КР Министрлер Кабинетинин 2023-жылдын 13-январындагы № 13 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН

ТОКТОМУ

2022-жылдын 18-февралы № 89

"Кыргыз Республикасынын айрым мыйзам актыларына ("Кыргыз Республикасында инвестициялар жөнүндө" Кыргыз Республикасынын Мыйзамына, "Кыргыз Республикасындагы бейтарап соттор жөнүндө" Кыргыз Республикасынын Мыйзамына) өзгөртүүлөрдү киргизүү жөнүндө" Кыргыз Республикасынын Мыйзамынын долбоору тууралуу

Кыргыз Республикасынын Конституциясынын 85 жана 86-беренелерине, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 27-беренесине ылайык Кыргыз Республикасынын Министрлер Кабинети токтом кылат:

1. "Кыргыз Республикасынын айрым мыйзам актыларына ("Кыргыз Республикасында инвестициялар жөнүндө" Кыргыз Республикасынын Мыйзамына, "Кыргыз Республикасындагы бейтарап соттор жөнүндө" Кыргыз Республикасынын Мыйзамына) өзгөртүүлөрдү киргизүү жөнүндө" Кыргыз Республикасынын Мыйзамынын долбоору жактырылсын.

2. Мыйзам долбоору Кыргыз Республикасынын Жогорку Кеңешинин кароосуна жиберилсин.

3. Кыргыз Республикасынын Жогорку Кеңешинен мыйзам долбоорун кечиктирилгис катары кезексиз тартипте кароо суралсын.

4. Кыргыз Республикасынын юстиция министри мыйзам долбоору Кыргыз Республикасынын Жогорку Кеңешинде каралганда Кыргыз Республикасынын Министрлер Кабинетинин расмий өкүлү болуп дайындалсын.

КЫРГЫЗ РЕСПУБЛИКАСЫНЫН МЫЙЗАМЫ

Кыргыз Республикасынын айрым мыйзам актыларына ("Кыргыз Республикасында инвестициялар жөнүндө" Кыргыз Республикасынын Мыйзамына, "Кыргыз Республикасындагы бейтарап соттор жөнүндө" Кыргыз Республикасынын Мыйзамына) өзгөртүүлөрдү киргизүү жөнүндө

1-берене.

"Кыргыз Республикасында инвестициялар жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2003-ж., № 7, 252-ст.) төмөнкүдөй өзгөртүүлөр киргизилсин:

- 18-статьясында:

2-пунктунун биринчи абзацындагы "тараптардын бири кайрылуу жолу менен төмөнкүдөй жол-жоболордун бирине ылайык талаш-тартышты кароону суранбаса" деген сөздөр "тараптардын жазуу жүзүндөгү макулдашуусу боюнча кайрылуу жолу менен төмөнкүдөй жол-жоболордун бирине ылайык талаш-тартышты кароо жөнүндө чечим кабыл алынбаса" деген сөздөр менен алмаштырылсын;

3-пункту күчүн жоготту деп таанылсын.

2-берене.

"Кыргыз Республикасындагы бейтарап соттор жөнүндө" Кыргыз Республикасынын Мыйзамына ("Эркин тоо" гезити, 2002-ж., № 59-60) төмөнкүдөй өзгөртүүлөр киргизилсин:

- 46-статьясында:

биринчи бөлүгү төмөнкүдөй редакцияда баяндалсын:

"Чет өлкөлүк инвестор менен Кыргыз Республикасынын ортосундагы келишимде бейтарап макулдашуу жок болсо, чет өлкөлүк инвестор талаш-тартышты чечүү үчүн бейтарап териштирүүнү демилгелөөгө укуктуу. Мындай учурда чет өлкөлүк инвестор талаш-тартышты кароо үчүн "Кыргыз Республикасында инвестициялар жөнүндө" Кыргыз Республикасынын Мыйзамынын 18-статьясында белгиленген тартипте ушул статьяда көрсөтүлгөн кайсы болбосун органды тандап алууга укуктуу.";

төртүнчү бөлүгүндөгү "жана Кыргыз Республикасы талаш-тартышты бейтарап соттун кароосуна берүүгө макулдугун берди деп эсептелинет" деген сөздөр алып салынсын.

3-берене.

Бул Мыйзам расмий жарыяланган күндөн тартып жети күн өткөндөн кийин күчүнө кирет.