КР Министрлер Кабинетинин 2022-жылдын 24-февралындагы № 95 токтомуна ылайык КҮЧҮН ЖОГОТТУ

Салык постун орнотуу ТАРТИБИ

(КР Өкмөтүнүн 2021-жылдын 16-мартындагы № 95, КР Министрлер Кабинетинин 2021-жылдын 17-декабрындагы № 314 токтомдорунун редакцияларына ылайык)

1-глава. Жалпы жоболор

1. Ушул Тартип Кыргыз Республикасынын Салык кодексинин 50, 74, 93, 112, 113 жана 119-беренелерине ылайык иштелип чыккан жана субъекттин товарларынын жана акча каражаттарынын толук эсебин алуу, салык карызын жоюу, Кыргыз Республикасынын салык мыйзамдарында каралган салык контрактынын негизинде жана башка негиздерде салык төлөөгө өтүү максатында салык постунун ишин уюштуруу жол-жобосун жана орнотуу тартибин аныктайт.

2. Салык посту төмөнкү субъекттердин аймагына орнотулат:

1) акцизделүүчү товар өндүрүүчүлөрдүн;

2) салык карызы барлардын;

3) товарларды, жумуштарды жана кызмат көрсөтүүлөрдү сатуудан түшкөн акчанын нөлдүк көрсөткүчтөрү менен салык отчетторун системалуу түрдө бергендердин;

4) коомдук тамактануу, соода, калкка кызмат көрсөтүү чөйрөсүндө жана курорттук-ден соолукту чыңдоо чөйрөсүндө иш жүргүзгөндөрдүн;

5) пайдалуу кендерди казууну ишке ашыргандардын.

(КР Өкмөтүнүн 2021-жылдын 16-мартындагы № 95 токтомунун редакциясына ылайык)

3. Салык посту субъекттин иш режиминде орнотулат.

4. Салык посту төмөнкү субъекттерге орнотулат:

1) акцизделүүчү товарларды дайыма чыгаруучуларга;

2) салык карызы барларга - салык карызын толук жойгонго чейин;

3) товарларды, жумуштарды жана кызмат көрсөтүүлөрдү сатуудан түшкөн акчаны нөлдүк көрсөткүчтөр менен салык отчетторун системалуу түрдө бергендерге жана катар келген 7 календардык күндөн кем эмес, коомдук тамактануу, соода, калкка кызмат көрсөтүү, курорттук-ден соолукту чыңдоо чөйрөсүндө ишин жүзөгө ашыргандарга;

4) пайдалуу кендерди казууну жүргүзгөндөргө экономикалык ишинин сезондук мүнөзүнө жараша.

Салык отчетторун товарларды, жумуштарды жана кызмат көрсөтүүлөрдү сатуудан түшкөн акчанын нөлдүк көрсөткүчтөрү менен системалуу түрдө берген жана коомдук тамактануу, соода, калкка кызмат көрсөтүү жана курорттук-ден соолукту чыңдоо чөйрөсүндө иш жүргүзгөн субъекттердин товарларын жана акча каражаттарынын эсепке алынышын аныктоо үчүн зарыл болгон учурда, салык посту ушул пункттун 3-пунктчасына ылайык салык посту орнотулгандан кийинки айдын аягына чейин белгиленет.

(КР Өкмөтүнүн 2021-жылдын 16-мартындагы № 95 токтомунун редакциясына ылайык)

2-глава. Салык постун тариздөө тартиби

5. Салык посту орнотулуучу субъекттердин тизмеси салык органдары тарабынан ай сайын ыйгарым укуктуу салык органдарына бекитүү үчүн берилет.

Салык посту орнотулуучу субъекттердин тизмеси ыйгарым укуктуу салык органынын буйругу менен бекитилет жана субъекттин салыктык (эсепке алуу) каттоодон өткөн жери боюнча салык кызматынын органы тарабынан орнотулат.

6. Экономикалык ишти коомдук тамактануу, соода, калкка кызмат көрсөтүү жана курорттук-ден соолукту чыңдоо чөйрөсүндө жүргүзүүчү субъекттерде салык постун төмөнкү учурларда орнотуу зарыл:

- товар жүгүртүү өткөн кварталдарга жана/же өткөн жылдын ушул мезгилине салыштырганда 20%дан ашык төмөндөгөндө;

- кассалык чек мезгилдүү түрдө берилбегенде;

- физикалык көрсөткүчтөр өзгөргөндө (орундардын, койкалардын саны, объекттердин аянтынын өзгөрүшү ж.б.);

- салыктык контракттын негизинде салык төлөөгө өтүүгө байланыштуу салыктык милдеттенменин суммасын аныктоодо.

(КР Өкмөтүнүн 2021-жылдын 16-мартындагы № 95 токтомунун редакциясына ылайык)

7. Салык постун орнотуу үчүн салык кызматынын органынын жетекчилиги кол койгон ушул Тартиптин 1-тиркемесине ылайык форма боюнча жазма буйрук таризделет жана ал төмөнкүдөй күбөлөндүрүлөт:

- салык кызматынын ошол органынын гербдүү мөөрү менен (кагаз жүзүндө тариздегенде);

- электрондук колтамга менен (электрондук формада тариздегенде).

Жазма буйрукта төмөнкүдөй маалыматтар камтылууга тийиш:

1) салык кызматы органында жазма буйрукту каттоо датасы жана номери;

2) жазма буйрук берген салык кызматы органынын аталышы;

3) салык посту орнотулуучу объектинин жана субъектинин толук аталышы, объекттин жайгашкан дареги;

4) идентификациялык салык номери (ИСНи);

5) салык постун орнотуу үчүн негиздер;

6) салык постунун маселелери;

7) салык кызматы органынын кызматкеринин (леринин) аты-жөнү, кызмат орду, күбөлүгүнүн номери;

8) салык постун орнотуу мөөнөттөрү;

9) жазма буйрук берилген күн.

(КР Министрлер Кабинетинин 2021-жылдын 17-декабрындагы № 314 токтомунун редакциясына ылайык)

8. Салык постун орнотууда салык кызматы органынын кызматкери тарабынан төмөнкүлөр таанышуу үчүн көрсөтүлөт:

1) субъектке жана/же субъекттин жооптуу адамына - кызматтык күбөлүк;

2) салык постун орнотуу укугуна кагаз жүзүндөгү же электрондук формадагы жазма буйрук.

Кагаз жүзүндөгү жазма буйруктун арткы бетине субъект жана/же субъекттин жооптуу адамы тарабынан таанышкандыгы тууралуу белги коюлат, мында субъект жана/же субъекттин жооптуу адамы жазма буйруктун көчүрмөсүн чыгарып алууга укуктуу.

(КР Министрлер Кабинетинин 2021-жылдын 17-декабрындагы № 314 токтомунун редакциясына ылайык)

9. Субъект жана/же субъекттин жооптуу адамы тарабынан тийиштүү жазууларды жүргүзүү үчүн салык кызматы органынын кызматкерине инспектордук текшерүүлөрдүн китеби берилет.

10. Салык кызматынын органы тарабынан төмөнкү субъектилерге салык посту орнотулат:

- ушул Тартиптин 12-15-пункттарынын ченемдерине ылайык акцизделүүчү товарларды өндүрүүчүлөргө;

- ушул Тартиптин 16-20-пункттарынын ченемдерине ылайык салык карызы барларга;

- ушул Тартиптин 21-пунктунун ченемдерине ылайык товарларды, жумуштарды жана кызмат көрсөтүүлөрдү сатуудан түшкөн акчанын нөлдүк көрсөткүчтөрү менен системалуу түрдө салык отчетторун бергендерге;

- ушул Тартиптин 22-28-пункттарынын ченемдерине ылайык коомдук тамактануу, соода, калкка кызмат көрсөтүү жана курорттук-ден соолукту чыңдоо чөйрөсүндө иш жүргүзгөндөргө;

- ушул Тартиптин 29-31-пункттарынын ченемдерине ылайык пайдалуу кендерди казып алууну жүзөгө ашыргандарга.

(КР Өкмөтүнүн 2021-жылдын 16-мартындагы № 95 токтомунун редакциясына ылайык)

11. Субъектте видеобайкоо жүргүзүүгө арналган система бар болсо, салык постун орнотууда салык кызматынын кызматкерине Интернет жана/же башка тармактар аркылуу аталган системага жана/же IP-камерага(ларга) (IP-дарекке) кароого жана кошулууга мүмкүндүк берилет

Субъектте видеобайкоо жүргүзүү үчүн арналган система жок болсо, салык кызматы органынын кызматкери тарабынан объектке салык кызматы органына тийиштүү жана Интернет жана/же башка тармактар аркылуу видео жазууну өткөрүп берүүнү ишке ашырган жабдуу орнотулат. Субъектте Интернетке жана/же башка тармактар (Wi-Fi, LA№-кабель ж.б. Интернетке чыгуулар) бар болсо, субъект тарабынан милдеттүү түрдө бул тармакка чыгууга мүмкүнчүлүк берилет.

Мында салык кызматы органынын кызматкери тарабынан ушул Тартиптин 2-тиркемесине ылайык форма боюнча товардык-материалдык баалуулуктарды жооптуу сактоого  кабыл алуу-өткөрүп берүү актысы түзүлөт.

Товардык-материалдык баалуулуктарды жооптуу сактоого кабыл алуу-өткөрүп берүү актысына салык кызматы органынын кызматкери жана субъект жана/же субъекттин жооптуу адамы тарабынан кол коюлат.

3-глава. Субъекттердин айрым категорияларына салык постун орнотуунун өзгөчөлүктөрү

1-§. Акциздик товарларды чыгаруучу субъекттерге салык постун орнотуу

12. Салык постун орнотууда салык кызматы органынын кызматкери тарабынан ушул Тартиптин 8-пунктунда көрсөтүлгөн иш-аракеттер жүзөгө ашырылгандан кийин, төмөнкү товардык-материалдык баалуулуктардын иш жүзүндөгү калдыгын алуу жана аларды отчеттук маалыматтар менен салыштыруу жүргүзүлөт:

1) алкоголдук продукцияны (этил жана коньяк спирти, шарап материалдары, буудай ж.б.), тамеки буюмдарын жана мунай продуктуларын даярдоо үчүн чийки заттар;

2) кампадагы маркаланган даяр продукцияларды (саны, түрү жана идиштери боюнча);

3) акциздик маркасыз бөтөлкөгө куюлган продукцияны;

4) акциздик маркаларды (саны, тиби жана идиштери боюнча);

5) эсептегич-чыгым ченегичтердин көрсөткүчтөрү;

6) керектөөчү идишке куюлбаган даяр продукцияны.

Товардык-материалдык баалуулуктардын калдыктарын алуу жыйынтыгы ушул Тартиптин 3-тиркемесине ылайык форма боюнча таризделет.

13. Күн сайын салык кызматы органынын кызматкери тарабынан салык постунун жүрүшүндө:

1) ушул Тартиптин 4-тиркемесине ылайык форма боюнча сатып алынган чийки заттарды жана материалдарды каттоо журналына чийки заттардын келиши белгиленет;

2) ушул Тартиптин 5-тиркемесине ылайык форма боюнча эсептегичтердин көрсөткүчтөрүн жана даяр продукцияны жүктөөнү эсепке алуу боюнча журналга даяр продукциянын калдыктары жана өндүрүлүшү, эсептегич-чыгым ченегичтердин көрсөткүчтөрү тууралуу маалыматтар белгиленет;

3) ушул Тартиптин 6-тиркемесине ылайык форма боюнча жөнөтүлгөн даяр продукцияны каттоо журналына даяр продукцияны жүктөп жөнөткөнү белгиленет;

4) даяр продукцияны чекене сатуу дүкөндөрү маркалануучу продукцияны өндүрүүчү субъекттин аймагында болгондо, контролдук-кассалык машиналарды (мындан ары - ККМ) колдонуу боюнча талаптардын аткарылышына контролдоо жүргүзүлөт;

5) субъекттин ыйгарым укуктуу банктан акциздик маркаларды алуу чечимине ылайык, багыты боюнча (түрү, аталышы, сыйымдуулугу) акциздик маркаларды колдонуу предметине, маркалануучу даяр продукцияга акциздик маркаларды колдонуу процессине байкоо жүргүзүлөт;

6) пайдаланылган акциздик маркаларды эсептен чыгарууга байкоо жүргүзүлөт;

7) мунай продуктуларын мунай өндүрүүчү заводдордон жана мунай базасынан жүктөө учурунда жазып берилген эсеп-фактурага, коштомо кагазга ылайык автоцистернанын идишинин ооздору пломбаланат жана коштомо кагазга "Ташып чыгууга уруксат берилди" деген штамп коюлат.

14. Мөөр коюу же пломба барагынын үзгүлтүккө учурап, даяр продукциялардын калдыктарынын шайкеш келбешинин белгилери, акциздик маркасыз алкоголдук продукциялардын фактылары табылса, акциздик маркалар менен алкоголдук продукциялардын иш жүзүндөгү идиштеринин көлөмү шайкеш келбесе жана шектүү акциздик маркалар табылса, салык кызматы органынын кызматкери тарабынан субъекттин же субъекттин жооптуу адамынын катышуусунда ушул Тартиптин 7-тиркемесине ылайык форма боюнча Бузуу фактылары табылгандыгы жөнүндө акт түзүлөт.

Шектүү акциздик маркалар тийиштүү мамлекеттик органдарга аныктык предметине экспертиза жүргүзүү үчүн жиберилет. Акциздик маркалардын жасалма экендиги тууралуу корутунду чыгарылган учурда, салык кызматы органдары тарабынан Кыргыз Республикасынын салык мыйзамдарына ылайык чаралар көрүлөт.

15. Акциздик марканын, акциздик марка колдонулган, даяр продукциянын калдыгы, сатылган продукциянын көлөмү боюнча маалыматтар, ошондой эле мунайды кайра иштетүүчү заводдор жана мунай базасы аркылуу мунай продуктуларын жүктөө жана калдыгы тууралуу маалыматтар ыйгарым укуктуу салык органы тарабынан бекитилген форма боюнча берилет.

Акциздик товарларды өндүрүүчү субъектте даяр продукцияны берүүнү эсепке алуунун автоматташтырылган системасы бар болгон учурда, салык кызматы органынын кызматкери онлайн режиминде бул системага ушул Тартиптин 13-пунктунда аталган маалыматтарды киргизет.

2-§. Салык карызы бар субъекттерге салык постун орнотуу

16. Салык карызы бар субъекттердин салык посту Кыргыз Республикасынын Өкмөтүнүн 2011-жылдын 7-апрелиндеги № 144 "Салыктарды башкаруу боюнча жоболорду жана тартипти бекитүү жөнүндө" токтому менен бекитилген Салыктык карызды өндүрүү тартиби жөнүндө жобонун ченемдерине ылайык белгиленет.

17. Ушул Тартиптин 8-пунктунда аталган иштер жүргүзүлгөндөн кийин салык кызматы органынын кызматкери тарабынан кассадагы накталай акча каражаттарынын иш жүзүндөгү калдыгы алынат жана ушул Тартиптин 8-тиркемесине ылайык форма боюнча Накталай акча каражаттарынын калдыктарын алуу жөнүндө акты толтурулат. Чет өлкөлүк валюта болгон учурда ушул Тартиптин 9-тиркемесине ылайык форма боюнча Чет өлкө валютасындагы накталай акча каражаттарынын калдыктарын алуу жөнүндө акты толтурулат (мындан ары - Накталай акча каражаттарынын калдыктарын алуу жөнүндө акт).

Накталай акча каражаттарынын калдыктарын алуу жөнүндө актыда накталай акча каражаттары (купюра менен) көрсөтүлөт жана акча каражаттарынын калдыгын алуу учурунда кассадагы акча каражаттарынын калдыгынын жалпы жыйынтыгы (сан жана жазуу менен) чыгарылат.

Накталай акча каражаттарынын калдыктарын алуу жөнүндө акты ушул Тартиптин 10-тиркемесине ылайык форма боюнча таризделген Салык карызын төлөө үчүн салык постунун жыйынтыгы тууралуу актыга тиркелет.

18. Салык кызматы органынын кызматкери күн сайын Накталай акча каражаттарынын калдыктарын алуу жөнүндө актыны толтуруу менен иш күнүнүн аягында кассанын калдыктарын алат.

Накталай акча каражаттарынын калдыктарын алуу тууралуу жана салык карыздарын жоюу үчүн салык постунун жыйынтыктары жөнүндө актылар эки нускада түзүлөт, биринчи нускасы салык кызматы органынын кызматкеринин отчетуна тиркелет, экинчи нускасы субъектте же субъекттин жооптуу адамында калат. Накталай акча каражаттарынын калдыктарын алуу тууралуу жана салык карыздарын жоюу үчүн салык постунун жыйынтыктары жөнүндө актыларга салык кызматы органынын кызматкери жана субъект жана/же субъекттин жооптуу адамы кол коёт.

19. Салык постун орнотуунун жүрүшүндө алынган накталай акча каражаттары субъект же субъекттин жооптуу адамы тарабынан акча каражаты алынган күндөн кийинки 2 жумуш күнүнөн кеч эмес, аларды субъекттин эсебине, андан ары бюджетке которуу менен чегерүү үчүн банкка өткөрүп берилет.

20. Салык карызын төлөөнү камсыздоо жөнүндө салык кызматы органынын чечиминде көрсөтүлгөн, салык төлөөчү мойнуна алган салык карызынын толук суммасын төлөгөндө, салык кызматы органынын жетекчилиги тарабынан салык карызын өндүрүүнү жетектеген тийиштүү бөлүмдүн начальнигинин кызматтык катынын негизинде салык постунун жол-жобосу аяктайт.

3-§. Товарларды, жумуштарды жана кызмат көрсөтүүлөрдү сатуудан түшкөн акчаны нөлдүк көрсөткүчтөрү менен салык отчетторун системалуу түрдө берген субъекттерге салык постун орнотуу

21. Товарларды, жумуштарды жана кызмат көрсөтүүлөрдү сатуудан түшкөн акчаны нөлдүк көрсөткүчтөрү менен салык отчетторун системалуу түрдө берген субъекттерге салык посту ушул Тартиптин 22-28-пункттарында аталган жол-жоболорго ылайык орнотулат.

4-§. Коомдук тамактануу, соода, калкка кызмат көрсөтүү жана курорттук-ден соолукту чыңдоо чөйрөсүндө иш жүргүзгөн субъекттерге салык постун орнотуу

22. Ушул Тартиптин 8-пунктунда аталган аракеттерди ишке ашыргандан кийин, салык кызматы органынын кызматкери субъекттен же субъекттин жооптуу адамынан аралыктык ККМ контролдук-кассалык чегин (айрылбаган отчет) жана учурдагы күн үчүн банктык төлөм карточкалары аркылуу төлөнгөн суммалар боюнча POS-терминалдын чегин уруп берүүнү талап кылат.

23. Салык кызматы органынын кызматкери тарабынан ушул Тартиптин 11-тиркемесине ылайык форма боюнча Салык постунун ишинин жыйынтыктары жөнүндө актыга тиркелүүчү Накталай акча каражаттарынын калдыктарын алуу жөнүндө акты түзүү менен кассадагы накталай акча каражаттарынын иш жүзүндөгү калдыктары алынат.

24. Салык постунун жүрүшүндө салык кызматы органынын кызматкери тарабынан кириштелбеген акча каражаттарын аныктоо предметине карата имарат иликтөөгө алынат.

24-1. Аралыктык ККМ контролдук-кассалык чегинин көрсөткүчтөрү (айрылбаган отчет) салык посту учурунда кассадагы накталай акча каражаттарынын иш жүзүндөгү калдыгы менен салыштырылат.

(КР Өкмөтүнүн 2021-жылдын 16-мартындагы № 95 токтомунун редакциясына ылайык)

24-2. Эгер кассадагы накталай акча каражаттары салык посту учурунда бир күндө кассадан өткөрүлгөн суммадан көп болсо, ашык сумма ККМ колдонулбагандыгын ырастайт. Мында Салык постунун натыйжалары жөнүндө актынын "Салык постунун ишинин жыйынтыгы боюнча төмөнкүлөр аныкталды" бөлүмүнө төмөнкүдөй жазуулар жазылат:

- 6-пунктунда - "ККМ колдонбоо"; "чек урулган эмес"; "бузук ККМ"; "чек бербөө" чагылдырылат;

- 10-пунктунда (ашыкча же кем чыккан учурда) ашыкча же кем сумма чагылдырылат (цифра жана жазуу менен), мында субъекттен же субъекттин жооптуу адамынан милдеттүү түрдө түшүнүк кат алынат, ал Салык постунун натыйжалары жөнүндө актыга тиркелет. Түшүнүк кат берүүдөн баш тарткан учурда 10-пунктта түшүнүк катты берүүдөн баш тартуу жөнүндө маалымат көрсөтүлөт.

(КР Өкмөтүнүн 2021-жылдын 16-мартындагы № 95 токтомунун редакциясына ылайык)

24-3. Кассада ашыкча акча каражаттары фактысы ырасталган учурда субъект же субъекттин жооптуу адамы белгиленген ашыкча суммага ККМ аркылуу чек чыгарып берүүгө милдеттүү.

(КР Өкмөтүнүн 2021-жылдын 16-мартындагы № 95 токтомунун редакциясына ылайык)

24-4. Субъект товарларды, жумуштарды жана кызмат көрсөтүүлөрдү эсепке алуунун программалык каражаттарын пайдаланган учурда субъект же субъекттин жооптуу адамы салык кызматы органынын кызматкеринин талабы боюнча убакыттын белгилүү мезгили үчүн документти басып чыгарууга милдеттүү, ал Салык постунун натыйжалары жөнүндө актыга тиркелет, ал эми документ боюнча сумма Салык постунун натыйжалары жөнүндө актынын "Салык постунун ишинин жыйынтыгы боюнча төмөнкүлөр аныкталды" бөлүмүнүн 8-пунктуна жазылат.

(КР Өкмөтүнүн 2021-жылдын 16-мартындагы № 95 токтомунун редакциясына ылайык)

24-5. Документтин көрсөткүчтөрү аралыктык ККМ контролдук-кассалык чегинин көрсөткүчтөрү (айрылбаган отчет) менен салыштырылат, мында алардын ортосундагы көрсөткүчтөр бири-бирине ылайык келиши керек.

(КР Өкмөтүнүн 2021-жылдын 16-мартындагы № 95 токтомунун редакциясына ылайык)

24-6. Эгерде документтин көрсөткүчү аралыктык ККМ контролдук-кассалык чегинин көрсөткүчтөрүнөн (айрылбаган отчет) көп болсо, айырманын (ашыкча) суммасы ККМ колдонбогондугун ырастайт. Мында Салык постунун натыйжалары жөнүндө актынын эскертүүсүндө тийиштүү жазуулар жазылат жана субъекттен жана субъекттин жооптуу адамынан шайкеш келбестиктин аныкталган фактысы жөнүндө түшүнүк кат алынат, ал Салык постунун натыйжалары жөнүндө актыга тиркелет.

(КР Өкмөтүнүн 2021-жылдын 16-мартындагы № 95 токтомунун редакциясына ылайык)

25. Салык постунун иштөө процессинде салык кызматы органдарынын кызматкери тарабынан төмөнкүлөр ишке ашырылат:

1) субъекттин товарларын жана акча каражаттарын эсепке алууну аныктоо жана толуктугун текшерүү;

2) ККМдин колдонулушун контролдоо;

3) жалданган жумушчулар менен эмгек келишимдеринин (буйруктардын) болушун текшерүү;

4) коомдук тамактануу жана калкка кызмат көрсөтүү чөйрөсүндө - отуруучу орундардын санын, турак эмес жайлардын аятчаларын тактоо (жабык жана ачык жайларда);

5) курорттук-ден соолукту чыңдоо тармагы жана калкка кызмат көрсөтүү чөйрөсүндө - койка-орундардын санын тактоо, текшерүү учурунда жашаган адамдардын иш жүзүндөгү санын эс алуучуларды каттоо журналы менен салыштыруу;

6) товардык-материалдык баалуулуктардын иш жүзүндөгү калдыгын алуу жана аларды отчеттук маалыматтар менен салыштыруу.

(КР Өкмөтүнүн 2021-жылдын 16-мартындагы № 95 токтомунун редакциясына ылайык)

26. Субъекттин иш күнүнүн аягында салык кызматы органынын кызматкери тарабынан Салык постунун ишинин натыйжалары жөнүндө акт кагаз жүзүндө же электрондук формада толтурулат, анда төмөнкүлөр көрсөтүлөт:

- датасы, акт түзүү орду;

- салык кызматы органынын кызматкеринин аты-жөнү жана кызмат орду;

- жазма буйруктун номери жана датасы;

- жазма буйрукту берген салык кызматы органынын аталышы;

- субъекттин аталышы, объекттин дареги, экономикалык иш жүргүзүү укугуна уруксат берүүчү документтердин болушу, салыктык каттоо орду;

- салык постун орнотуу мөөнөтү;

- субъекттин иштөө режими;

- текшерүү убагы;

- иштин түрү;

- жалданма жумушчулардын саны жана эмгек келишимдеринин болушу;

- баалары боюнча маалыматтар (прейскурант, меню ж.б.);

- ККМ боюнча маалыматтар (ККМди колдонуу, накталай түшкөн акча, товарларды, жумуштарды жана кызмат көрсөтүүлөрдү эсепке алуунун программалык каражаты аркылуу басып чыгарылган документ боюнча көрсөткүч, контролдук чек боюнча көрсөткүч (Х-отчету), ашыкчаларын (кемдерин) белгилөө);

- мунайзаттарга акциздик маркалардын, контролдук пломбалардын болушу же жок болушу;

- салык постунун убагында түшкөн акчанын суммасы;

- акыркы ай үчүн соода түйүндөрүнөн жалпы түшкөн акча, бир күндүк орточо түшкөн акча;

- төмөнкүдөй чөйрөлөрдө иш жүргүзгөн субъекттерде Салык постунун натыйжалары жөнүндө актынын эскертүүсүндө:

а) коомдук тамактануу чөйрөсүндө - отуруучу орундардын, анын ичинде жайкы аянттагы орундардын саны, турак эмес жайдын аянты (жабык жана ачык жайларда);

б) калкка кызмат көрсөтүү чөйрөсүндө - отуруучу орундардын, койка-орундардын саны же көрсөтүлүүчү кызматтардын түрлөрүнүн саны;

в) курорттук-ден соолукту чыңдоо чөйрөсүндө - койка-орундардын саны, текшерүү учурунда жашаган адамдардын иш жүзүндөгү саны эсепке алуу каттоолорунда көрсөтүлгөн эс алуучулардын саны менен салыштыруунун жыйынтыгы, ошондой эле Кыргыз Республикасынын салык мыйзамдарын бузуунун башка аныкталган фактылары.

Салык постунун ишинин жыйынтыгы жөнүндө актыга жана анын тиркемелерине салык кызматы органынын кызматкери жана субъект жана/же субъекттин жооптуу адамы тарабынан кол коюлат.

Салык постунун ишинин жыйынтыгы жөнүндө актынын кагаз жүзүндөгү экинчи нускасы субъектиге жана/же субъекттин жооптуу адамына кол койдуруу менен тапшырылат. Таризделген Салык постунун ишинин жыйынтыгы жөнүндө актыга кол коюудан жана экинчи нускасын алуудан баш тарткан учурда, салык кызматы органынын кызматкери тарабынан "Актынын бир нускасын алдым" деген графага - "кол коюудан баш тартты, экинчи нускасы колуна тапшырылды" - деген жазуу жазылат.

Салыктык посттун жыйынтыктары жөнүндө актыны электрондук формада түзүүдө бул Актыга салык органынын кызмат адамы жана субъект жана/же субъекттин жооптуу адамы тарабынан кол коюлат жана бардык тиркемелери менен салык төлөөчүнүн жеке кабинетине же чарба жүргүзүүчү субъекттин жетекчисинин же анын жооптуу адамынын электрондук дарегине жөнөтүлөт.

Эгерде жооптуу адам же жетекчи Салыктык посттун жыйынтыктары жөнүндө актыга кол коюудан жана кол коюу менен аны алуудан баш тартса, анда текшерүүчү чарба жүргүзүүчү субъекттин жооптуу адамы же жетекчиси текшерүүчүлөрдүн талаптарын аткарууга милдеттүү экенин жана муну менен катар аныкталган бузуулар үчүн жоопкерчиликти чарба жүргүзүүчү субъект тарта тургандыгын түшүндүрүүсү зарыл. Эгерде мындай учурда да кол коюудан баш тартылса, анда Актыда "кол коюудан баш тартты" деген жазуу жазылып, фото жана видео тартылат, материалдар ыйгарым укуктуу салык органынын маалыматтар базасына жиберилет.

(КР Өкмөтүнүн 2021-жылдын 16-мартындагы № 95, КР Министрлер Кабинетинин 2021-жылдын 17-декабрындагы № 314 токтомдорунун редакцияларына ылайык)

27. Таризделген Салык постунун ишинин жыйынтыгы жөнүндө акты (тиркемелери жана түшүнүк каттары менен) баалоонун кыйыр методдорун, көчмө салыктык текшерүү жүргүзүүдө жана Кыргыз Республикасынын салык мыйзамдарына ылайык чараларды көрүү үчүн пайдаланылат.

28. Субъект тарабынан салык кызматы органына тийиштүү салыктарды төлөө боюнча салык милдеттенмелерин аткаруу милдеттенмеси салык постунун жыйынтыгынан аз эмес берилген болсо, анда салык кызматы органынын жетекчилиги тарабынан салык постун орнотууну жетектеген тийиштүү бөлүмдүн начальнигинин кызматтык катынын негизинде салык постун орнотуу жол-жобосу аягына чыгарылат.

5-§. Пайдалуу кендерди казып алуучу субъекттерге салык постун орнотуу

29. Пайдалуу кендерди казуучу субъекттерде салык посту транспорт каражаттарынын чыгуусун каттоону, ошондой эле салмактык контролдоону (салык кызматы органынын кызматкери үчүн зарылдыгына жараша) жүзөгө ашыруучу шлагбаум катары уюштурулуп орнотулат.

30. Пайдалуу кендерди казууну жүргүзгөн субъекттерде салык постун орнотууда салык кызматы органынын кызматкери тарабынан казып алынган пайдалуу кендердин жүктөмүн эсепке алуу ушул Тартиптин 12-тиркемесине ылайык форма боюнча жүктөлгөн продукцияны каттоо журналына катталат.

31. Ушул Тартиптин 29-30-пункттарында көрсөтүлгөн субъекттерге салык посту ушул Тартиптин 22-28-пункттарында көрсөтүлгөн жол-жоболорго ылайык орнотулат.

4-глава. Салык кызматы органынын кызматкеринин жана субъекттин ыйгарым укуктары

32. Салык кызматы органынын кызматкери төмөнкүлөргө укуктуу:

1) субъекттин ишкердик иши жүзөгө ашырылуучу аймагына, административдик, өндүрүштүк, кампа жана башка жайларына жана программалык-аппараттык комплексине кирүүгө;

2) субъекттен түшүнүк кат, маалым кат, маалымат, баштапкы эсепке алуу документтерин (алардын көчүрмөлөрүн), финансылык отчет, чарбалык операциялар журналын, кагаз жүзүндө акча каражаттарынын кыймылы жөнүндө отчет, программалык-аппараттык комплекстин ар күндүк отчетун алууга жана жайларды фото же видео жазуу жүргүзүүгө;

3) субъекттин ишкердик иши жүзөгө ашырылуучу административдик, өндүрүштүк, кампа жана башка жайларды мөөр басып жабууга;

4) Кыргыз Республикасынын салык мыйзамдарында каралган башка укук коргоо органдарына кайрылууга.

33. Салык кызматы органынын кызматкери төмөнкүлөргө милдеттүү:

1) субъекттин укугун жана мыйзамдуу кызыкчылыгын сактоого;

2) Кыргыз Республикасынын Салык кодексинин талаптарына ылайык салыктык сырды сактоого;

3) Кыргыз Республикасынын салык мыйзамдарында каралгандан башка милдеттерди аткарууга.

34. Мыйзамга жат аракеттери же аракетсиздиги, өзүнүн милдеттерин талаптагыдай аткарбагандыгы үчүн салык кызматы органынын кызматкерине Кыргыз Республикасынын салык мыйзамдарына ылайык жоопкерчилик жүктөлөт.

35. Салык постун орнотуу иштеринин жыйынтыгы боюнча алынган маалыматтар салык кызматы органы тарабынан Кыргыз Республикасынын Салык кодексинин 119-беренесине ылайык, субъекттин салыктык милдеттенмесин аныктоо үчүн негиз болуп саналат.

36. Субъект же субъекттин жооптуу адамы төмөнкүлөргө укуктуу:

1) салык кызматы органынын кызматкеринен Кыргыз Республикасынын салык мыйзамдарын сактоону талап кылууга;

2) тийиштүү мамлекеттик органдардан Кыргыз Республикасынын салык мыйзамдары жөнүндө маалыматты, анын ичинде эрежелерди, жоболорду жана башка методикалык көрсөтмөлөрдү алууга;

3) салыктык жашыруун сырды сактоону талап кылууга;

4) салык постунун натыйжалары жөнүндө маалымат алууга;

5) салык кызматы органынын кызматкеринин чечимин, аракетин же аракетсиздигин даттанууга;

6) Кыргыз Республикасынын мыйзамдарына ылайык, салык кызматы органынын мыйзамсыз чечими, анын кызматкеринин мыйзамсыз иш-аракети же аракетсиздиги менен келтирилген чыгымдардын жана зыяндын ордун толтуруп алууга;

7) салык кызматы органынын кызматкеринен кызматтык күбөлүгүн, таанышуу үчүн жазма буйрукту көрсөтүүнү талап кылууга жана жазма буйруктун көчүрмөсүн алууга;

8) Кыргыз Республикасынын салык мыйзамдарында белгиленген башка укуктарга.

37. Субъект жана субъекттин жооптуу адамы төмөнкүлөргө милдеттүү:

1) салык кызматы органынын кызматкерин аймактагы административдик, өндүрүштүк, кампа жана башка жайларга салык постунун функцияларын ишке ашыруу, жайларды, имараттарды, өндүрүш жана даяр продукцияларды сатуу процесстерин, ошондой эле программалык-аппараттык комплексине фото жана видео жазуу жүргүзүү үчүн кирүүгө уруксат берүүгө;

2) түшүнүк кат, маалым каттарды, маалыматтарды, баштапкы эсепке алуу документтерин (алардын көчүрмөлөрүн), финансылык отчет, чарбалык операциялар журналын, акча каражаттарынын кыймылы жөнүндө кагаз жүзүндө отчетун жана программалык-аппараттык комплексинин күндөлүк отчетун берүүгө;

3) тиешелүү жай (жумуш орунду) бөлүп берүүгө;

4) Кыргыз Республикасынын салык мыйзамдарында белгиленген башка милдеттерди аткарууга.

38. Салык кызматы органынын кызматкеринин аймакка же административдик, өндүрүштүк, кампа жана башка жайларга, программалык-аппараттык комплексине кирүүсүнө мыйзамсыз тоскоолдук болгон жана субъектке же анын жооптуу адамына документтерди берүүдөн баш тартылган учурда Кыргыз Республикасынын салык мыйзамдарында каралган жоопкерчилик жүктөлөт, мында салык кызматы органынын кызматкери тарабынан ушул Тартиптин 13-тиркемесине ылайык форма боюнча Тоскоолдук жаратуу протоколу түзүлөт.

Форма

Кыргыз Республикасынын салык мыйзамдарынын талаптарын сактоо боюнча салык постун жүргүзүү укугуна № ___/_____ ЖАЗМА БУЙРУК

_____________________________________________________________________________________

                          (жазма буйрук берген салык кызматы органынын аталышы)

_____________________________________________________________________________________

  (башкармалыктын аталышы, кызмат орду, текшерүүчүнүн аты-жөнү жана кызматтык күбөлүгүнүн №)

_____________________________________________________________________________________

     (Кыргыз Республикасынын салык мыйзамдарына ылайык салыктык контролдоого тийиштүү                                            конкреттүү маселелердин тизмеси)

маселелери боюнча ___________________________________________________________________

                                             (объекттин аталышы, объекттин дареги, жайгашкан жери)

_____________________________________________________________________________________

                                          (текшерилүүчү субъекттин аталышы, ИСН)

салык постун жүргүзүүнү тапшырат.

Негизи ______________________________________________________________________________

салык постун жүргүзүү мөөнөтү: ______ күн

201__жылдын "_______" - "__" _________"

салык төлөөчүнүн иштөө режиминде.

Салык кызматынын жетекчиси ________________  __________________________

                                                              (колу)                            (аты-жөнү)

                                                                            Берилген датасы 201__-жылдын "__" ___________

Эскертүү: жазма буйрук салык төлөөчүгө тааныштыруу үчүн көрсөтүлөт жана анын көчүрмөсү тапшырылат. Жазма буйруктун түп нускасына салык төлөөчүнүн жазма буйрук менен таанышкандыгы тууралуу белги коюлат, салык постунун ишинин жыйынтыктары жөнүндө актыга тиркелип, салык кызматы органына тапшырылат.

Форма

(Жазма буйруктун арткы бети)

Жазма буйрук менен тааныштым

Форма

Жооптуу сактоого товардык-материалдык баалуулуктарды өткөрүп берүү-кабыл алуу АКТЫСЫ

Биз төмөндө кол койгондор: __________________________________________________________

__________________________________________________________________________________

жана _____________________________________________________________________________

_____________________________________________________________________ катышуусунда

__________________________________________________________________________________

____________________________________________________ төмөндө көрсөтүлгөн материалдык

баалуулуктарды жооптуу сактоого өткөрүп бергендиги, ал эми субъект ______________________

_____________________________________ кабыл алгандыгы тууралуу ушул актыны түздүк.

Жооптуу сактоого берилүүчү товардык-материалдык баалуулуктардын тизими

Саны жана сапаты боюнча дооматым жок.

Сактоо шарттары: _________________________________________________________________

_________________________________________________________________________________

Өзгөчө белгилери: _________________________________________________________________

_________________________________________________________________________________

Форма

Калдыктарды алуу АКТЫСЫ

Акт _____________________________________________________________________________

                                 (жазма буйрук берген салык органынын аталышы)

20__-жылдын "__" ___________ берилген № _____ жазма буйругунун негизинде,

________________________________________________________________________________

                             (салык кызматы органынын кызматкерлеринин аты-жөнү

________________________________________________________________ тарабынан түзүлдү,

                                              кызмат орундары)

катышуусунда ____________________________________________________________________

             (субъекттин же анын жооптуу адамдарынын аты-жөнү, жашаган жерлеринин даректери)

_____________________________________ жайгашкан дареги: ___________________________

      (текшерилүүчү объекттин аталышы)

________________________________________________________________________________

                                (райондун, айылдын, көчөнүн аталышы жана номери)

_________________________________________________________________________ таандык

                                                         (субъекттин аталышы)

Калдыктарды алуу жүргүзүлдү:

- акциздик маркалардын: ___________________________________________________________

- чыгым-ченегич-эсептегичтин көрсөткүчтөрүн: _________________________________________

- маркаланган даяр продукциянын: ___________________________________________________

________________________________________________________________________________

________________________________________________________________________________

- акциздик маркасыз бөтөлкөгө куюлган продукциялардын: _______________________________

Керектөө идишине куюлбаган даяр продукция: _________________________________________

- алкоголдук продукцияны даярдоо үчүн чийки зат: ______________________________________

Эскертүү: ________________________________________________________________________

Форма

Сатып алынган чийки заттарды жана материалдарды КАТТОО ЖУРНАЛЫ

Форма

Эсептегичтердин көрсөткүчтөрүн жана жүктөлгөн даяр продукцияны эсепке алуу ЖУРНАЛЫ

Форма

Жүктөлгөн даяр продукцияны каттоо ЖУРНАЛЫ

Форма

Мыйзам бузуу фактысын белгилөө АКТЫСЫ

Акт _______________________________________________________________________________

                    (салык кызматы органынын кызматкерлеринин аты-жөнү, кызмат орундары)

________________________________________________________________________ тарабынан

_________________________________________________________________________________

                                       (жазма буйрукту берген салык органынын аталышы)

20__-жылдын "__" ________ № _____ жазма буйругунун негизинде _________________________

__________________________________________________________________________ таандык

                                       (субъекттин аталышы же ЖИ аты-жөнү)

__________________________________________________________________________________

                               (райондун, айылдын, көчөнүн аталышы жана номери)

________________________________________________________________ дарегинде жайгашкан

                              (текшерилүүчү объекттин аталышы)

_______________________________________________________________ катышуусунда түзүлдү.

(субъекттин же субъекттин жооптуу адамынын аты-жөнү, жашаган жеринин дареги)

Аныкталды: мөөр басып чаптоо (пломба) барагынын үзгүлтүккө учурашы, даяр продукциялардын калдыктарынын шайкеш келбешинин белгилери, алкоголдук продукцияларды акциздик маркасыз чыгаруу фактылары табылды, акциздик маркалар менен алкоголдук продукциялардын иш жүзүндөгү идиштеринин көлөмү менен шайкеш келген жок, жасалма акциздик маркалар:

__________________________________________________________________________________

__________________________________________________________________________________

Эскертүү: _________________________________________________________________________

__________________________________________________________________________________

__________________________________________________________________________________

Форма

__________________________ таандык кассадагы (субъекттин аталышы)                                    накталай акча каражаттарынын калдыгын алуу АКТЫСЫ

201__-жылдын "__" ______________

Текшерүү учурунда кассадагы накталай акча каражаттарынын суммасы

_________________________________________________________________________ түздү.

                                                 (цифра жана жазуу менен)

Эскертүү: накталай акча каражаттарынын калдыгын алуу актысы эки нускада түзүлөт: биринчи нускасы салык кызматы органында, экинчиси субъектиде калат.

Форма

_________________________________ таандык кассадагы (субъекттин аталышы)                                    чет өлкө валютасында накталай акча каражаттарынын калдыгын алуу АКТЫСЫ

201__-жылдын "__" ______________

Текшерүү учурунда кассадагы накталай акча каражаттарынын суммасы

______________________________________________________________________ түздү

                                                (сан жана жазуу менен)

Эскертүү: чет өлкө валютасында кассадагы накталай акча каражаттарын алуу актысы 2 нускада түзүлөт. Биринчи нускасы салык кызматы органында, экинчиси субъектиде калат.

Форма

Салык карыздарын жоюу үчүн салык постунун натыйжалары тууралуу АКТ

__________________________________________________________________________ берген

20__-жылдын "__" ____________ № _________________________ жазма буйругунун негизинде

20__-жылдын "__" __________________________ - 20__- жылдын "__" ______________________

_________________________________________________________________________________

                                                      (салыктык (эсептик) каттоосу)

дареги боюнча жайгашкан ___________________________________________________ таандык

                                                                               (субъекттин аталышы)

_____________________________________________________ объектте салык посту орнотулду.

Экономикалык иши 20__-жылдын "__" ____________ сериясы № _____________________ ИСНи

_________________________ мамкаттоо жөнүндө күбөлүгүнүн негизинде жүргүзүлөт.

Акт ______________________________________________________________________________

                    (салык кызматы органынын кызматкерлеринин аты-жөнү, кызмат орундары)

________________________________________________________________ тарабынан түзүлдү.

Инспектордук текшерүү китебинин болушу _____________________________________________

Салык постунун ишинин жыйынтыгы боюнча төмөнкүлөр белгиленди:

1. Салык карызы 20__-жылдын "__" ___________________ № _______________ чечимге

ылайык бардыгы ______________________________________________________ сомду,

анын ичинде өнбөгөн калдык ________________ сомду, туум _________________ сомду

жана салык санкциясы ____________________________________________ сомду түзөт.

                                                                     (жазуу менен)

2. Өндүрүү учурунда салык карызынын эсебине бардыгы

_______________________________________________________________ сом төлөндү.

     (сумма жазуу менен, төлөм документинин аталышы, номери, датасы)

3. Кассадагы накталай акча каражаты _________________________________ актысына

ылайык ________________________________________________________ сомду түздү

                    (кассадагы накталай акча каражатынын калдыктарын алуу)

4. Ушул акт менен салык карызын жоюу эсебине накталай акча каражаты бардыгы

____________________________________________________________ сом өндүрүлдү.

                                            (сумма жазуу менен)

Акт 2 нускада түзүлдү.

Форма

Салык постунун натыйжалары жөнүндө АКТ

(КР Өкмөтүнүн 2021-жылдын 16-мартындагы № 95 токтомунун редакциясына ылайык)

Акт _____________________________________________________________________________

_____________________________________________________________________ тарабынан

     (салык кызматы органынын кызматкерлеринин аты-жөнү, кызмат орундары)

МСКнын _________________ району боюнча башкармалыгынын 20__-жылдын "__" __________

№ ______ жазма буйругунун негизинде түзүлдү, _____________________ дарегинде жайгашкан

____________________ ишкердик ишин жүзөгө ашырган _________________________ таандык

объектиге салык посту төмөнкүлөрдүн негизинде орнотулган:

1. Мамлекеттик каттоо жөнүндө күбөлүк (патент), _____________________________ тарабынан

20__-ж. "__" _________ берилген, сериясы _______ № ________

2. МСКнын _________________________________ району боюнча башкармалыгында катталган.

3. КНС төлөөчү катары катталганбы __________________________________________________

                                                                           (эгер катталса, кайсы убактан бери)

4. ИСН ______________________________ ИУРК коду ___________________________________

5. Постту орнотуу мөөнөтү: 20__-жылдын "__" _______ баштап, 20__-жылдын "__" _______ чейин.

6. Салык төлөөчүнүн иш режими: саат _________ баштап __________ чейин.

7. Тыныгуу: саат _________ баштап __________ чейин.

8. Дем алыш күндөрү ___________________________________

9. Текшерүү убактысы: саат _________ баштап __________ чейин.

10. Салык постунун ишинин актысы _________________________________________________

____________________________________________________________ катышуусунда түзүлдү.

             (субъекттин же субъекттин жооптуу адамынын аты-жөнү)

Инспектордук текшерүү китебинин болушу ___________________________________________

Салык постунун ишинин жыйынтыгы боюнча төмөнкүлөр аныкталды:

1. Иштин түрү: ___________________________________________________________________

2. Лицензиянын сериясы __________ № ___________ 20__-жылдын "__" _________________

берилген _______________________________ мөөнөтү 20__-жылдын "__" ___________ баштап

20__-жылдын "__" ____________ чейин.

3. Жалданма жумушчулардын саны ________, анын ичинен ___________ адам буйруктун/эмгек

келишиминин, патенттин негизинде иштейт (керектүүсүнүн асты чийилет).

4. Баалыктар (прейскуранттар, меню), алардын эсеп-фактурага (коштомо кагазга) шайкештиги

_______________________________________________________________________________

5. ККМ (модель) ____________ МСКнын ________________ району боюнча башкармалыгында

20__-жылдын "__" ________ катталган, каттоо номери ___________________

6. ККМны колдонбоо фактысы (чек урулган эмес), бузук ККМди колдонуу же чек бербөө

_______________________________________________________________________________

Форма

                        (Салык постунун натыйжалары жөнүндө актынын арткы бети)

7. Текшерүү мезгилиндеги накталай түшкөн акча ______________________________________

__________________________________________________________________________ түздү

                                                  (цифра жана жазуу менен)

8. Товарларды, жумуштарды жана кызмат көрсөтүүлөрдү эсепке алуунун программалык

каражаты аркылуу басып чыгарылган документ боюнча көрсөткүчтөр

20__-жылдын "__" ________, _______________________________________________________

________________________________________________________________________________

                                                       (цифра жана жазуу менен)

9. 20__-жылдын "__'' ___________ карата өчүрбөстөн контролдук чектеги көрсөткүч (Х-отчет)

________________________________________________________________________________

______________________________________________________________________ суммасына

                                                (цифра жана жазуу менен)

10. Ашыкча (кеми) белгиленди (7-9-п.) _______________________________________________

________________________________________________________________________________

                                                      (цифра жана жазуу менен)

11. Акциздик маркалардын, мунай продуктуларына контролдук пломбанын болушу же жоктугу

________________________________________________________________________________

12. Z-отчетундагы көрсөткүч боюнча бардык түшкөн акча, төлөм тапшырыгы жана/же даяр

продукция жүктөлдү ______________________________________________________________

13. Акыркы айга карата соода түйүнүнөн жалпы түшкөн акча ____________________________

14. Акыркы айга карата күнүмдүк түшкөн акча ________________________________________

15. Эскертүү: ____________________________________________________________________

________________________________________________________________________________

________________________________________________________________________________

________________________________________________________________________________

Акт 2 нускада түзүлдү.

Форма

______________________________________________________ (пайдалуу кендин аталышы) жүктөлгөн продукцияны каттоо ЖУРНАЛЫ ______________________________________________________________________ (кен чыккан объектинин, карьердин аталышы) _____________________________________________________________________ (карьердин жайгашкан жеринин дареги)           (карьердин аянты)

Форма

Тоскоолдук кылуу ПРОТОКОЛУ

Протокол ______________________________________________________________________________

                      (салык кызматы органынын кызматкерлеринин аты-жөнү, кызмат орундары)

__________________________________ тарабынан __________________________________ берилген

                                                                                       (салык органынын аталышы)

20__-жылдын "__" ______________

№ _________________ буйругунун негизинде, _______________________________________________

___________________________________________________________________ дарегинде жайгашкан

                        (райондун, көчөнүн аталышы, үй номери)

______________________________________________________________________________ тиешелүү

                                                   (субъекттин аталышы)

_______________________________________________________________________________________

                   (соода түйүндөрүнүн, тейлөө жана кызмат көрсөтүү чөйрөсүнүн аталышы)

______________________________________________________________________ жүргүзүүдө түзүлдү

                                         (салыктык контролдун түрү)

_______________________________________________________________________________________

                              (субъекттин жетекчисинин же жооптуу адамынын аты-жөнү)

_______________________________________________________________________________________

                 (жашаган жеринин дареги, жарандыгы, мамлекеттик же расмий тилди билет)

жайдагы изилденип жаткан объектиге кирүүгө жол бербөө, экономикалык ишти жүргүзүү укугуна уруксат берүүчү документтерди жана салыктарды эсептөө үчүн зарыл болгон кирешелердин жана чыгымдардын толуктугун жана эсепке алуунун тууралыгын чагылдыруучу документтерди бербөө жолу менен тоскоолдук көрсөтүлдү.

Эскертүү: ______________________________________________________________________________

_______________________________________________________________________________________

Күбөлөр:

1) Аты-жөнү ___________________________________________ /колу/ ____________________

Жашаган жеринин дареги __________________________________________________________

2) Аты-жөнү ___________________________________________ /колу/ _____________________

Жашаган жеринин дареги __________________________________________________________