Кыргыз Республикасынын

Министрлер Кабинетинин

2024-жылдын 29-майындагы № 288

токтомуна ылайык

КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮНҮН ТОКТОМУ

2021-жылдын 1-апрели № 126

Кыргыз Республикасынын Өкмөтүнүн 2014-жылдын 25-августундагы № 482 "Мамлекеттик органдардын коомдук кеңештери жөнүндө" Кыргыз Республикасынын Мыйзамын ишке ашыруу боюнча чаралар тууралуу" токтомуна өзгөртүүлөрдү киргизүү жөнүндө

Кыргыз Республикасынын Өкмөтүнүн түзүмү өзгөргөндүгүнө, ошондой эле аткаруу бийлигинин мамлекеттик башкаруу органдарынын кайра уюштурулгандыгына байланыштуу, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10, 17 жана 25-беренелерине ылайык Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 2014-жылдын 25-августундагы № 482 "Мамлекеттик органдардын коомдук кеңештери жөнүндө" Кыргыз Республикасынын Мыйзамын ишке ашыруу боюнча чаралар тууралуу" токтомуна төмөнкүдөй өзгөртүүлөр киргизилсин:

- 1-пунктундагы "министрликтеринин, мамлекеттик комитеттеринин, административдик ведомстволорунун" деген сөздөр "аткаруу бийлигинин мамлекеттик органдарынын" деген сөздөр менен алмаштырылсын;

- 4-пунктундагы "коомчулук жана жалпыга маалымдоо каражаттары менен байланышуу боюнча бөлүмүнө" деген сөздөр "маалыматтык камсыздоо бөлүмүнө" деген сөздөр менен алмаштырылсын;

- жогоруда аталган токтомдун тиркемеси ушул токтомдун тиркемесине ылайык редакцияда баяндалсын.

2. Ушул токтом расмий жарыяланган күндөн тартып жети күн өткөндөн кийин күчүнө кирет.

Коомдук кеңештер түзүлүүчү Кыргыз Республикасынын аткаруу бийлигинин мамлекеттик органдары