КР Министрлер Кабинетинин 2021-жылдын 24-декабрындагы № 340-т (Кыргыз Республикасынын Өкмөтүнүн 2020-жылдын 30-октябрындагы N 356-б буйругуна өзгөртүү киргизүү тууралуу) тескемеси

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТЕСКЕМЕСИ

2021-жылдын 24-декабры № 340-т

Кыргыз Республикасынын Президентинин 2021-жылдын 12-октябрындагы № 425 "Кыргыз Республикасынын Министрлер Кабинетинин түзүмү жана курамы жана Кыргыз Республикасынын Президентинин Администрациясынын түзүмү жөнүндө" Жарлыгына, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык:

Кыргыз Республикасынын Өкмөтүнүн 2020-жылдын 30-октябрындагы № 356-б буйругуна төмөнкүдөй өзгөртүүлөр киргизилсин:

1) 4-пункту "Экономика'' деген сөздөн кийин "жана коммерция" деген сөздөр менен толукталсын;

2) 5-пунктундагы "Өкмөтүнүн Аппаратынын уюштуруу-инспектордук иштер жана региондук өнүктүрүү бөлүмүнө" деген сөздөр "Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына" деген сөздөр менен алмаштырылсын;

3) аталган буйруктун 1-тиркемеси ушул тескеменин тиркемесине ылайык редакцияда баяндалсын;

4) аталган буйрук менен бекитилген Ош облусунда жана Ош шаарында "Региондук экономикалык өнүгүү" долбоорун ишке ашыруу боюнча Байкоочу кеңештин ишинин регламентинде:

- 4-пунктундагы ''Өкмөтүнүн" деген сөз "Министрлер Кабинетинин" деген сөздөр менен алмаштырылсын;

- 11-пунктундагы "Экономика министри" деген сөздөр "айыл чарба министринин орун басары" деген сөздөр менен алмаштырылсын.

Ош облусунда жана Ош шаарында "Региондук экономикалык өнүгүү" долбоорун ишке ашыруу боюнча Байкоочу кенештин КУРАМЫ

Кыргыз Республикасынын экономика жана коммерция министринин биринчи орун басары, Байкоочу кеңештин төрагасы;

Кыргыз Республикасынын айыл чарба министринин орун басары, Байкоочу кенештин төрагасынын орун басары.

Байкоочу кенештин мүчөлөрү:

Кыргыз Республикасынын Президентинин Администрациясынын саясий жана экономикалык изилдөөлөр башкармалыгынын реформаларга мониторинг жүргүзүү жана талдоо бөлүмүнүн башчысы;

Кыргыз Республикасынын Президентинин Администрациясынын Президенттин жана Министрлер Кабинетинин чечимдерин даярдоо боюнча башкармалыгынын уюштуруу иштери жана аймактар менен өз ара аракеттенүү бөлүмүнүн башчысы;

Кыргыз Республикасынын финансы министринин орун басары;

Кыргыз Республикасынын маданият, маалымат, спорт жана жаштар саясаты министринин орун басары;

Кыргыз Республикасынын Министрлер Кабинетине караштуу Архитектура, курулуш жана турак жай-коммуналдык чарба мамлекеттик агенттигинин директорунун орун басары;

Кыргыз Республикасынын Президентинин Кыргыз Республикасынын Ош облусундагы ыйгарым укуктуу өкүлүнүн орун басары;

Ош шаарынын вице-мэри.".