Бишкек шаардык кеңешинин 2011-жылдын 17-майындагы № 225 токтомуна ылайык КҮЧҮН ЖОГОТТУ

БИШКЕК ШААРДЫК КЕӉЕШИ

ТОКТОМ

2011-жылдын 11-марты №218

Депутаттардын Бишкек шаардык кеңешинин 2008-жылдын 24-апрелиндеги №433 «Бишкек шаарында коомдук жүргүнчүлөр транспорту, такси - жеңил автомобиль жана жүк ташуучу автомобилдик транспорт менен жүргүнчүлөрдүн жүрүүсүнүн жана жүк ташуунун тарифтеринин жеңилдиктерин монетизациялоону киргизүү жөнүндө» токтомуна өзгөртүүлөрдү киргизүү жөнүндө

Бишкек шаарында коомдук жүргүнчүлөр транспорту менен жүргүнчүлөрдү жана жүктөрдү туруктуу ташууну камсыздоо үчүн, Бишкек шаардык кеңеш

ТОКТОМ КЫЛАТ:

1.Депутаттардын Бишкек шаардык кеңешинин 2008-жылдын 24-апрелиндеги №433 «Бишкек шаарында коомдук жүргүнчүлөр транспорту, такси — жеңил автомобиль жана жүк ташуучу автомобилдик транспорт менен жүргүнчүлөрдүн жүрүүсүнүн жана жүк ташуунун тарифтеринин жеңилдиктерин монетизациялоону киргизүү жөнүндө » токтомуна төмөнкүдөй өзгөртүүлөр киргизилсин:

токтомдун аталышы төмөнкүдөй редакцияда баяндалсын: «Бишкек шаарында коомдук жүргүнчүлөр транспорту менен жүргүнчүлөрдү жана жүктөрдү ташууга тарифтер жөнүндө»;

бул токтомдун 1-пунктундагы «2010-жылдын 31-декабрына чейин» деген сөздөр жана сандар «2011-жылдын 1-майына чейин» деген сөздөр жана сандар менен алмаштырылсын.

2. Бул токтом каттоодон өткөрүлсүн жана Кыргыз Республикасынын ченемдик-укуктук актыларынын мамлекеттик реестрине киргизүү үчүн Кыргыз Республикасынын Адилет Министрлигине жөнөтүлсүн.

3. Бул токтомдун аткарылышын контролдоо Бишкек шаарынын вице-мэри Т.М. Имашовго жана Бишкек шаардык кеңештин транспорт жана коммуникация, турак-жай коммуналдык чарба, отун энергетика комплекси боюнча туруктуу комиссиясына (Салымбеков Ж.М.) жүктөлсүн.