БИШКЕК ШААРДЫК КЕӉЕШИ

ТОКТОМ

2009-жылдын 30-июну № 80

Муниципалдык аймактарда (көчөлөрдө, тротуарларда жана

аянттарда) куруу (реконструкциялоо), инженердик тармактарды

жана курулмаларды ремонттоо жана көрктөндүрүү элементтерин

калыбына келтирүү боюнча иштерди жүргүзүү тартиби жөнүндө

Кыргыз Республикасынын "Ишкердик ишти жөнгө салуунун ченемдик укуктук базасын оптималдаштыруу жөнүндө" мыйзамына, Кыргыз Республикасынын Президентинин 2007-жылдын 23-июлундагы № 344 "Кыргыз Республикасында уруксат берүү-жөнгө салуу системасын оптималдаштыруу боюнча айрым чаралар жөнүндө" Жарлыгына, Кыргыз Республикасынын Өкмөтүнүн 2008-жылдын 11-сентябрындагы № 509 "Лицензиялоо-уруксат берүү чөйрөсүндө ишкердикти жөнгө салуучу нормативдик укуктук базаны оптималдаштыруу жөнүндө" токтомуна ылайык, ишкердик иш-аракетти жөнгө салуунун ченемдик укуктук базасын оптималдаштырууну жүргүзүү максатында, Бишкек шаардык кеңеш

ТОКТОМ КЫЛАТ:

1. "Муниципалдык аймактарда (көчөлөрдө, тротуарларда жана аянттарда) куруу (реконструкциялоо), инженердик тармактарды жана курулмаларды ремонттоо жана көрктөндүрүү элементтерин калыбына келтирүү боюнча иштерди жүргүзүү тартиби жөнүндө" тиркелген жобо бекитилсин.

2. Бул токтом жарыяланган учурдан тартып 15 күн өткөндөн кийин күчүнө кирет.

3. Бул токтомдун аткарылышын контролдоо Бишкек шаардык кеңештин шааркуруу жана архитектура боюнча туруктуу комиссиясынын төрагасы В.А. Дашковго жана Бишкек шаарынын вице-мэри А.В.Филатовго жүктөлсүн.