Электр менен жабдуучу уюмдардын тармактарына объекттерди технологиялык кошууга төлөмдүн өлчөмүн аныктоо ТАРТИБИ

1. Жалпы жоболор

1. Электр менен жабдуучу уюмдардын тармактарына объекттерди технологиялык кошууга төлөмдүн өлчөмүн аныктоо тартиби (мындан ары - Тартиби) технологиялык кошууга төлөмдүн өлчөмүн эсептөөнүн бирдиктүү жолун белгилөө максатында иштелип чыкты.

2. Тартиптин максаттары жана принциптери

2. Ушул Тартиптин негизги максаты электр менен жабдуучу уюмдардын тармактарына технологиялык кошулуунун принциптерин аныктоо болуп эсептелет, ал өз ичине кошулуу түйүнүндө керектүү электр кубаттуулугун жана талап кылынган чыңалуу деңгээлин камсыз кылуу үчүн инженердик-техникалык жана уюштуруу иш-чаралардын комплексин киргизет.

3. Электр тармактарга объектти технологиялык кошууга төлөмдүн өлчөмүн аныктоонун негизги принциптери болуп эсептелет:

1) электр тармактарга объектти технологиялык кошуу боюнча керектүү иш-чараларга электр менен жабдуучу уюмдардын чыгымдарын каржылоо;

2) кубаттуулуктун көбөйүшүнөн улам жүк өскөндө ишенимдүү электр менен жабдууну камсыз кылуу максатында тармактардын өткөрүү жөндөмдүүлүгүн күчөтүү жана көбөйтүүнү караштырган кайра конструкциялоого, жаңылоого жана жаңы курулушка инвестициялык чыгымдарды электр менен жабдуучу уюмдардын эсебинен салуу;

3) электр менен жабдуучу уюмдардын жана электр энергиясынын керектөөчүлөрүнүн кызыкчылыктарынын балансын сактоо;

4) технологиялык кошууга төлөмдүн өлчөмүн аныктоонун ачыктыгын камсыз кылуу, ошондой эле мүмкүн болуучу коркунучтарды болтурбоо.

3. Тартипке сереп

4. Электр тармактарга технологиялык кошууга төлөм электр менен жабдуучу уюм менен жаңы керектөөчүнүн ортосунда түзүлгөн келишимдин негизинде жаңы объектти кошууга өтүнмө берген юридикалык жана жеке жактардан алынат. Тиричилик жана тиричилик эмес керектөөчүлөрдү кубаттуулугу 10 кВт чейин 0,23-0,4 кВ чыңалуу деңгээлинде технологиялык кошууга төлөм алынбайт.

5. Кубаттуулугу 10 кВт жогору болгондо, ар бир кошумча кВт үчүн 0,4 кВ чыңалуу деңгээлинде технологиялык кошууга төлөм алынат.

6. Технологиялык кошууга төмөнкү учурларда төлөм алынат:

1) жаңы курулуштун алгач ишке киргизилип жаткан объектилерин кошкон учурда;

2) электр керектөөнүн мурда кошулган кайра конструкциялануучу системасынын кубаттуулугун көбөйткөн учурда.

7. Керектөөчүнүн же электр менен жабдуучу уюмдун менчигинин түрүн өзгөртүү, анын ичинде жеке жактан юридикалык жакка менчикгинин түрүн өзгөртүү технологиялык кошууга кайталап төлөө милдеттенмелерин алып келбейт.

8. Ар бир жаңы объект үчүн технологиялык кошууга төлөмдүн өлчөмү кубаттуулук бирдигин (1 кВт) технологиялык кошууга ыйгарым укуктуу орган тарабынан белгиленген төлөмдүн негизинде электр менен жабдуучу уюм менен технологиялык кошууга келишим түзүүдө бир жолу көрсөтүлөт.

9. Электр менен жабдуунун учурдагы тармактарына жаңы объекттин кубаттуулук бирдигин технологиялык кошууга төлөмдүн өлчөмүн эсептөө талап кылынган чыңалуу деңгээлинен жана суралган кубаттуулуктан чыгып, объектти кошууга иш жүзүндөгү чыгымдардын негизинде жүргүзүлөт.

10. Кубаттуулук бирдигин технологиялык кошууга төлөмдүн өлчөмүн эсептөө электр менен жабдуу тармагынын ар түрдүү элементтерин күчөтүүнө стандартташтырылган чыгымдарды колдонууга негизделет. Электр менен жабдуучу уюмдардын тармактарына технологиялык кошулуу үчүн бир топ жыш колдонулган чыгымдар стандартташтырылган болуп эсептелет. Технологиялык кошууга төлөмгө киргизилген чыгымдарды стандартташтыруу бир топ типтүү жана технологиялык жактан акталган жумуштардын наркын ортолотуу менен ишке ашырылат.

11. Технологиялык кошууга төлөмдү эсептөө керектөөчү жана электр менен жабдуучу уюмдун ортосун бөлүү чекитине чейин чыгымдарды өз ичине киргизүүгө тийиш. Электр тармактын инфратүзүмүнө электр менен жабдуучу уюмдун менчик укугу токтогон чекит бөлүү чекити катары кабыл алынат.

12. Технологиялык кошууга төлөмдүн курамына эсепке алуу системасына чыгымдар, кубаттуулук бирдиги эсептелген тармактык инфратүзүмдүн учурдагы элементтерин күчөтүү боюнча иш-чаралардын наркы киргизилет.

13. Технологиялык кошууга төлөм максаттуу мүнөзгө ээ жана электр менен жабдуучу уюмдун атайын эсебине топтолуу менен эсепке алынууга жатат.

14. Төлөмдүн өлчөмүн аныктоодо эске алынган күчөтүүгө чыгымдар электр менен жабдуучу уюм тарабынан өзүнчө эсепке алынууга жатат.

15. Электр менен жабдуучу уюмдун технологиялык кошууга төлөм менен компенсацияланбаган экономикалык негизделген чыгымдары инвестициялар менен таанылат жана кийинки тарифтик жөнгө салуу мезгилинде электр энергиясына тарифтерде компенсацияланат. Жөнгө салуу мезгилинин ичинде тарткан технологиялык кошууга экономикалык негизделген чыгымдарды ашыруудан алынган кирешелер кийинки тартиптик жөнгө салуу мезгилде тарифтерди түзүүдө электр менен жабдуучу уюмдун талап кылынган кирешесинен алып салынат.

4. Чыңалуу деңгээли 35 кВ чейин электр тармактарына технологиялык кошууга төлөмдү эсептөө жана колдонуу тартиби

16. Кубаттуулук бирдигин (1 кВт) технологиялык кошууга төлөмдүн өлчөмү ыйгарым укуктуу орган тарабынан өткөн жылдын иш жүзүндөгү инфляциясынын деңгээлине жыл сайын түзөтүү менен үч жылда бир жолу белгиленет.

17. Ыйгарым укуктуу орган тарабынан белгиленген кубаттуулук бирдигин (1 кВт) технологиялык кошууга төлөмдүн өлчөмү менчигинин түрүнө жана аймакта (региондо) жайгашуусуна карабастан бардык электр менен жабдуучу уюмдар үчүн бирдей болуп эсептелет.

18. Кубаттуулугу 10 кВт жогору объектти технологиялык кошууда ар бир кошумча кВт үчүн өзүнчө технологиялык кошууга төлөм алынат, ал төмөнкүдөй тартипте эсептелет:

1) ушул Тартиптин 1-тиркемесине ылайык 0,4 кВ чыңалуу деңгээлинде технологиялык кошуунун өндүрүшү менен байланыштуу электр орнотмолорунун өткөрүү жөндөмдүүлүгүн көбөйтүү үчүн зарыл иш-чаралардын тизмеси аныкталат;

2) ушул Тартиптин 2-тиркемесине ылайык аба аркылуу жана кабелдик чыгуулар үчүн өзүнчө 0,4 кВ чыңалуу деңгээлинде технологиялык кошуунун өндүрүшү менен байланыштуу жумуштарды аткаруу боюнча кызматтардын наркын эсептелет;

3) ушул Тартиптин 3-тиркемесине ылайык 10(6) кВ чыңалуу деңгээлинде технологиялык кошуунун өндүрүшү менен байланыштуу электр орнотмолорунун өткөрүү жөндөмдүүлүгүн көбөйтүү үчүн зарыл иш-чаралардын тизмеси аныкталат;

4) ушул Тартиптин 4-тиркемесине ылайык аба аркылуу жана кабелдик чыгуулар үчүн өзүнчө 10(6) кВ чыңалуу деңгээлинде технологиялык кошуунун өндүрүшү менен байланыштуу жумуштарды аткаруу боюнча кызматтардын наркын эсептелет;

5) ушул Тартиптин 5-тиркемесине ылайык бир топ жыш колдонулган 0,4 кВ автоматтык өчүргүчтөр жана 10(6) кВ агым трансформаторлору боюнча 0,4 кВ жана 10(6) кВ электр орнотмолорунун өткөрүү жөндөмдүүлүгүн көбөйтүү үчүн зарыл иш-чаралардын комплексин аткарууну караштырган тепкичтин агымынын орточо арифметикалык мааниси, тепкичтердин номиналдык кошулууларынын саны аныкталат;

6) ушул Тартиптин 6 жана 7-тиркемелерине ылайык кошуу боюнча кызматтардын наркынын эсептелген маанилерине жана алардын саны боюнча 0,4 кВ жана 10(6) кВ чыңалуу деңгээлинде аба аркылуу жана кабелдик чыгуулар үчүн өзүнчө кошулуучу кубаттуулук бирдигинин (1 кВт) наркы аныкталат.

7) аба аркылуу жана кабелдик чыгуу менен 0,4 кВ чыңалуу деңгээлинде 10 кВт жогору кубаттуулукту технологиялык кошууга төлөмдүн толук өлчөмү электр менен жабдуучу уюм тарабынан төмөнкүдөй формула боюнча эсептелет:

Птп жогору 10 (0,4) = (Пбирд (0,4) х Пкубатт жогору10 (0,4))

где:

- Пбирд (0,4) - кошулуучу кубаттуулуктун бирдигинин (1 кВт) наркы ушул Тартиптин 6 жана 7-тиркемелерине ылайык эсептелген 0,4 кВ чыңалуу деңгээлинде;

- Пкубатт жогору 10 (0,4) - 0,4 кВ (кВт) чыңалуу деңгээлинде 10 кВт жогору кошулуучу кубаттуулуктун чоңдугу.

19. 10(6) кВ чыңалуу деңгээлинде технологиялык кошууга төлөм төмөнкү тартипте эсептелет жана колдонулат:

1) 10(6) кВ чыңалуу деңгээлинде технологиялык кошууга төлөмдү эсептөөдө 0,4 кВ чыңалуу деңгээлинде тиешелүү чыгуулар менен технологиялык кошуунун өндүрүшү менен байланыштуу жумуштарды аткарууга чыгымдар эске алынбайт;

2) ушул Тартиптин 6 жана 7-тиркемелерине ылайык аба аркылуу жана кабелдик чыгуулар үчүн өзүнчө 10(6) кВ чыңалуу деңгээлинде кошулуучу кубаттуулук бирдигинин наркы аныкталат;

3) аба аркылуу жана кабелдик чыгуу менен 10(6) кВ чыңалуу деңгээлинде технологиялык кошууга төлөмдүн толук өлчөмү электр менен жабдуучу уюм тарабынан төмөнкүдөй формула боюнча эсептелет:

Птп 10(6) = Пбирд 10(6) х Пкубатт 10(6) ,

мында:

- Пбирд 10(6) кВ - ушул Тартиптин 6 жана 7-тиркемелерине ылайык эсептелген 10(6) кВ чыңалуу деңгээлинде кошулуучу кубаттуулук бирдигинин (1 кВт) наркы;

- Пкубатт 10(6) кВ чыңалуу деңгээлинде кошулуучу кубаттуулук бирдигинин чоңдугу.

20. Кошуу түйүнүндө камсыз кылуу үчүн ушул Тартиптин 1 жана 3-тиркемелеринде көрсөтүлгөн талап кылынган чыңалуу деңгээлинин зарыл электр кубаттуулугу, инженердик-техникалык жана уюштуруу иш-чаралардын комплекси жетишсиз болгон учурда арыз ээси объектти кошуу үчүн жаңы электр тармактарын курулушуна электр менен жабдуучу уюм тарабынан берилген техникалык шарттарды аткарат. Бул учурда технологиялык кошууга төлөм алынбайт (колдонулбайт).

21. Эгер электр менен жабдуучу уюмга убактылуу схема боюнча (белгилүү мезгилге) объектти кошууга техникалык шарттарды берүүгө арыз келип түшсө, технологиялык кошууга төлөм алынбайт (колдонулбайт).

5. Чыңалуу деңгээли 35 кВ жана андан жогору электр тармактарына технологиялык кошууга төлөмдүн өлчөмүн эсептөө

22. Чыңалуу деңгээли 35 кВ жана андан жогору электр тармактарына технологиялык кошууга төлөмдүн өлчөмүн эсептөө электр менен жабдуучу уюм тарабынан ар бир кошуу учуру үчүн иштелип чыккан долбоордук-сметалык документтердин негизинде жүргүзүлөт.

23. Объектти технологиялык кошууга төлөмдүн белгиленген өлчөмү электр менен жабдуучу уюм тарабынан Заказчы менен келишимдин негизинде алынат.

24. 35 кВ жана андан жогору көмөк чордондун төмөн чыңалуудагы шиналарына түз кошулганда технологиялык кошулуунун эсептик чыңалуу деңгээли катары ушул көмөк чордондун жогору чыңалуу деңгээли алынат.

0,4 кВ чыңалуу деңгээлинде технологиялык кошуунун өндүрүшү менен байланыштуу ИШ-ЧАРАЛАРДЫН ТИЗМЕСИ

0,4 кВ чыңалуу деңгээлинде технологиялык кошуунун өндүрүшү менен байланыштуу жумуштарды аткаруу боюнча кызматтардын наркын ЭСЕПТӨӨ

0,4 кВ чыңалуу деңгээлинде технологиялык кошуунун өндүрүшү менен байланыштуу ИШ-ЧАРАЛАРДЫН ТИЗМЕСИ

10(6) кВ чыңалуу деңгээлинде технологиялык кошуунун өндүрүшү менен байланыштуу жумуштарды аткаруу боюнча кызматтардын наркын ЭСЕПТӨӨ

Номиналдык кошулуулардын төлөмдөрүн ЭСЕПТӨӨ

Агын трансформаторлорунун номиналдык агындарынын шкаласы:

Наиболее часто применяемые трансформаторы тока:

Бир топ жыш колдонулуучу автоматтык өчүргүчтөр:

Кошулуулардын наркынын эсептик шкаласы (аба аркылуу чыгуу)

Кошулуулардын наркынын эсептик шкаласы (кабелдик чыгуу)