Кыргыз Республикасынын Министрлер Кабинетинин 2026-жылдын 25-июнундагы № 437 токтомуна ылайык

КҮЧҮН ЖОГОТТУ

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2026-жылдын 18-марты № 181

Мамлекеттик колдоо чараларын жана өнүктүрүү институттарынын ресурстарын консолидациялоо максатында, «Кыргыз Республикасынын Министрлер Кабинети жөнүндө» Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Министрлер Кабинетинин 2022-жылдын 16-июнундагы № 323 «Кыргыз Республикасынын өнүктүрүү институттарынын координациялык кеңешин түзүү жөнүндө» токтомуна төмөнкүдөй өзгөртүүлөр киргизилсин:

1) жогоруда аталган токтомдун 1-тиркемеси ушул токтомдун тиркемесине ылайык редакцияда баяндалсын;

2) жогоруда аталган токтом менен бекитилген Кыргыз Республикасынын өнүктүрүү институттарынын координациялык кеңеши жөнүндө жободо:

– 3-главанын алтынчы абзацы төмөнкүдөй редакцияда баяндалсын:

«– өз компетенциясынын чегинде мамлекеттик органдардын, мекемелердин, мамлекеттик жогорку окуу жайларынын, илимий-изилдөө институттарынын, эл аралык уюмдардын, өнүктүрүү институттарынын, банктардын жана коомдук уюмдардын өкүлдөрүнүн катышуусунда туруктуу жана убактылуу жумушчу жана/же эксперттик топторду түзүүгө;»;

– 4-главанын үчүнчү абзацы төмөнкүдөй редакцияда баяндалсын:

«Координациялык кеңештин төрагасы күн тартипти жактырат, Координациялык кеңештин жыйналыштарына төрагалык кылат, Координациялык кеңештин кабыл алынган чечимине кол коет, ошондой эле туруктуу жана убактылуу жумушчу жана/же эксперттик топтордун жеке курамын бекитет.»;

– 4-главанын төртүнчү абзацында «, бирок кварталына бир жолудан кем эмес» деген сөздөр алып салынсын.

2. Бул токтом расмий жарыяланган күндөн тартып он беш күн өткөндөн кийин күчүнө кирет.

"Эркин-Тоо" мамлекетик расмий газетасынын 2026-жылдын 24-мартындагы № 22 (3782) жарыяланды

Кыргыз Республикасынын өнүктүрүү институттарынын координациялык кеңешинин курамы

Кыргыз Республикасынын Министрлер Кабинетинин Төрагасынын орун басары, Координациялык кеңештин төрагасы;

Кыргыз Республикасынын экономика жана коммерция министри, Координациялык кеңештин төрагасынын орун басары;

Кыргыз Республикасынын Президентинин Администрациясынын саясий жана экономикалык изилдөөлөр башкармалыгынын начальниги, Координациялык кеңештин төрагасынын орун басары.

Координациялык кеңештин мүчөлөрү:

Кыргыз Республикасынын Улуттук банкынын төрагасынын орун басары (макулдашуу боюнча);

Кыргыз Республикасынын финансы министри;

Кыргыз Республикасынын Президентине караштуу Инвестициялар боюнча улуттук агенттиктин башчысы;

Евразия өнүктүрүү банкынын Кыргыз Республикасындагы өкүлчүлүгүнүн директору (макулдашуу боюнча);

Россия-Кыргыз өнүктүрүү фондунун башкармасынын төрагасы (макулдашуу боюнча);

Өзбек-Кыргыз өнүктүрүү фондунун башкармасынын төрагасы (макулдашуу боюнча);

Мажар-Кыргыз өнүктүрүү фондунун башкармасынын төрагасы (макулдашуу боюнча);

Азербайжан-Кыргыз өнүктүрүү фондунун башкармасынын төрагасы (макулдашуу боюнча);

"Мамлекеттик финансылык холдинг" ачык акционердик коомунун башкармасынын төрагасы (макулдашуу боюнча);

"Кыргыз Республикасынын Мамлекеттик өнүктүрүү банкы" ачык акционердик коомунун башкармасынын төрагасы (макулдашуу боюнча);

"Айыл Банк" ачык акционердик коомунун башкармасынын төрагасы (макулдашуу боюнча);

"Элдик Банк" ачык акционердик коомунун башкармасынын төрагасы (макулдашуу боюнча);

"Кепилдик фонду" ачык акционердик коомунун башкармасынын төрагасы (макулдашуу боюнча);

"Кыргыз Республикасында туризмди өнүктүрүүнү колдоо фонду" ачык акционердик коомунун башкармасынын төрагасы (макулдашуу боюнча);

"Кыргыз Республикасынын Улуттук инвестициялык фонду" ачык акционердик коомунун башкы директору (макулдашуу боюнча);

"Абу-Даби Кыргыз Инвестмент" ачык акционердик коомунун башкы директору (макулдашуу боюнча);

"Ишкердикти өнүктүрүү фонду" микрокредиттик компаниясынын ачык акционердик коомунун башкармасынын төрагасынын орун басары (макулдашуу боюнча);

"Региондорду өнүктүрүү боюнча социалдык өнөктөштүк фонду" коомдук фондунун төрагасы (макулдашуу боюнча);

"Кыргызстан банктарынын союзу" юридикалык жактар бирикмесинин президенти (макулдашуу боюнча);

Кыргыз Республикасынын Агроөнөр жай комплексин өнүктүрүү ассоциациясынын аткаруучу директору (макулдашуу боюнча);

региондорду өнүктүрүү фонддорунун өкүлдөрү (макулдашуу боюнча);

ар кандай өнүктүрүү институттарынын өкүлдөрү (макулдашуу боюнча).".