КЫРГЫЗ РЕСПУБЛИКАСЫНЫН МЫЙЗАМЫ

2011-жылдын 10-ноябры № 203

Кыргыз Республикасынын Куралдуу Күчтөрүнүн Тартип уставына өзгөртүү жана толуктоо киргизүү жөнүндө

1-берене.

"Кыргыз Республикасынын Куралдуу Күчтөрүнүн Тартип уставы жөнүндө" Кыргыз Республикасынын Мыйзамы менен кабыл алынган Кыргыз Республикасынын Куралдуу Күчтөрүнүн Тартип уставына ("Эркин Тоо" газетасы, 1998-жылдын 16-сентябрындагы № 133-140) төмөнкүдөй өзгөртүү жана толуктоо киргизилсин:

1. Преамбуланын үчүнчү абзацы төмөнкүдөй редакцияда баяндалсын:

"Уставдын күчү Кыргыз Республикасынын Куралдуу Күчтөрүнүн, башка аскердик түзүлүштөрдүн жана Мыйзам менен аскер кызматы белгиленген мамлекеттик органдардын аскер кызматчыларына жайылтылат.".

2. 36-пункт "көлөмүндө" деген сөздөн кийин ", ысымы жазылган ок атуучу курал менен сыйлоону албаганда," деген сөздөр менен толукталсын.

2-берене.

Ушул Мыйзам расмий жарыяланган күндөн тартып күчүнө кирет.

Кыргыз Республикасынын Өкмөтү үч айлык мөөнөттө өзүнүн ченемдик укуктук актыларын ушул Мыйзамга ылайык келтирсин.