КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2022-жылдын 27-декабры № 716

Кыргыз Республикасынын айрым мамлекеттик органдарынын кызматкерлеринин эмгегине акы төлөө шарттары жөнүндө Кыргыз Республикасынын Министрлер Кабинетинин айрым чечимдерине өзгөртүүлөрдү киргизүү тууралуу

Кыргыз Республикасынын айрым мамлекеттик органдарынын кызматкерлерине акы төлөө системасын тартипке келтирүү максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Өкмөтүнүн 2009-жылдын 18-декабрындагы № 791 "Кыргыз Республикасынын Өзгөчө кырдаалдар министрлигине караштуу Суучулдарды даярдоо жана суу алдындагы техникалык иштерди аткаруу борбору (Суучулдар кызматы) жөнүндө" токтомуна төмөнкүдөй өзгөртүүлөр киргизилсин:

жогоруда аталган токтом менен бекитилген Бюджеттик булактардан каржылануучу, Кыргыз Республикасынын Өзгөчө кырдаалдар министрлигине караштуу Суучулдарды даярдоо жана суу алдындагы техникалык иштерди аткаруу борборунун (Суучулдар кызматынын) кызматкерлерине эмгек акы төлөө шарттары тууралуу жободо:

- 25, 26-пункттар күчүн жоготту деп таанылсын;

- төмөнкүдөй мазмундагы 26¹-пункт менен толукталсын:

"26¹. Кызматкерлерге календардык жылдын аягында орточо айлык эмгек акы фондунун өлчөмүндө он үчүнчү эмгек акы төлөнөт.".

2. Кыргыз Республикасынын Министрлер Кабинетинин 2022-жылдын 20-майындагы № 263 "Кыргыз Республикасынын Саламаттык сактоо министрлигине караштуу Милдеттүү медициналык камсыздандыруу фондунун мамлекеттик кызматчылар категориясына кирбеген кызматкерлерине эмгек акы төлөөнүн шарттары жөнүндө" токтомуна төмөнкүдөй өзгөртүүлөр киргизилсин:

- 3-пункттун 2-пунктчасында:

үчүнчү абзац күчүн жоготту деп таанылсын;

төмөнкүдөй мазмундагы төртүнчү абзац менен толукталсын:

"- календардык жылдын аягында орточо айлык эмгек акы фондунун өлчөмүндө он үчүнчү эмгек акы.".

3. Кыргыз Республикасынын Министрлер Кабинетинин 2022-жылдын 29-июлундагы № 408 "Кыргыз Республикасынын Министрлер Кабинетине караштуу Кыргыз Республикасынын Социалдык фондунун мамлекеттик кызматчылар категориясына кирбеген кызматкерлерине эмгек акы төлөөнүн шарттары жөнүндө" токтомуна төмөнкүдөй өзгөртүүлөр киргизилсин:

- 3-пунктта:

1-пунктчада:

жетинчи абзац күчүн жоготту деп таанылсын;

төмөнкүдөй мазмундагы тогузунчу абзац менен толукталсын:

"- календардык жылдын аягында орточо айлык эмгек акы фондунун өлчөмүндө он үчүнчү эмгек акы.";

2-пунктчада:

тогузунчу абзац күчүн жоготту деп таанылсын;

төмөнкүдөй мазмундагы он биринчи абзац менен толукталсын:

"- календардык жылдын аягында орточо айлык эмгек акы фондунун өлчөмүндө он үчүнчү эмгек акы.".

4. Кыргыз Республикасынын Министрлер Кабинетинин 2022-жылдын 1-августундагы № 423 "Кыйноолорду жана башка катаал, адамкерчиликсиз же кадыр-баркты басмырлаган мамиленин жана жазанын түрлөрүнүн алдын алуу боюнча Кыргыз Республикасынын Улуттук борборунун кызматкерлерине эмгек акы төлөө шарттары жөнүндө" токтомуна төмөнкүдөй өзгөртүүлөр киргизилсин:

- 3-пунктта:

6-пунктча күчүн жоготту деп таанылсын;

төмөнкүдөй мазмундагы 7-пунктча менен толукталсын:

"7) календардык жылдын аягында орточо айлык эмгек акы фондунун өлчөмүндө он үчүнчү эмгек акы.".

5. Кыргыз Республикасынын Министрлер Кабинетинин 2022-жылдын 1-августундагы № 435 "Кыргызжылуулукэнерго" мамлекеттик ишканасынын республикалык адистештирилген комбинатынын кызматкерлерине эмгек акы төлөө шарттары жөнүндө" токтомуна төмөнкүдөй өзгөртүүлөр киргизилсин:

- 3-пунктта:

төртүнчү абзац күчүн жоготту деп таанылсын;

төмөнкүдөй мазмундагы алтынчы абзац менен толукталсын:

"- календардык жылдын аягында орточо айлык эмгек акы фондунун өлчөмүндө он үчүнчү эмгек акы.".

6. Бул токтом 2023-жылдын 1-январынан тартып күчүнө кирүүчү 1-пункттун төртүнчү, бешинчи абзацтарын, 2-пункттун төртүнчү, бешинчи абзацтарын, 3-пункттун бешинчи, алтынчы, тогузунчу, онунчу абзацтарын, 4-пункттун төртүнчү, бешинчи абзацтарын, 5-пункттун төртүнчү, бешинчи абзацтарын кошпогондо, кол коюлган күндөн тартып күчүнө кирет.