КР Өкмөтүнүн 2021-жылдын 5-мартындагы № 72 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮНҮН ТОКТОМУ

2021-жылдын 27-январы № 33

Кыргыз Республикасынын Өкмөтүнүн 2012-жылдын 20-февралындагы № 119 "Кыргыз Республикасынын Билим берүү жана илим министрлиги жөнүндө" токтомуна өзгөртүү киргизүү тууралуу

Билим берүү системасында ыкчам электрондук маалымат алмашууну камсыздоо максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү токтом кылат:

1. Кыргыз Республикасынын Өкмөтүнүн 2012-жылдын 20-февралындагы № 119 "Кыргыз Республикасынын Билим берүү жана илим министрлиги жөнүндө" токтомуна төмөнкүдөй өзгөртүү киргизилсин:

жогоруда аталган токтом менен бекитилген Кыргыз Республикасынын Билим берүү жана илим министрлиги жөнүндө жободо:

- 7-пункту төмөнкүдөй мазмундагы жыйырманчы абзац менен толукталсын:

"- Кыргыз Республикасынын жеке маалыматтар чөйрөсүндөгү мыйзамдарына ылайык жана мамлекеттик органдар, жергиликтүү өз алдынча башкаруу органдары жана менчигинин түрүнө карабастан уюмдар менен макулдашуу боюнча менчигинин түрүнө карабастан билим берүү уюмдары жөнүндө маалыматты, окугандарга жана кызматкерлерге карата жеке мүнөздөгү маалыматты сурап алууга, чогултууга, иштетүүгө, сактоого, пайдаланууга, өткөрүп берүүгө жана коргоого.".

2. Ушул токтом расмий жарыяланган күндөн тартып он күн өткөндөн кийин күчүнө кирет.

"Эркин Тоо" газетасынын 2021-жылдын 9-февралындагы № 10 жарыяланды