү команда

Жеке курам -12 адам:

- бөлүмдүн командири - 2;

- өрт өчүрүүчү - 8;

- айдоочу - 2.

Техника - 2 бирдик:

- өрт өчүрүүчү автомобиль - 2.

Материалдык-техникалык жабдуулар:

Болжолдуу мүмкүнчүлүктөр:

- бир жактуу фронт өрттүн өчүрүлүшү: 200 м;

- эки жактуу фронт өрттүн өчүрүлүшү.

- Өрт өчүрүүчү автомобили жок мекемелерде өрт өчүрүүчү команда биринчиден болуп (өрт өчүрүүчү, өрт шаймандары жана кол шаймандары менен) жабдылат жана өздүк курамдын зарыл болгон санын камтыйт.

Газ тармагындагы авариялык-техникалык команда Жеке курам - 35 адам.

Техника - 5 даана.

Материалдык-техникалык жабдуулар:

10 сааттын ичиндеги жумуштардын болжолдуу мүмкүнчүлүгү:

- газ менен жабдылган талкаланган участоктогу үйлөрдүн ичиндеги газды берүүнү токтотуу, талкаланган жерди талдоо: 1 метр бийиктикте - 45 участокту; 2 метр бийиктикте - 20 участокту;

- талкаланбаган кудуктарды ачуу жана үйлөргө өтүүчү газ түтүктөрдүн тээктерин жабуу - 150 даана;

- сакталып калган жер төлөөдөгү тепкич жанында урандыларды тазалап, газ менен жабдуу тармагынын үй ичиндеги тарамдарын өчүрүү - 20.

Эскертүү: Жабдуулардын ченемдерине ылайык техника жана мүлк менен жабдуу.

Жылуулук тарамдары боюнча авариялык-техникалык команда

Жеке курам - 37 адам.

Техника - жеңил автомобиль - 1, жүк ташуучу автомобиль - 4; "Беларусь" эксковатору - 4; мотопомпа - 4; автомобилдеги компрессор станциясы- 2; газ ширетүүчү аппарат - 4; автокран - 2.

10 сааттын ичиндеги жумуштардын болжолдуу мүмкүнчүлүгү:

- кудуктардагы урандыларды тазалап, кудуктарды ачып, төмөнкүдөй бийиктиктеги урандыларга жапкычтарды орнотуу менен участоктордун талкаланган тарамдарын өчүрүү - 1 метр - 25 участок; 2 метр - 10 участок;

- жылуулук өткөн үйдүн ичиндеги кудуктардагы урандыларды тазалап, кудуктарды ачып жана төмөнкүдөй бийиктиктеги урандыларга жапкычтарды орнотуу менен участоктордун талкаланган тарамдарын өчүрүү - 1 метр - 40 участок; 2 метр - 15 участок.

Жарандык коргонуу түзүмдөрүнүн атайын техника, жабдуулар, шаймандар, инструмент жана материалдар менен жабдуунун ченемдери (Жарандык коргонуу мүлкүн жабдуунун табели)

1. Жекече коргоо каражаттары

2. Медициналык мүлк

Эскертүү: Жарандык коргонуунун жеке медициналык комплекти жана биринчи медициналык жардам көрсөтүү үчүн санитардык баштык медициналык каражаттарды пайдалануу же алардын мөөнөтүнүн өткөндүгү боюнча кайрадан медициналык каражаттар менен толтурулат.

3. Атайын каражаттарды кайра иштетүү

4. Инженердик мүлк жана авариялык-куткаруучу инструменттер

5. Байланыш каражаттары

6. Өрт шаймандары

7. Буюмдук мүлк

8. Автомобилдик жана атайын техника

Жарандык коргонуу түзүмдөрүнүн даярдыгын баалоонун негизги көрсөткүчтөрү